Presidentja Osmani për marrëveshjen Kosovë – Serbi: Tani zbatimi është hapi kyç përpara
Presidentja e Kosovës, Vjosa Osmani, është deklaruar për marrëveshjen për energjinë të arritur sot me Serbinë në Bruksel.
Përmes një postimi në Twitter, ajo ka thënë se progresi i arritur sot është i një rëndësie vendimtare, teksa ka theksuar se Kosova ka treguar se është konstruktive.
Osmani ka shtuar se Kosova tani hapi kyç është zbatimi i marrëveshjes.
“Progresi i arritur sot në dialogun Kosovë-Serbi përmes arritjes së marrëveshjes për udhërrëfyesin e energjisë është i një rëndësie vendimtare. Si gjithmonë, Kosova ka treguar të jetë konstruktive dhe e angazhuar në mënyrë aktive në këtë proces. Tani zbatimi është hapi kyç përpara”, ka shkruar presidentja Osmani në Twitter.
Progress made today in the Kosovo-Serbia dialogue through reaching an agreement on the energy roadmap is of crucial importance.
As ever, Kosovo has shown to be constructive & actively engaged in this process.
Now implementation is the key step forward!
— Vjosa Osmani (@VjosaOsmaniPRKS) June 21, 2022
