Drenasi në terr, tash 11 orë pa rrymë

Qyteti i Drenasit dhe fshatrat e kësaj komune ka së paku 11 orë pa energji elektrike. Një qytetar nga kjo Komunë ka treguar për portalin Koha.net se ndërprerja e energjisë elektrike ka ndodhur në orën 11:00 të ditës së sotme, dhe prej atëherë janë pa rrymë.

Periskopi.com Lajme

Në anën tjetër, në paralajmërimet e përhershme KEDS dje kishte njoftuar se më 30.09.2016 në Drenas do të shkyçet dalja 10 kV Drenasi 3 prej orës 12:00 deri në orën 16:00. Arsyeja e shkyçjes ishte thënë të jetë revizioni i daljes 10 kV. E gjatë kohës sa do të zgjasin punimet pa furnizim me energji elektrike do të mbesin Qendra Zejtare dhe qyteti.

Për arsyen e njëjtë arsye qe lajmëruar edhe shkyçje në daljen 10 kV Orllati prej orës 16:00 deri në orën 20:00. Gjatë kohës sa do të zgjasin punimet pa furnizim me energji elektrike do të mbesin: Zabeli i Ulët, një pjesë e Llapushnikut, Poterki, Llukovci.

Po më 30.09.2016, në kV Drenas qe lajmëruar se do të ketë shkyçje totale prej orës 10:00-16:00. Gjatë kohës sa do të zgjasin punimet pa furnizim me energji elektrike do të mbesin: Tërsteniku, Dobroshevc, Gllobari, Qikatovë e vjetër, Gllanaselle, Verbovc, Orllati, Vermict, Zabeli i Ulët, Vukovc, Poterk, Pokleku i Vjetër, Vasileva, Qendra e Drenasit, Qikatova e Ree, Qendra Tregtare, Barakat e Feronikelit, Lagjja Morinët, Shtrubullova, Krajkova, Baince, Terdevc, Obria, Qendra shkollore, Iber Lepenci, Stankovci, Trasingu, Pokleku i ri, Korretica e Ilët, Korretica e Lartë.

Po ashtu edhe Parku i Biznesit që thuhej se do të ketë shkyçje totale prej orës 10:00-16:00. Gjatë kohës sa do të zgjasin punimet pa furnizim me energji elektrike do të mbesin: Parku i Biznesit, Komorani, Zabeli i Lartë, Llapushniku, Orllati, Negrovci, Vuqak, Gjergjice,Terpeze , Novosellë, Berishe, Kleqkë, Divlake, Fabrika e plastikes, fabrika Kosmonte. Arsyeja këtu ishte thënë të jetë aftësimi i LP 35 kV për furnizim alternativ të NS 35/10kV Drenas.

E ndonëse asnjëra prej këtyre shkyçjeve nuk ishte lajmëruar se do të zgjasë më shumë se në orën 20:00, kur ora ka shënuar 22:00 në Drenas është errësirë totale.

Haradinaj: S’ka vota për Demarkacionin, as edhe me 120 deputetë të pranishëm

Kreu i Aleancës për Ardhmërinë e Kosovës, Ramush Haradinaj është shprehur i bindur se Demarkacioni nuk do të kalojë edhe nëse do të jenë të gjithë deputetët e secilit subjekt në seancë, pasi siç vlerëson ai, asnjëri nga ta nuk dëshiron që të nesërmen të pendohen.

Periskopi.com Lajme

“Edhe po të jenë të gjithë deputetë në kuvend, s’ka votë për këtë marrëveshje, kjo s’është marrëveshje me efekte të përkohshme”, ka sqaruar Haradinaj në emisionin Argument Plus.

Ai ka thënë se duhet bashkuar që të gjendet zgjidhje e re, ndërsa për ftesën e kryeministrit, ai ka shpjeguar se kjo është një dinamik ‘ngreh e mos kput’ pasi siç thotë ai, për këto tema, qeveria ka interes në disa zhvillime pa epilog në mënyrë që mos  të vërtetohet që kjo ka ra sepse e kanë frikën e llogaridhënies nga kjo situatë.

“Dihet që s’ka votë për këtë temë. Mendoj që qeveria më mirë ta marr guximin dhe të mos e procedoj këtë marrëveshje,

Në të kundërtën kjo është një lloj zhagitje e agonie që Kosovë është lodhur më këto, sikurse  me Asociacionin. Kjo nuk duhet të vazhdoj kështu pa epilog”, ka thënë Hardinaj.

30 ditë paraburgim për Nehat Thaçin

Gjykata e Nishit ka marrë vendim për paraburgim prej 30 ditësh për drejtorin e policisë rajonale të Mitrovicës, Nehat Thaçin.

Periskopi.com Lajme

Kështu ka bërë të ditur një burim i KosovaPress-it. Drejtori i policisë për rajonin jugor të Mitrovicës është arrestuar të ënjten nga Policia e Serbisë nën dyshimin për terrorizëm.

Zbulimi i ri: 1 në 10 fëmijë është imun ndaj virusit HIV

Një në dhjetë fëmijë ka një sistem imunitar të njëjtë me atë të majmunit, që ndalon zhvillimin e virusit të AIDS-it.

Periskopi.com Lajme

Përfundimi vjen nga një studim i publikuar në revistën “Science Translational Medicine”, që zbuloi se ky sistem imunitar mundëson mbajtjen në gjendje të fjetur të virusit. Shkencëtarët analizuan kampionët e gjakut të 170 fëmijëve me HIV, në Afrikën e Jugut, të cilët nuk ishin trajtuar asnjëherë, por virusi te ta nuk ishte zhvilluar, shkruan tvklan. Nga testet rezultoi se në gjakun e tyre kishte me dhjetëra mijëra viruse imuno-deficitare, çka normalisht do të çonte në kolaps sistemin e tyre imunitar apo do t’i shkaktonte sëmundje të rëndë, por asnjëra nga këto nuk kishte ndodhur.

Studiuesit thonë se sistemi i mbrojtjes nga AIDS-i është unik te fëmijët, dhe i ndryshëm nga ai te të rriturit, ku ai është më agresiv dhe gjithmonë dështon. Shkencëtarët shpresojnë që zbulimi i ri t’u hapë rrugë terapive të reja rreth luftimit të AIDS-it, fillimisht tek fëmijët.

Mungesa e punëtorëve të kualifikuar rrezikon bizneset vendase

Ali Balaj, ka një vit që ka zgjeruar biznesin familjar të prodhimit të elementeve të ndryshme nga druri. Përpos problemeve të shumta në sigurimin e furnizimit me energji dhe investimeve që është dashur vetë t’i bëjë, Aliu po përballet me një rrezik edhe më të madh.

Periskopi.com Lajme

Ai nuk po arrin të gjejë punëtorë të kualifikuar të zdrukthëtarisë, edhe pse Deçani historikisht është shquar dikur për këtë veprimtari.

Përpos kërkesave nga tregu vendor, Aliu ka arritur të nënshkruajë një kontratë me një kompani gjermane, por së njëjtës ende nuk ka arritur t’ia plotësojë kushtet në mungesë të punëtorëve.

Aliu thotë se përkundër se ka zgjeruar biznesin me mund të madh, është munduar t’u ofrojë kushte të mira të punës punëtorëve, madje disave që i ka marrë në punë, po u mban edhe trajnime.

Ai kishte kërkuar punëtorë edhe përmes Zyrës Komunale të Punësimit, por ende nuk ka arritur të gjejë.

Në këtë zyrë, që mbulon edhe komunën e Junikut, kanë bërë të ditur se numri i tërësishëm i punëkërkuesve arrin në 8 mijë persona.

Përgjegjësi i kësaj zyre thotë se numri më i madh i punëkërkuesve është i moshës së re dhe se po mundohen të gjejnë vende pune, por kjo varet nga zhvillimi ekonomik i komunës së Deçanit.

Komuna e Deçanit me regjistrimin e fundit ka 40 mijë banorë, pjesa dërrmuese e të cilëve janë të rinj.

Haradinaj: Edhe malazezët me i pyet, të tregojnë ku është kufiri

Lideri i Aleancës për Ardhmërinë e Kosovës, Ramush Haradinaj, ka folur sërish për marrëveshjen e demarkacionit me Malin e Zi.

Periskopi.com Lajme

Haradinaj ka thënë se Komisioni Shtetëror për Shënjimin e Kufirit, ka bërë shumë gabime. Sipas tij, edhe malazezët t’i kishin pyetur, do t’i tregonin më mirë.

” Edhe malazezët me i pyet, të tregojnë ku është kufiri” ka thënë Ramush Haradinaj në RTV21.

Kreu i AAK-së, ka folur edhe për takimin e mundshëm të përbashkët pozitë-opozitë për të gjetur një zgjidhje, duke thënë se s’ka asgjë të keqe që të takohen, mirëpo duhet sipas tij, duhet të arrihet një zgjidhje.

Djali rom Ramës: Na le pa kokërr leku në xhep

Gjatë vizitës së tij të sotme në qytetin e Fierit, kryeministri Edi Rama u përball me një situatë të sikletshme.

Periskopi.com Lajme

Ai u vu në lojë nga një djalë i vogël rom i cili nuk e pati aspak problem t’i fliste pa doreza kryeministrit të vendit.

“Na le pa kokërr leku në xhep o Edi Rama. Ku i le lekët?”, tha djali rom, ndërkohë që të gjithë të pranishmit ia plasën të qeshurit.

Ndërsa Kryeministri vazhdoi rrugën duke mos iu përgjigjur djaloshit.

Rrëfehet Batistuta: Ta shikoj Tottin duke luajtur, më shkakton inat të madh

Gabriel Omar Batistuta pranoi publikisht dy vjet më parë se një ditë kishte kërkuar t’i prisnin këmbët për shkak të dhimbjeve të forta e të vazhdueshme që i vinin nga gjunjët. Karriera e shkëlqyer e futbollistit argjentinas kishte patur një faturë të rëndë shëndetësore për një prej goleadorëve më të mirë që ka pasur sporti më popullor në planet.

Periskopi.com Sporti

Ish-sulmuesi i Fiorentinës dhe Romës u rikthye në Firence në qytetin që i ka dedikuar jo pak nderime për një miqësore javën e ardhshme. “Batigol” nuk mundi të hiqte një paralele ironike mbi Francesko Totin 40 vjeçar, por edhe mbi sulmuesit e kombëtares së Argjentinës.

“Të shoh Totti-n të luajë ende në këtë moshë më shkakton vërtet inate të mëdha. Francesko është një figurë madhështore. Si futbollist e njohin të gjithë por si njeri shumë pak dhe unë jam një prej tyre me fat”, tha Batistuta.

Ai shmangu krahasimet për pasardhësin e tij te Argjentina. “Higuain nuk është pasardhësi im. Këtë e thonë gazetat por unë jo. Ndoshta është më i mirë ose ndoshta më i keq por unë kam qenë Batistuta dhe i lumtur për këtë”, tha ish sulmuesi karizmatik.

Në mendjet e tifozëve kanë mbetur shumë gola mes të cilëve dhe një në “Camp Nou”, që heshti të gjithë stadiumin. Por këtë herë Batistuta do të provojë të zbresë në fushë për bamirësi. “Të hyj në stadiumin “Franchi” më shkakton gjithmonë emocione të mëdha, njësoj si ato që provoja kur isha lojtar. Shpresoj të hënë  do shoh stadiumin plot”, tha Batistuta.

Të gjithë kundër Trump, e sulmojnë edhe mediat historike republikane

Është hera e parë që në historinë e zgjedhjeve amerikane, gazetat kryesore dhe mediat vendase mbajnë qëndrim në zgjedhjet presidenciale.

Periskopi.com Lajme

Në 34 vite të krijimit të saj, bordi editorial i “USA Today” ka bërë publik një shkrim të gjatë, ku listohen të gjitha arsyet që – sipas stafit të gazetës, – Donald Trump është i papërshtatshëm për të qenë president.

Këtë vit – shkruan gazeta, – më shumë sesa një garë që vë përballë dy parti, atë demokrate dhe atë republikane, që kanë dallime themelore në platformë, kjo është një garë e fokusuar tek emrat e përveçëm të kandidatëve.

Nga dita që ai shpalli kandidaturën e tij, 15 muaj më parë, deri në debatin e parë presidencial të kësaj jave, Trump – shkruan “USA Today”,vazhdon të tregojë në mënyrë të përsëritur se ka mungesë temperamenti, njohurish, vendosmërie dhe ndershmërie.

Nga këndvështrimi i gazetarëve që ndjekin çdo ditë deklaratat e tij, është vënë re se miliarderi gënjen dhe shtrembëron fakte. Qoftë përmes indiferencës apo injorancës – shkruan “USA Today”, – Trump ka tradhtuar angazhimet themelore të bëra nga të gjithë presidentët amerikanë, që nga fundi i Luftës së Dytë Botërore.

Këto angazhime përfshijnë mbështetjen e palëkundur për aleatët e NATO-s, kundërshtimin ndaj agresionit rus dhe sigurinë absolute se Shtetet e Bashkuara do ia dalin mbanë me deficitin buxhetor.

Disa ditë më parë, ish-Sekretarja e Shtetit Clinton mori mbështetjen publike edhe të gazetës “Republika e Arizonës”, hera e parë që vota e tyre i shkon një kandidati demokrat, që nga themelimi në vitin 1890.

Ndërkohë, një raport i ri nxjerr në dritë faktin se Donald Trump ka tentuar të investojë në Kubë në vitin 1990, duke shkelur kështu ligjin amerikan, pasi Havana dhe Uashingtoni kanë thuajse vetëm një vit që kanë rindërtuar marrëdhëniet.

Sipas “Newsweek”, drejtuesit e hoteleve “Trump” kanë vizituar ishullin komunist për t’u takuar me zyrtarë kuban dhe për të bërë me ta biznes.

 

Daçiq i frikësohet referendumit në Vojvodinë dhe bashkimit të Kosovës me Shqipërinë

Pas referendumit të jashtëligjshëm të zhvilluar në Bosnjë nga Republika Srbska, edhe Krahina e Vojvodinës në Serbi kërkon një referendum të tillë.

Periskopi.com Lajme

Propozimi i ardhur nga kreu i Lidhjes Social Demokrate të Vojvodinës, (LSV) Nenad Çanak, i cili thotë se referendumi është akti më i lartë demokratik, ka shqetësuar ministrin e jashtëm serb, Ivica Daçiq.

Në një konferencë të përbashkët për media me ministrin e jashtëm polak Witold Waszczykowski, Daçiq ka thënë se Vojvodina nuk mund të ketë referendum, pasiqë sipas tij ata që kanë kërkuar referendumin nuk e kanë shumicën.

Daçiq gjatë kësaj konference ka përmendur edhe bashkimin në mes Kosovës dhe Shqipërisë, duke thënë se 20 vite më parë është paralajmëruar ky bashkim, gjë që sipas tij është thelb i politikës shqiptare, përcjell ksp.

“20 vjet më parë është paralajmëruar bashkimi i Kosovës me Shqipërinë, është thelb i politikës së shqiptarëve”, tha Daçiq.

“Kosovarët nuk janë komb, në Kosovë jetojnë vetëm shqiptarët dhe serbët”, tha tutje Daçiq.

Mustafa pret koordinim me Veselin për të thirrur opozitën në takim për demarkacion

Kreu kosovar i ekzekutivit, Isa Mustafa, ka thënë se bashkë me kryeparlamentarin Kadri Veselin, do të ftojnë liderët e opozitës në një takim, në të cilin do të diskutohet çështja e shënjimit të vijës kufitare në mes Kosovës dhe Malit të Zi.

Periskopi.com Lajme

Ai tha se kjo çështje duhet të zgjidhet në mënyrë që qytetarët e Kosovës të kenë mundësinë e lëvizjes së lirë.

“Nuk i kam thirrur akoma, disa javë ishin të zëna në përgatitjen e interpelancave në Kuvend. Do të merremi vesh me kryeparlamentarin Kadri Veseli, që të bëjmë një ftesë që të takohemi me opozitën për të bërë përpjekje për të gjetur një zgjidhje. Se kjo çështje nuk duhet të bllokojë qytetarët e Kosovës për lëvizje të lirë”, tha Mustafa, për televizionin publik.

Mustafa ka ripërsëritur se tërheqja e projektligjit për demarkacionin me Malin e Zi me datën 1 shtator, nuk është tërheqje nga marrëveshja, por thotë se ka vlerësuar se situata nuk ka qenë e volitshme.

“Unë e kam tërhequr ligjin për demarkacion sepse e kam vlerësuar se nuk është situatë e volitshme. Kjo nuk nënkupton që jemi tërhequr nga marrëveshja sepse nuk kemi pasur asnjë argument se marrëveshja nuk është në rregull”, tha Mustafa.

Kryeministri thotë se toka për të cilën opozita thotë se i takon territorit të Kosovës, nuk është tokë që është administruar nga shteti apo nga krahina siç ishte Kosova dikur.

Cili klub tërhiqet nga FIBA Europe Cup për shkak të ekipeve kosovare?

Klubi i Basketbollit Igokea nga Republika Serbe e Bosnjës së Hercegovinës, ka hequr dorë nga pjesëmarrja në ngjarjen e basketbollit, FIBA Europe Cup për shkak të pranisë së klubeve kosovare në këtë garë.

Periskopi.com Sporti

Klubi nga qyteti Aleksandrovac i Bosnjës së Hercegovinës, i banuar me shumicë serbe, ka bërë të ditur se nuk dëshiron të vijë në një situatë ku do t’iu duhej të përballej me skuadra të Kosovës, si Prishtina apo Peja.

Kb Prishtina dhe Kb Peja janë dy klubet kosovare që kanë fituar të drejtën të garojnë në këtë garë, raporton Insajderi.

“Klube nga Kosova marrin pjesë në Europe Cup, dhe kjo është arsyeja se përse ne nuk duam të vijmë në një situatë që të luajmë kundër tyre”, ka thënë menaxheri i Igokeas Igor Dodik, njofton portali serb “N1 Info”.

Prishtina ka marrë pjesë në këtë garë edhe vitin e kaluar, mirëpo nuk arriti të kaloj asnjë fazë. Ajo u eliminua në fazën e parë, atë të grupeve.

Urimi prekës i nënës së Luan Haradinajt pas betimit si kadet i FSK-së

Ky është Luan Haradinaj, nipi i komandantit Ramush Haradinaj dhe Dautit, dhe tashmë të ndjerit Luan Haradinaj emrin e të cilit mbanë, e sot është bërë kadet i Forcës së Sigurisë së Kosovës.

Periskopi.com Lajme

Përderisa është i biri i dëshmorit, Shkëlzen Haradinajt, nëna e tij, Suzana sot ka shkruar fjalë prekëse për të birin, raporton lajmi.net

“Suksese biri, paq fat gjithë jetën!”, ka shkruar ajo, duke ia bashkangjitur një fotografi ku i riu shihet teksa sot u bë kadet.

luani

Filmi ‘Babai’ në garë për 10 mijë euro në Gjermani

Të dy çmimet kanë vlerën prej 10 mijë eurosh. Filmi “Babai” me regji nga Visar Morina ka arritur një tjetër sukses. Filmi është nominuar për Fondin NRW që i jepet filmit më të mirë të metrazhit të gjatë në kuadër të Festivalit të Filmit në Cologne të Gjermanisë.

Periskopi.com Showbiz

Nëse filmi do të jetë fitues do të merret vesh në fund të këtij festivali, me 14 tetor, kur për herë të parë do të ndahet një fond i tillë për Filmin më të mirë të metrazhit të gjatë dhe Filmin më të mirë dokumentar.

Çmimi në fjalë u jepet filmave që janë prodhuar kryesisht ose totalisht nga NRW, regjioni North Rhine-Westphalia dhe që janë lansuar në kinematë gjermane nga periudha 1 janar 2015 e deri me 31 gusht të këtij viti.

Të dy çmimet kanë vlerën prej 10 mijë eurosh, shkruan KultPlus.

Filmi flet për Norin (Val Maloku) i cili shet cigare në rrugë bashkë me të atin Gëzimin (Astrit Kabashi) në Kosovën e viteve të nëntëdhjeta. Babai dëshiron të gjejë një mënyrë për të emigruar në Gjermani e i biri bën çdo gjë për të mos u ndarë nga ai. Të zënë në mes të dëshirës për të qenë së bashku dhe nevojës për t’u ballafaquar me realitetin e vështirë, marrëdhënia babë-bir zhvillohet deri në pikën ku asgjë mes tyre nuk është më ashtu si ka qenë.

Në rolet kryesore janë: Val Maloku, Astrit Kabashi, Enver Petrovci, Adriana Matoshi, Aurita Agushi, Alban Ukaj, Xhevdet Jashari, Armond Morina etj.

Situatë e tensionuar në Bosnje dhe Hercegovinë

Pas referendumit në Republikën Serpska, situata në Bosnje-Hercegovinë mbetet e tensionuar. Nga qarqet boshnjake dëgjohen tani kërkesa për një mbledhje (Sabor) të përbashkët të të gjtihë boshnjakëve, si kundërpërgjigje ndaj krizës më të madhe në këtë vend që nga koha e luftës.

Periskopi.com Lajme

“Sabori mbarëboshnjak është i nevojshëm, por mendoj se duhet të harmonizohet me bashkësinë ndërkombëtare. Së pari duhet të shohim nëse bashkësia ndërkombëtare do ta ndalë politikën e Millorad Dodikut”, pohon Suad Kurtqehajiq, profesor i sistemit politik në BH.

Sipas tij, Sabori duhet të thirret nëse bashkësia ndërkombëtare nuk i del përpara kërkesave të Dodikut.

Ndryshe, Dodiku do të mendonte se të gjithë janë dakord me idetë e tij, që një entitet në Bosnje dhe Hercegovinë të krijojë shtetin e vet dhe që të shkatërrojë shtetin.

“Ndërkohë që boshnjakët mund të përjetojnë fatin e palestinezëve”, thotë Kurtqehajiqi.

Partia më e fuqishme bosnjake, Partia e Aksionit Demokratik (SDA), nuk e përjashton mundësinë e një takimi të të gjithë boshnjakëve. Përfaqësuesit e saj për DW thonë se një takim i tillë mund të thirret varësisht nga situata dhe nevoja.

“Por, duhet kuptuar që BH është një shtet i krijuar sipas standardeve ndërkombëtare”, thonë ata.

Sabori i tillë i parë është mbajtur në shtator të vitit 1993. Asokohe u desh të vendosej nëse do të pranohet plani Owen-Stoltenberg, me të cilin BH ndahej në tri mini-shtete.

“Politika boshnjake nuk ka ndonjë strategji të qartë”, mendon Suad Kurtqehajiq.

Nga Evropa duhet të kërkohet që Dodikun ta largojë nga politika dhe që shteti të funksionojë si duhet, sepse populli serb nuk është i cenuar në asnjë segment. Kurtqehajiq mendon se politikanët duhet të bashkohen me elitën boshnjake, sepse askush nuk mund t’i di të gjitha gjërat

Përveç mungesës së komunikimit dhe lidhjeve mes politikës dhe inteligjencës boshnjake, një problem tjetër është edhe mendësia e shërbëtorit, që në BH ka mbetur që nga koha e osmanëve.

“Ky mentalitet është zhvilluar për një periudhë të gjatë. Ndaj kur një serb thotë diçka, boshnjakët e pranojnë, pavarësisht se cilat do të jenë pasojat”, mendon ai. Por shumëkush mendon se një takim i tillë do të ishte i dëmshëm për boshnjakët, sepse nuk dihet se si do të pranohej nga faktorët e tjerë.

Kanalizimi në Llapushnik s’kryhet as pas investimit 20 mijë eurosh

Ndonëse është bërë pranimi teknik, punët në rrjetin e kanalizimit në fshatin Llapushnik të Drenasit nuk kanë përfunduar. Për këtë projekt, kjo komunë ka investuar rreth 20 mijë euro, raporton KTV.

Periskopi.com Lajme

Në raportin që e ka dhënë Drejtoria e Urbanizmit, përkatësisht komisioni mbikëqyrës, i cili e ka bërë edhe pranimin teknik të projektit, thuhet se kanë përfunduar punët për të cilat në realitet është bërë vetëm pagesa.

Banorët shprehen të mllefosur me punën e komunës.

E pas ankesës së banorëve, anëtarët komisionit për monitorimin e projekteve në Drenas kanë dalë në vendin e ngjarjes dhe kanë vërtetuar parregullsitë.

Ai madje për këtë ka dorëzuar edhe kallëzim penal në Prokurorinë Themelore të Prishtinës. Por në Komunë, përveç që e mohojnë ndonjë parregullsi, thonë se nuk ka pasur as ankesa prej banorëve.

Anëtarët e Komisionit mbikëqyrës, të cilët e kanë bërë pranimin teknik ishin: Vlora Gjinovci, Besim Tahiraj dhe Flora Krasniqi, ku dy të fundit ishin dënuar nga Gjykata Themelore e Prishtinës me burgim për keqpërdorim të detyrës zyrtare, pasi që të njëjtit kishin bërë pranimin teknik të një objekti kolektiv në këtë komunë, ndonëse as aty punët nuk kishin përfunduar.

Plaka 93-vjeçare, braktiset nga familjarët: Kanë dal e më kanë lanë vetëm

Në gjendje tepër të rëndë shëndetësore e kanë gjetur punëtorët e një kompanie në Prishtinë dhe i kanë dal në ndihmë. Qamile Poroshica jeton e vetme në një objekt që nuk mund t’i thuhet as shtëpi, në lagjen Hajvalia në Prishtinë.

Periskopi.com Lajme

Ajo ka disa muaj që jeton e vetme, në moshën 93-vjeçare, në gjendje të rëndë shëndetësore dhe e ushqyer pak e keq, njofton Lajmi.net.

“Kanë dal e më kanë lanë vetëm”, thotë ajo, kur e pyesin ku e ka djalin.

Menaxherja e kompanisë “Perfect Clean”, Naxhije Ahmeti, e cila e ka gjetur në gjendje shumë të rëndë, tregon e kanë thirrur Policinë dhe ndihmën mjekësore, të cilët i kanë dhënë qetësues me të arritur.

Këta të fundit, sipas Ahmetit, kanë premtuar se do kujdesen për të.

“Vendi ku jeton nuk është as shtëpi. Nuk mund të besoj që një nënë jeton në atë gjendje”, tha Ahmeti.

Në Gjermani mungojnë inxhinierët

Federata e Inxhinierëve ka vlerësuar se kompanitë gjermane këtë vit do të kërkojnë 85.200 inxhinierë ndërsa vetëm 73.500 i kanë gjetur. Nisma e Qeverisë në Berlin për digjitalizimin e industrisë gjermane ka rritur kërkesat për inxhinierë, ndërsa fakultetet nuk mund të plotësojnë numrin.

Periskopi.com Lajme

Tre vjet më parë qeveria në Berlin ka nisur projektin “Industrie 4.0”, i cili ka për qëllim digjitalizimin e proceseve të prodhimit në shtylla kryesore të industrisë gjermane.

Siç qëndrojnë gjërat tani, “Industrie 4.0” rezulton të jetë i suksesshëm. Sipas “Boston Consulting Group”, 64 për qind e kompanive gjermane nga sektori i industrisë së makinerive në dy vjetët e ardhshme do të digjitalizojnë prodhimin e tyre, në krahasim me 36 për qind të konkurrentëve amerikanë.

Gjigandët në industri, të tilla si “Robert Bosch” gjithnjë janë duke u bërë kompani të teknologjisë. Në mënyrë të veçantë, vetëm “Bosch” punëson më shumë se 5.000 inxhinierë për zhvillimin e softuerit.

Megjithatë, digjitalizimi i prodhimit është vetëm hapi i parë. Kompanitë më pas do të kërkojnë një ushtri të ekspertëve. E gjithë kjo kërkon ekspertë, dhe ata thjesht nuk janë të mjaftueshëm.

Federata e Inxhinierëve ka vlerësuar se kompanitë gjermane këtë vit do të kërkojnë 85.200 inxhinierë ndërsa vetëm 73.500 i kanë gjetur.

Megjithatë, në dhjetë vjetët e ardhshme kërkesa për profilin e ekspertëve do të jetë katër herë më e madhe se tani.

Gjermania është prodhuesi i tretë botërore e makinerive dhe pajisjeve industriale, pas Kinës dhe SHBA-së.

Departamenti i Inxhinierisë Mekanike numëron 3200 kompani, shumica e tyre kanë të punësuar rreth një milion punëtorë. Me fjalë të tjera, ky sektor është punëdhënësi më i madh i të gjithë sektorëve të tjerë industrialë.

Universitetet gjermane që nga bashkimi në vitin 1990 nuk “prodhojnë” numër të mjaftueshëm të inxhinierëve. Dhe, ka një arsye, thotë Oliver Koppel, ekonomist në Institutin e Kërkimeve Ekonomike të Këlnit.

“Rritja e ngadaltë ekonomike nga viti 1995 deri në 2002 ka dekurajuar nxënësit të regjistrohen në programet inxhinierike”, thotë Koppel.

Gjatë kësaj periudhe numri i të diplomuarve ka rënë nga 50,000 në vit në 30.000. Pasojat janë të dukshme sot, pas një dekade të zgjerimit ekonomik.

Prej 1.7 milionë inxhinierë që punojnë në Gjermani, 37 për qind janë më të vjetër se 50 vjet. Më shumë se 600.000 do të dalin në pension gjatë dhjetë vjetëve të ardhshme, kështu që mungesa e ekspertëve do të jetë edhe më e madhe.

Tentim dhunime dhe shumë telashe të tjera në Burgun e Dubravës

Në burgun e Dubravës gjatë vitit 2016 janë pranuar 870 të burgosur të rinj. Por aty nuk bëhet kurrfarë seleksionimi, njofton Klan Kosova.

Periskopi.com Lajme

Kështu në të njëjtën qeli për një afat deri në 28 ditë, dënimin mund ta vuajnë në të njëjtën dhomë si ata me dënim të gjatë edhe ata që mundë të jenë dënuar për ndonjë vepër të lehtë si borxh apo kundërvajtje.

Sipas drejtorit të burgut të Dubravës, Ismail Dibrani, kjo mund tu shkaktoj telashe.

Klan Kosova ka mësuar se kohë më parë këtu kishte pasur edhe një përpjekje dhunimi që ishte parandaluar nga gardianët. Ndonëse për këtë autoritetet nuk flasin.

Aktualisht në burgun e Dubravës vuajnë dënimin 800 persona të dënuar për krime të ndryshme.

Gjermania ndihmon Kosovën në futboll

Federata Gjermane e Futbollit është pajtuar që të ndihmojë Kosovën në hapat e parë të saj si federatë e pranuar ndërkombëtarisht, njofton Klan Kosova.

Periskopi.com Sporti

Federata e Futbollit të Kosovës dhe ajo gjermane janë pajtuar me anë të një memorandum të mirëkuptimit të nënshkruar të premten.

Gjermania do të ndihmojë Federatën e Kosovës në trajnimin e stafit, trajnerëve dhe arbitrave, po ashtu edhe do të ndihmojë në fuqizimin e gjeneratave të reja.

Kosova është bërë anëtare e UEFA-s në maj të këtij viti, duke iu bashkuar edhe FIFA-s një javë më vonë.