“Seanca e kuvendit sa po e ratifikoi marrëveshjen për kufirin me Malin e Zi, falënderoj të gjitha forcat politike që u bashkuan në këtë kauzë për të liruar qytetarët e Kosovës nga izolimi tre vjeçar. Të gjitha kauzat që kanë qenë tash e tri vite sot ranë poshtë, u binden 80 deputet të Kuvendit të Kosovës që të votojnë demarkacionin me Malin e Zi. Të Lidhjes Demokratike ishin 27 deputet që kanë dhënë votën ashtu siç ju kam thënë tash e sa kohë. Me këtë votim mbyllen të gjitha konspiracionet e ndryshme që kanë ardhur këtyre ditëve dhe presionit që ju kanë bërë deputetëve në këtë drejtim. Ju uroj qytetarëve të Kosovës për këtë arritje, ne do të jemi gjithmonë në shërbim të tyre për të quar përpara edhe kauza të tjera në të mirë të qytetarëve”, ka thënë Hoti.

Marrëveshja e Demarkacionit kaloi me 80 vota pro, e 11 kundër.

Ajo u votua në përpjekjen e pestë, pas hedhjes së gazit lotsjellës, katër herë radhazi.