11 vdekje në ditë, Serbia ndërton Universitet në veri të Kosovës: Albin Kurti gjen kohë të merret me piktura

Periskopi.com Lajme

Kryeministri i Kosovës Albin Kurti, del të jetë shumë aktiv në Instagram me postimet e fundit ku tregon se po merr pjesë në ekspozita që po mbahen në Ministrinë e Kulturës, e madje flet gjatë për artin dhe atë që paraqet, derisa në vend gjendja vazhdon të jetë e rënduar me problemet që ka shkaktuar pandemia ditëve të fundit.

Por derisa vendi po përballet me një rritje enorme të rasteve me koronavirus, Kurti po del të jetë krejtësisht i heshtur e ende pa ndonjë veprim konkret rreth kësaj situate serioze.

Vetëm sot në Kosovë u raportuan 1,682 raste pozitive dhe 11 viktima përfshirë këtu edhe një 19 vjeçar, gjë që paraqet shqetësim të madh për situatën në të cilën ndodhet vendi në raport me pandeminë.

Në javët e fundit janë shënuar në total 40 viktima nga koronavirusi, derisa rastet brenda 24 orëve kanë qenë me mijëra.

Por kryeministri i vendit nuk ka zgjedhur të merret me situatën e krijuar, por t’iu bashkangjitet disa ekspozitave që po mbahen në vend, dhe duke vlerësuar rëndësinë që ka arti.

 

 

Në ndërkohë IKSHPK përmes një postimi në Facebook tha sot se ‘’i kanë ndalur turrin variantit Delta’’, por rastet e raportuara po kalojnë mbi një mijë, duke rënë në kundërshtim me gjendjen aktuale, shkruan Gazeta Metro.

E se shifrat janë shqetësuese e tregon edhe fakti se në përditësimet e Klinikës Infektive tregohet se nuk ka shtretër të lirë, dhe në mesin e pacientëve ka edhe fëmijë të shtrirë që po përballen me variantin ‘’Delta’’ që po del të jetë varianti që përhapet më së lehti dhe më së shpejti.

Përveç problemeve me pandeminë për të cilat Kurti ka zgjedhur të hesht, ai veproi njësoj edhe dje kur Serbia filloi ndërtimin e objektit të përhershëm për për të ashtuquajturin “Universiteti i Prishtinës me seli të përkohshme në Mitrovicë.”. Ky investim i cili kap shifrat e mbi 6 milionë eurove do të bëhet direkt nga qeveria e Serbisë përmes të ashtuquajturës “Zyrë për Kosovën”, ndërsa institucionet e Kosovës nuk kanë bërë asnjë zë.

Shpërndaje në: