Molliqaj: Dallojmë shumë me AAK-në

Periskopi.com Lajme

Dardan Molliqaj thotë se Lëvizja “Vetëvendosje” ka dallime të mëdha me AAK-në e Ramush Haradinajt. Sipas tij, në rast se vendi shkon në zgjedhje, do të bëjnë një listë të përbashkët me përfaqësues të shoqërisë civile dhe partinë e Fatmir Limajt

Sekretari organizativ i Lëvizjes “Vetëvendosje”, Dardan Molliqaj, është i bindur se shkuarja me një listë të përbashkët zgjedhore me partinë e Ramush Haradinajt do të ishte gabim shumë i madh.

Kjo për faktin se, sipas tij, Lëvizja “Vetëvendosje” dallon shumë me AAK-në.

Këto komente Molliqaj i ka bërë gjatë një interviste për gazetën “Zëri”, duke shtuar se me partinë e Haradinajt kanë dallime të mëdha ideologjike.

“Dallimi tjetër është mungesa e gatishmërisë së AAK-së që vendimet për listë të përbashkët t’i bazojnë në kritere dhe në parime e jo në teke të cilësdo parti pjesëmarrëse”, ka shtuar Molliqaj.

Gjatë kësaj interviste për “Zërin” Molliqaj ka folur edhe për partnerët e mundshëm të koalicionit, në rast se vendi do t’i nënshtrohej një procesi zgjedhor.

Ky subjekt politik, sipas Molliqajt, është i interesuar që të bëjë listë të përbashkët me shoqërinë civile dhe partinë e Fatmir Limajt, “Nismën për Kosovën”.

Ai ka folur edhe për emrat e mundshëm për kryeministër me të cilët do të garonin në zgjedhje.

Sipas tij, Visar Ymeri dhe Albin Kurti janë kandidatët e mundshëm, ndërkohë ka mohuar mundësinë që në këtë fazë për kryeministër të propozohej dikush tjetër, duke përfshirë anëtarë të rëndësishëm të “Vetëvendosjes” siç janë Glauk Konjufca dhe Shpend Ahmeti…

Edhe disa çaste nga jeta e Valit

Periskopi.com Showbiz

Kjo është një video rikujtuese në lidhje me disa sekuenca të Vali Corleones.

Një person kontravers,  i cili ishte promovuar fillimisht në disa media, ai tash pothuajse nuk kalon ditë që nuk është prezent në media.

Ja edhe një video përmbledhëse e disa çasteve më interesante të Valit.

Dekorohet Leonora Jakupi, reagon Çun Lajçi

Periskopi.com Showbiz

Presidentja në largim, Atifete Jahjaga i ka ndarë këngëtares Leonora Jakupi mirënjohjen për kontributin që ka dhënë për afirmimin e statusit të grave që kanë qenë viktimë e dhunës se seksuale gjatë luftës në Kosovë

Ka reaguar aktori Çun Lajçi

ai shkruan në Facebook:

Po t’isha nga Drenica, presidentja Jahjaga do t’me dekoronte edhe mua si Leonorën.
Tani asht vonë, jo pse i mbusha 70 vjet e 200 role, po pse Hashimi e din që unë jam i Drelajve e jo i Brojës.
S’di pse s’me dekoroi Ibrahimi mbasi ishte i Rugovës!

 

Deputeti i LDK-së s’i beson komisionit ndërkombëtarë për demarkacionin

Periskopi.com Lajme

Deputeti i LDK-së Shpejtim Bulliqi i ka paraqitur faktet që ia kanë ofruar komisionit ndërkombëtarë për demarkacionin me Malin e Zi, por që ka shprehur mosbesimin ndaj këtij komisioni.

Sipas një postimi në rrjetin social Facebook, deputeti Bulliqi, thotë se komisioni ndërkombëtar është formuar për ta aprovuar punën e komisionit shtetëror.

“Kjo ishte puna dhe faktet e ofruara komisionit ndërkombëtar edhe pse rezultati final dihet paraprakisht sepse ky komision është formuar për tu a aprovuar punën e komisionit shtetëror!”, ka shkruar Bulliqi në Facebook.

 

Jahjaga: Ekspertët thonë se nuk ka shkelje gjatë demarkacionit

Periskopi.com Lajme

Ekspertët ndërkombëtarë nuk kanë gjetur shkelje në demarkacion dhe është me standard ndërkombëtare, ka deklaruar presidentja Atifete Jahjaga.
Ajo ka deklaruar se “nga aspekti ligjor dhe teknik ekspertët nuk kanë gjetur shkelje në procesin e demarkacionit”.
Në një konferencë të jashtëzakonshme për media ajo ka thënë se ekspertët kanë vlerësuar se procesi i është përmbajtur standardeve ndërkombëtare.
“Njëkohësisht, komisioni ka vlerësuar se ky proces është dashur të jetë më transparent, përfshirë familjarizimin e publikut kosovar me procesin e vendosjes së kufirit, ligjet në fuqi, hartat dhe gjetjet gjeodezike”, ka shtuar ajo.

Disa nga plazhet më të mira në botë

Periskopi.com Galeria

1 2 3 4 5 6 7 8 9

Italianët tallen me zakonet shqiptare

Periskopi.com Showbiz

Kjo video e krijuar nga disa të rinj italianë, kanë vënë në pah ‘dallimet’ mes shqiptarëve kur paguajnë kafetë.

Njëherit, kjo është një tallje me zakonet shqiptare.

​Zgjidhet bordi i OSHP-së, vërejtje për projektligjin për patentë shoferë

Periskopi.com Lajme

 

Me 64 vota për, 10 abstenime dhe një votë kundër, Kuvendi i Kosovës ka zgjedhur Blerim Dinën  kryesues te Bordit të Organit Shqyrtues të Prokurimit (OSHP). Ndërsa Nuhi Paqarizi dhe Goran Milenkoviq janë zgjedhur anëtarë të këtij bordi.Po ashtu me 57 vota pro, 6 abstenime dhe asnjë kundër, Kuvendi miratoi Projektligjin për Mbrojtjen nga Zhurma.

Ndërsa me 76 vota për, 1 abstenim dhe 3  vota kundër, Kuvendi i Kosovës ka votuar Besnik Osmanin,  për auditor të përgjithshëm me mandat 5 vjeçar, pa të drejtë riemërimi.

Besnik Osmani është propozuar nga presidentja e vendit për Auditor të përgjithshëm.P

asi që kishte vërejtje të shumta sa i përket projektligjit për Patentë shofer, Kuvendi vendosi që ky projektligj të shkojë për lexim të tretë dhe pastaj të kthehet për miratim në Kuvend.

E vërejtje për ketë projektligj kishte nga deputetët, të cilët janë dhe anëtarë të Komisionit për legjislacion.

 

Haradinaj: AAK po përgatitet të hyjë e vetme në zgjedhje

Periskopi.com Lajme

Kërkesa për ta shtyrë protestën e paraparë me 26 mars erdhi nga Lëvizja Vetëvendosje. Këtë kërkesë e pranuan edhe dy partnerët tjerë të bllokut opozitar. Kështu ka deklaruar lideri i Aleancës për Ardhmërinë e Kosovës (AAK), Ramush Haradinaj, në një intervistë për Telegrafin.

“AAK po përgatitet të hyjë e vetme në zgjedhje”

Ai ka folur edhe për mundësinë që opozita e bashkuar të shkojë në zgjedhje në listë të përbashkët, duke theksuar se kjo temë është pjesë e diskutimeve, mirëpo sipas tij, AAK është duke i bërë përgatitjet të hyjë si e vetme në zgjedhje.

I pari i AAK-së, ka thënë se e ka respektuar vendimin e kolegëve të opozitës për të hedhur gaz lotsjellës, për ta penguar mbajtjen normale të seancave të Kuvendit, por se ai, sipas tij, nuk ka menduar se duke u “shkrryer” nëpër Kuvend dhe përplasur më policët, do t’i ndihmonte Kosovës.

Haradinaj ka theksuar se protesta që është menduar të mbahet me 26 mars, do të duhej të mbahej, dhe se sipas tij, për këtë gjë ka pasur gatishmëri edhe të qytetarëve.

“Pas konsultave që kemi bërë më partnerët tjerë opozitarë, është vendosur që të shtyhet protesta. Ka qenë një vendim racional. Pas konsultave që kemi bërë më partnerët opozitarë, kemi vendosur me shty protestën. Konsideroj se kjo shtyrje do të ketë ndikim të caktuar te qytetarët. Së shpejti do t’i ftojmë qytetarët në protestat e radhës”, ka thënë ai.

Haradinaj ka thënë se hyrja më një listë të përbashkët të partive opozitare në zgjedhje nacionale, është çështje do t’i vije radha të diskutohet, duke shtuar “se partitë opozitare angazhimin e tyre e ndajnë në dy etapa; ajo e kundërshtimit të veprimeve qeveritare, duke filluar nga kërkesa për largimin e ish – ministrit Jabllanoviq, Ligji për Trepçën, Bashkësia e komunave me shumicë serbe, Demarkacionin e kufirit me Malin e Zi, dhe etapa tjetër e diskutimit të një opsioni për një listë të përbashkët”.

“Ne kemi pasur shumë kujdes që mos me i ndërlidh këto tema. Kjo tregon se angazhimi jonë nuk ka qenë angazhim për pushtet, por me i ndal do të këqija për Kosovën. Mendoj se ia kemi arrit, dhe i falënderoj kolegët opozitarë dhe qytetarët. Duhet të jemi vigjilentë që të mos lejojmë, duke e vazhduar presionin, ta humbin fokusin mbi këto tema: ‘zajednicën’ dhe demarkacionin, sepse mund të na ndodh ndonjë befasi. Në njërën anë është fjala për një kundërshtim të caktuar që na ka bashkuar si parti, e që dallon prej mundësisë që të ofrojmë një alternativë qeverisëse”, ka theksuar ai.

Lideri i AAK-së ka thënë se partia e tij ka qenë pjesë e kundërshtimit, në Kuvendin e Kosovës, të marrëveshjeve të dëmshme për Kosovën, duke shtuar “se të drejtën e tyre për t’i kundërshtuar këto marrëveshje e ka vërtetuar edhe Gjykata Kushtuese, e cila ka konstatuar se marrëveshja për ‘Zajednicën’ është antikushtetuese”.

“Daljen nga Kuvendi e kemi si formë tjetër të kundërshtimit. Ai që del nga Kuvendi nuk dakordohet me ato që ndodhin në Parlament. Këtë hap po e marrim pas një etape të kundërshtimit në Kuvend, duke mos e njohur kështu punën e këtij parlamenti, duke kërkuar kështu me iu kthy mandati qytetarëve. Ne si AAK kthehemi në Parlament, vetëm për ta shpërbërë Parlamentin”, ka thënë ai.

Haradinaj duke folur për bashkimin e partive opozitare dhe krijimin e një blloku opozitar përballë vendimeve të Qeverisë, ka theksuar se sa herë që ka rreziqe për shoqërinë, do të ketë njerëz që sipas tij, dinë me i tejkalu dallimet politike dhe t’i dalin zot vendit.

“Edhe në të kaluarën ka ndodhur me u bashku për temat kundër rreziqeve që e kanë cenuar vendin, e që besoj se edhe në të ardhmen do të ndodhin bashkërendime të tilla, të cilat do të jenë në të mirën e vendit”, ka thënë ai.

Haradinaj ka thënë se AAK po përgatitet që të del e vetme në zgjedhje, duke shtuar se partia e tij është në rrugë e sipër më konkurru e vetme në zgjedhje.

“Në rast të një partneriteti zgjedhor me partitë politike opozitare, ne nuk do të vëmë kushte, duke kërkuar të dominojmë në atë listë. Kërkojmë barazi të përfaqësimit në listë. Nuk vëmë kushte për kryetar të Qeverisë, por kërkojmë një barazi në listë. Nuk hyjmë në një listë si përcjellës ose si përshtatje ndaj ndonjë liste”, ka theksuar ai.

Haradinaj më tutje ka theksuar se përqindja elektorale nuk duhet të jetë kritere për përfaqësimin e AAK-së në një listë të përbashkët zgjedhore të opozitës, sepse sipas tij, përqindja elektorale ka vlejtur për zgjedhjet e kaluara.

“Përqindja elektorale është tregues jo i duhur, sepse në e ndiejmë pozicionin tonë çfarë e kemi në shoqëri, dhe besimin që e kemi falë vërtetësisë që po e prezantojmë”, ka thënë ai.

Sipas tij, veprimet më të ashpra të AAK-së kanë ardhur si rezultat i vendimeve të rrezikshme që janë marrë për vendin nga qeveria aktuale, duke shtuar se “ne, shembull, në të kaluarën kur ka qenë përkrahja për buxhetin ose ndonjë situatë të caktuar, kemi votuar sepse nuk kemi dashur t’i lëmë arsimtarët ose policët pa rrogë”.

“Kur e shohim që dikush është gabim ne i themi jo, dhe ne mendojmë se qeveria Mustafa – Thaçi po i shkakton rreziqe vendit”, ka theksuar Haradinaj.

Haradinaj, i pyetur se kur do të duhej të mbaheshin zgjedhjet nacionale, ai ka thënë se gjendja është e jashtëzakonshme dhe se sipas tij, kjo kërkon zgjedhje te jashtëzakonshme në një afat prej 45 ditëve, duke shtuar se “një gjendje e tillë, çdo vonesë, është rrezik për Kosovën”.

“Është mirë të merren vendime të shpejta në këto situata. Hezitimet në këto momente i kushtojnë më shumë shoqërisë”, ka theksuar ai.

I pari i AAK-së, ka thënë se ata si parti politike kanë në terren rritje të elektoratit, duke shtuar se “rritja është e vërejtshme dhe e dukshme dhe e kemi një gjendje si në vitin 2009, atëherë kur kemi qenë 19 për qind”.

“Pra kemi një gjendje të tillë në terren. Aspirojmë një rezultat që AAK-në e kthen në një epiqendër politike edhe pas zgjedhjeve. Pastaj ne dëshirojmë t’i japim Kosovës institucione që janë ndryshim, jo ta mbajmë këtë ‘status qou’. Synojmë qeverisjen që është ndryshim”, ka theksuar Haradinaj.

I pyetur se me cilat parti i ka vendosur vijat e kuqe AAK-ja, Haradinaj ka thënë se tani është herët më prejudiku se si do të sillen partitë pas zgjedhjeve dhe çka do të ndodhë me to.

Ai ka thënë se zgjedhja e Hashim Thaçit si president, ka shkelje të gjetura dhe procedurale, duke shtuar “se kushtetuesja është në situatë të vështirë, për shkak të vendimeve paraprake që janë ndërmarrë në këtë temë, dhe është bërë gati e pamundshme në Kosovë me zgjedhë president në mënyrë kushtetuese”.

“Thaçi meritor për gjendjen e rëndë në Kosovë”

 

Besnik Osmani zgjidhet Auditor i Përgjithshëm

Periskopi.com Lajme

Kuvendi i Kosovës ka zgjedhur me shumicë votash Besnik Osmanin auditor të Përgjithshëm të Kosovës.

Osmani është zgjedhur me 76 vota për, dy abstenime dhe tri vota kundër. Mandati i tij është pesëvjeçar.

Besnik Osmani është propozuar për Auditor të Përgjithshëm nga presidentja e vendit, Atifete Jahjaga.

Ja çka bën kryeministri kanadez në zyrën e tij

Periskopi.com Lajme

Kryeministri kanadez Justin Trudeau njihet si lider karizmatik.

Së fundmi ai ka bërë joga mbi tavolinën në zyrën e tij por ky nuk është pasioni i tij vetëm para se të zgjidhej kryeministër ai ka marrë pjesë edhe në ndeshje boksi për bamirësi.

J.Lo pyet Di Caprion se ku ta kalojë natën

Periskopi.com Showbiz

Prezantuesi James Corden kishte zgjedhur të ftonte Jenifer Lopez në emisionin e tij “Carpool Karaoke” . Pasi kënduan disa këngë, ai rrëmbeu telefonin e saj dhe i la dërgoi mesazh Leonardo DiCaprios duke i thënë që JLo nuk ndihet mirë, ka nevojë pëe pak relaksim, dhe se a kishte ai ndonjë sygjerim.

Leonado u shpreh shumë i gatshëm duke i ofruar të dalin në ndonjë klub nate.

Amerikanët reagojnë për audio-incizimet që u publikuan në Maqedoni

Periskopi.com Lajme

Ambasada e SHBA-së në Shkup ka reaguar fuqishëm ndaj audio incizimeve të fundit të cilët u publikuan në rrjetet e ndryshme sociale dhe kishte të bëj me disa funksionarë dhe figura publike të etnitetit shqiptarë.

Ambasada e SHBA-së e informon opinionin e gjërë se ligji për privatësin e qytetarëve dhe kallzimtarëve është decid, pasi komisioni i Venedikut tregon qartë se cilët audio inçizime mund të publikohen në opinion. Ambasada rekomandon që të lexohet raporti i Komisionit të Venedikut i cili precizon qartë për audio inçizimet, shkruan Zhurnal.

Ndërkohë Ambasada informon se pëlqim kanë dhënë 4 partitë më të mëdha në Maqedoni, VMRO-DPMNE, LSDM, BDI dhe PDSH, të cilët janë dakorduar me rekomandimet e Komisionit të Venedikut. Më poshtë e keni postimin tekstual të Ambasadës të postuar në rrjetin social Tëiter.

“Lexo mendimet e Komisionit të Venedikut lidhur me ligjin kallëzimtarëve dhe privatësisë. Katër partitë janë pajtuar që ti përfshijnë rekomandimet e tyre”, shkruan Ambasada Amerikane në Shkup.

Zogaj: PDK po del e para, VV e dyta, LDK e treta

Periskopi.com Lajme

“E para, nese duhet me u plotesue vendet e zbrazeta kjo s’asht riformatizim, por veç mbushje e vendeve te zbazeta”, tha mysafiri i Fidan Jupollit ne Rrokum Roll, Petrit Zogaj nga Levizja Fol.

“Asht veç ndryshim emnash, qe per mue asht e parandesishme…si per mue, si per qytetaret. Por, puna asht pse po bahet kjo”, tha ai.

Nese kerkohet formatizim, duhet me u ba nga kryet. Zogaj vlereson se edhe vet Kryeministri s’asht i kenaqun me punen e tij gjate kesaj kohe.

“Ka randesi shume çka mendon opinioni, se sa çka asht ne te vertete zotni Veseli”, tha nder tjera Zogaj, tue fole per zgjedhjen e Veselit si i pari i PDK’s.

“Sondazhet qe realizohen shume shpesh ne teren kallxojne qe LDK ka dale e treta, PDK e para, e VV e dyta”, tha ai.

“Besoj qe ka qene nji shkelqim ne 3 mujorin e pare per opoziten, por keshtu s’mundem me thane edhe per 3 mujorin e dyte”, tha ai lidhun me opoziten.

“Asht dashte qe probleme opozita me pase ne 3 mujorin e pare, e jo ne te dytin. Ka qene dashte qatehere me u diskutue te gjitha gjanat”, tha Zogaj, tue shtue se nuk ka shans qe partite opozitare me shkue me nji liste te perbashket.

“S’besoj qe ka me ndodh as lista e perbashket, e as zgjedhjet e parakohshme”, tha krejt ne fund Zogaj.

 

 

 

Daut Haradinaj: Mund të ketë protest ditën kur inaugurohet Thaçi president

Periskopi.com Lajme

Daut Haradinaj thotë se një protestë simbolike mund të mbahet në ditën e inaugurimit të Thaçit president .

Ai tha në Rubikon të KTV’së:

Ka edhe gjasa…domethënë mundet me pasë naj protestim simbolik, nuk kisha preferu me pasë protestë në atë aspekt, për shkak të dilmave që mundet me pasë naj incident edhe nuk i shkon për shtati kërkujt. Na e kemi kundërshtu në parlament zgjedhjen e presidentin në të gjitha format e mundshme.

Vuçiq viziton Kosovën më 3 prill

Periskopi.com Lajme

Kryeministri serb Aleksandar Vuçiq do ta vizitojë Kosovën të dielën, më 3 prill, ka thënë drejtori i Zyrës për Kosovën  në Qeverinë e Serbisë, Marko Gjuriq.

“Ky është një lajm i madh dhe i rëndësishëm për të gjithë qytetarët, sidomos ata në Kosovë” .

“Kryeministri të dielën, më prill 3 do të vizitojë Kosovën ku do të takohet me minatorët e Trepçës, do të vizitojë  Zubin Potokun dhe  Mitrovicën,” tha Gjuriq për RTS.

Drejtori i Zyrës për Kosovën  në Qeverinë e Serbisë poashtu ka deklaruar se kjo vizitë  është një mbështetje e fortë për serbët në Kosovë  siç tha ai”në një kohë të vështirë dhe të paqëndrueshme”, përcjellë Klan Kosova.

Daut Haradinaj: AAK është për listë të përbashkët zgjedhore

Periskopi.com Lajme

Daut Haradinaj thotë se AAK është pro listës së përbashkët në zgjedhje.

Por sipas tij, është ende herët të flitet për një listë të përbashkët.

Ai deklaroi në Rubikon të KTV’së:

Mendoj se e përbashkëta jonë e ka prodhu edhe idenë me shku edhe me listë të përbashkët. Personalisht unë e kam përkrahë edhe mendoj se është një opsion pozitiv. Dallime mundet me pasë. Aleanca është e gatshme për një listë të përbashkët por këto natyrisht se pa u shpallë zgjedhjet, është herët më folë për një listë të përbashkët, për një vendim-marrje të përbashkët.

Të flesh me peshkaqenë

Periskopi.com Showbiz

Tani mund ta përjetoni një natë nën oqean. Këtë mund ta bëni në kryeqytetin e Francës në  “The Aquarium De Paris”.

Dhoma ka një pamje 360 shkallë. Është 10 metra nën ujë. Dhe jeni te rrethuar nga 35 peshkaqenë. E tërë kjo është bërë për ti mësuar njerzit me jetën e oqeanit.

Dhe të ua largojnë frikën dhe bindjet e këqija që i kanë për peshkaqenët.

Vajza që ngrehë autobusin me flokë

Periskopi.com Showbiz

Asha Rani nga India, e njohur si Mbretëresha e Hekurt ka thyer rekordin Guinness

Ajo ka arritur të tërheqë me flokë një autobus dykatësh me 32 persona në bord

Pa pësuar gërvishtjen me të vogël…

Eksperiment me kukulla në lidhje me racizmin

Periskopi.com Lajme

Kenneth Bancroft Clark dhe Mamie Phipps Clark ishin dy të martuar afro-amerikan. Ishin psikologë dhë bënë eksperimente të ndryshme  më i njohuri ishte ‘eksperimenti i kukullave’ me 1940

Eksperimenti i përfshinte dy kukulla. Ato ishin identike me përjashtim të ngjyrës së lëkurës. Nga pyetjet e shumta të gjithë fëmijët preferonin kukullën e bardhë.

Kjo shfaqi efekte vetë-urrejteje nga afro-amerikanët.