Ura në Mitrovicë hapet me 9 maj (Video)

Ura mbi lumin Ibër në Mitrovicë do të hapet me 9 maj, në ditën e Evropës.

Periskopi.com Lajme

Jo vetëm ura, por edhe shëtitorja e qytetit, objekti sportiv “Omnisporti”  dhe qendra afariste afër urës që janë projekte të Bashkim Evropian në Mitrovicë, janë planifikuar të inaugurohen me 9 maj, kur shënohet dita e Evropës, ditë e paqes dhe bashkimit të vendeve në Evropë.

Mujka ka thënë se me këtë rast do te ketë një festë solemne.

E,  këtu punimet janë duke vazhduar me  një intensitet të shtuar me qëllim që revitalizimi i urës të përfundoj me kohë.

Inaugurimi i urës është paralajmëruar edhe nga Përfaqësuesja Speciale e Bashkimit Evropian në Kosovë, Natalya Apostolova.

Gashi thotë se zyrtarët e lartë të LDK-së janë të akuzuar nga Specialja

Avokati Tomë Gashi duke komentuar akuzat e aktivistëve të Vetëvendosjes ka thënë se këtë të fundit po mbahen kot pasi ka mungesë të madhe të provave.

Periskopi.com Lajme

Ai ka thënë se provat që posedon Prokurorit në këtë rast janë qesharake, duke shtuar se kjo aktakuzë është ngritur për arsye politike.

Derisa për akuzat e mundshme në Gjykatën Speciale, Gashi ka thënë se nuk dihen me emra, por sipas raportit nuk ka imunitet nënpunësi më i vogël deri te posti i presidentit të shtetit.

Avokati Gashi ka thënë se le ta harrojë dikush që nëse BE përderisa ka investuar në gjykatë, nuk do ta kryejë punën e vet dhe kësaj pune madje sipas tij do t’i shkojë deri në fund.

“Mundet të ketë edhe zyrtarë të lartë të LDK-së që mund të jenë të akuzuar nga Gjykata Speciale”, tha Gashi duke shtuar se kjo Gjykatë nuk i njeh ligjet e Kosovës por i ka rregullat e veta.

Kurse sa i përket tentimit të ndërrimit të projektligjit për Gjykatën Speciale, Gashi ka thënë se kjo punë nuk do të bëhet pasi është e vonuar.

“Gjykata Speciale tashmë ju ka përfunduar e pamja moti”, ka shtuar si për ironi Tomë Gashi.Ai ka theksuar se Kosova me këtë Gjykatë do të merret dikund 10 deri në 15 vite.

 

Rregulli i ri: Shtratin e juaj përdoreni vetëm për gjumë dhe seks

Dikush lexon, të tjerët rrinë me telefon në dorë derisa janë në shtratin e gjumit, normalisht që vet fjala po tregon.

Periskopi.com Shëndeti

Por, harroni të gjitha, nuk duhet as të shikoni televizorin nga aty. Rregulli i ri përcakton vetëm gjumin dhe seksin, në shtratin e juaj, raporton periskopi

Këto janë tetë rregullat që duhet zbatuar për të arritur atë që është më e mira për shëndetin dhe mënyrën tuaj të jetesës.

 

  1. Mbyllni ekranet e pajisjeve elektronike së paku 90 minuta para se të shkoni në shtrat.
  2. Përdoreni shtratin tuaj vetëm për të bërë gjumë dhe seks
  3. Vendosni termostatin në temperaturë të ulët
  4. Ushtroni çdo ditë
  5. Mos pini pije alkoolike para se të shkoni në shtrat
  6. Merrni një jastëk më të mire
  7. Drejtoni orën anën tjetër në mënyrë që ju mos ta shihni
  8. Ndaloni së piri kafeinë tetë orë para se të shkoni në shtrat   / Periskopi.com

Ja sa romantik është Granit Xhaka, kështu ai feston datëlindjen e të dashurë së tij (Foto)

Mesfushori i Arsenalit, Granit Xhaka ka festuar datëlindjen e të dashurës së tij, Leonita Lekaj.

Periskopi.com Sporti

Graniti postoi në profilin e tij në rrjetin social, Instagram, nën përshkrimin: “Urime ditëlindjen për  ❤ time.️ Të dëshiroj mbrëmje të këndshme”. /Periskopi.com

Lajm i keq për tifozët e Man United, operohet ylli i skuadrës

Manchester Unitedi ka konfirmuar se Juan Mata ka kryer një operacion në ije pas një lëndimi që ka pësuar.

Periskopi.com Sporti

“Juan ka kryer një operacion për lëndimin në ijë. Për detajet tjera do t’ju njoftojmë me kohë”, ka bërë të ditur United.

Mata i bashkohet Phil Jonesit, Chris Smallingut dhe Paul Pogbas në listën e të lënduarve.

Vajza i dërgon gabimisht foto erotike babait, shikoni reagimin e tij…

Kjo është një nga situatat më të sikletshme që mund të përjetosh ndonjëherë.

Periskopi.com Showbiz

Një vajzë e re i ka dërguar gabimisht një foto nudo babait të saj, foto të cilën e kishte nisur për të dashurin.

Menjëherë ka reaguar i ati i cili i shkruan: Për mua e kishe këtë? Mu përgjigj në telefon menjëherë. Seriozisht e bëre? Me këto gjëra merresh ndërsa je në shkollë?!

Shikoni ‘raketën’ e Sule ndaj Hertha Berlinit (Video)

Kur Bayern Munichu kishte blerë kartonin e mbrojtësit të Hoffenheimit, Niklas Sule nuk kishte menduar edhe për talentin që ai posedon në fazën sulmuese.

Periskopi.com Sporti

Por, mbrojtësi që e refuzoi Chelsean, për t’u bashkuar me Bayernin siç duket ka edhe potencialin për të shënuar eurogola, transmeton Koha.net. Një të tillë ai e shënoi sonte në përballjen ndaj Herthas.

Sule shënoi golin e dytë me një goditje fantastike jashtë zonës së rreptësisë, në fitoren prej 1 me 3 të Hoffenheimit ndaj Herthas.

Lulzim Basha arkiv

Opozita shqiptare tërhiqet nga qeveria teknike!?

Kur protesta e opozitës ka hyrë në javën e saj të tetë, nga radhët e saj vjen sinjali i parë për zgjidhjen e krizës përmes një marrëveshje që përjashton kërkesën për qeveri teknike.

Periskopi.com Lajme

Aleati historik i Partisë Demokratike, Dashamir Shehi, thotë se do ishte e pranueshme një zgjidhje si për rastin e dekriminalizimit me ndërmjetësimin e ndërkombëtarëve, nëse nuk realizohet kushti kryesor i koalicionit opozitar.

“Nëse kjo është një marrëveshje që e ruan të drejtën e opozitës të ketë mundësi zgjedhje, populli shqiptar të ketë akses, të mos dhunohet nga mijëra kriminelë që ka ngritur kjo qeveri në këmbë, unë mendoj se mund të arrihet, nëse jo për t’ju dorëzuar krimit edhe mafies më mirë të vijojmë luftën”, pohoi Shehi në një intervistë për News24.

Këtë ide Dashamir Shehi nuk e ka diskutuar me Lulzim Bashën, por me kryetarin demokrat ai ka biseduar për një tjetër çështje të nxehtë, atë të miratimit të Vettingut.

“Në funksion të zgjedhjeve mund të bëhej dhe kjo marrëveshje me një dekret të përbashkët Vettingu dhe qeveria teknike do ishte zgjedhje shumë e mirë dhe nuk ka justifikime për asnjë palë dhe pas kësaj shkojmë në një palë zgjedhje që shpresojmë të jenë më të mira se të tjerat”, thotë ai.

Dashamir Shehi është i idesë që opozita duhet të heqë çdo alibi se është ajo që po bllokon zgjedhjet dhe drejtësisë me veprime konkrete duke shënuar në këtë mënyrë edhe rastin e parë të mendimit ndryshe brenda radhëve të aleatëve opozitar.

E rëndë: Ky është reagimi i futbollistit të Hoffenheim pas thyerjes së gishtit (Foto)

Sandro Wagner e meriton epitetin e futbollistit më luftarak në Bundesligë.

Periskopi.com Sporti

Sulmuesi i Hoffenheim, ka refuzuar të lërë fushën edhe pas thyerjes së gishtit të dorës, në ndeshjen që skuadra e tij po e zhvillon në udhëtim te Hertha Berlin.

Wagner gjatë një dueli në pjesën e parë, theu gishtin e dorës së majtë, teksa mjekët i bën një rikuperim të shpejt pasi ai refuzoi të lë fushën, shkruan lajmi.net.

Se çfarë dhimbje përjetoi sulmuesi te ndërhyrja e mjekëve në gishtin e tij, e tregon fotografia e mëposhtme.

BDI po tërhiqet edhe nga Qeveria teknike

Bashkimi Demokratik për Integrim (BDI) sonte ka shqyrtuar mundësinë e tërheqjes nga Qeveria teknike e Maqedonisë.

Periskopi.com Lajme

Në mbledhjen e mbajtur nga kryesia e partisë në Reçicë të Vogël, u shqyrtua mundësia e largimit nga qeveria, dhe nëse ky veprim do të ndihmonte zhbllokimin e situatës, përfshirë këtu edhe punën e Kuvendit.

Kreu i BDI-së, Ali Ahmeti deklaroi se vendimi do të merret pas konsultimeve me partitë e shumicës parlamentare dhe ekspertët e fushës.

“Ne nga të gjitha aspektet e kemi analizuar tërheqjen e pjesëtarëve të ekzekutivit të Bashkimit Demokratik për Integrim, të shohim se sa mund të kontribuojë në zhbllokimin e situatës, sepse ka zëra që kjo mund të jetë një kontribut. Ne do të konsultohemi me të gjitha partitë dhe ekspertët se çfarë mund të prodhojë ky veprim”, deklaroi Ahmeti.

Javë më parë, nga BDI-ja deklaruan se tërheqja e ministrave të tyre nga Qeveria do ta dërgonte vendin në zgjedhje të parakohshme. Megjithatë Ahmeti tani deklaron se zgjedhjet e reja nuk janë zgjidhja më e mirë dhe se më të rëndësishme janë zgjedhjet lokale.

“Nuk është zgjidhja më e mirë shkuarja në zgjedhje të parakohshme. Kemi probleme shumë më të rëndësishme. Zgjedhjet e parakohshme nuk do të thotë se ofrojnë një zgjidhje më të mirë dhe ne jemi në kërkim të zgjidhjeve më të mira tani që të dalim nga kjo situatë. Shumë më me rëndësi është të mendohet se sit ë tejkalohet ngërçi për t’u organizuar zgjedhjet lokale”, shtoi kryetar i BDI-së.

Fotot që dëshmojnë se njerëzit në Dubai kanë shumë para

Këto fotografi që do t’i shihni më poshtë dëshmojnë se Dubai është një tokë e miliarderëve dhe milionerëve.

Periskopi.com Showbiz

Dubai ka ndërtesën më të lartë në botë

Gjithashtu edhe qendrën më të madhe tregtare në botë

Kopshtin më të madh me lule

Fushë tenisi në ajër

Ishuj të krijuar nga dora e njeriut

Atje mund të skijosh brenda një qendre skijimi

Atje sheh super-vetura të braktisura gjithandej

Policia të ndjek me Lamborghini

Dhe vetura prej ari…

Dubai njihet për sasinë e madhe të arit që shërben si një atraksion kryesor për turistët

A është ndarë Adriana Matoshi – Sasa nga bashkëshorti?

Nuk ka dyshim që Adriana Matoshi është aktorja më e talentuar dhe e angazhuar në vend.

Periskopi.com Showbiz

Ajo ka marrë pjesë në shumë shfaqje teatrale, e vitet e fundit e kemi parë tejet të angazhuar në film, ku përherë ka shkëlqyer, shkruan Kosovarja.

Adriana, prej disa muajsh është angazhuar edhe në serialin “O sa mirë”, të cilit i ka dhënë impulsin e duhur, pasi në mungesë të saj ky serial ishte i rëndomtë dhe pa ndonjë shikueshmërinë dhe impaktin aktual.

Me pak fjalë, roli i Sases është mirëpritur shumë mirë nga audienca.

E, këto kohë Adriana në intervista ka folur kryesisht për fëmijët dhe kujdesin ndaj tyre, por asnjëherë për bashkëshortin e saj, më të cilin as nuk shfaqet prej kohësh. Janë ndarë?

Njihuni me Ronaldon e Kosovës, ngjashmëri e pabesueshme (Foto)

Futbollisti i Real Madridit, Cristiano Ronaldo është një nga sportistët më të famshëm në botë, nëse llogarisim në bazë të ndjekësve që ka nëpër rrjetet sociale.

Periskopi.com Sporti

Por ndoshta tifozi më i veçant i tij është nga një qytet i Kosovës, Skënderaji.

Fjalë bëhet për djalon e ri 22 vjeçar, Leotrim Prokshi.

Kur marrim fotografi të të dyve dhe i krahasojmë, ne mund të vërejmë një ngjashmëri të madhe në mes tyre, apo jo? /Periskopi.com

ddkakam-dlp

Padi për dy të rinjtë që ngritën flamurin shqiptar në Kumanovë

Sektori për Punë të Brendshme në Kumanovë ka iniciuar padi penale ndaj dy personave që sot ngritën flamurin shqiptar në këtë qytet.

Periskopi.com Lajme

Dy personat (LL. S 17) dhe (L.K 21) që të dy nga fshati Sllupçan i Likovës, akuzohen për veprat “urrejtje ndëretnike” dhe “pengesë ndaj personit zyrtar”.

Njëri prej të dyshuarve është lënë i lirë ndërsa i dyshuari (L.K 21) do të mbahet nën arrest nga policia e Kumanovës.

Jo zyrtarisht mësohet se nesër ora 10:00 te dyshuarit do të dërgohen në gjykatë.

Sot rreth orës 16:30, dy të rinj e kanë hequr flamurin e Maqedonisë nga shtylla që ndodhet në sheshin e qytetit të Kumanovës dhe në vend të tij kanë ngritur flamurin shqiptar.

Flamuri shqiptar për rreth 30 minuta valoi në vend të flamurit maqedonas, që më pas të hiqet nga shtylla.

Befason Rusia, zbut qëndrimin në raport me Kosovën

Ambasadori i Rusisë në Tiranë, Aleksander Karpushin, ka folur në emisionin “Kapital”, me Aleksander Furxhin në Vizion Plus.

Periskopi.com Lajme

I pyetur të komentojnë zërat se Rusia është e interesuar për të shtuar ndikimin në rajon e se po nxit rrymat anti-BE, ai tha se “Ballkani mbetet rajon të cilin Perëndimi për arsye të panjohura e sheh si një fushë veprimesh provokuese të Rusisë”.

“Si rezultat, çdo përpjekje e Rusisë për të ndërtuar marrëdhënie normale me vendet ballkanike bëhet menjëherë objekt i një shqetësimi jashtëzakonisht të madh të politikanëve perëndimorë, të cilët dalin pastaj me reagime jo të shëndetshme dhe madje me shfaqje rusofobie të mirëfilltë. Është për të ardhur keq se në rajon, përfshirë këtu edhe Shqipërinë, është ngritur një valë spekulimesh rreth të ashtuquajturit kërcënim rus që duket si një fushatë e parapërgatitur, që synon diskreditimin e vendit tonë në sytë e atyre që ushqejnë simpati për të”, ka thënë ai.

Ai reagon ndaj, siç thotë, akuzave të pabaza për implikimin e Rusisë në atentatin ndaj kryeministrit malazez, Milo Gjukanoviq, për “dorën e Moskës” në destabilizimin e situatës në Maqedoni dhe për përgjegjësinë e Rusisë për ecurinë e ngadaltë të dialogut Beograd-Prishtinë.

“Për më tepër, tashmë kanë filluar t’i frikësojnë qytetarët shqiptarë me hakerët rusë të cilët gjoja po përgatiten për të ndërhyrë në zgjedhjet parlamentare të 18 qershorit. Mendoj se kjo është fare qesharake”, shtoi ai.

“Perëndimi duhet të ndërpresë përdorimin e Ballkanit në lojërat e tij gjeopolitike dhe të heq dorë nga ideologjia e natocentrizmit”.

Nadal me lehtësi kualifikohet në finale të “Miami Open”

Rafael Nadal ka arritur kualifikimin në finale të “Miami Open” me fitore bindëse ndaj italianit, Fabio Fognini, transmeton Koha.net.

Periskopi.com Sporti

14 herë kampioni i Grand Slameve fitoi me rezultat 6-1 7-5, raporton BBC.

Ai në finale e pret fituesin e gjysmëfinales tjetër Roger Federer – Nick Kyrgios, të cilët përballen nesër.

Serbia përjashtohet nga UEFA?

Presidenti i UEFA-s, Alekandar Ceferin, ka nisur turin e vizitave në Ballkan.

Periskopi.com Sporti

Slloveni ka qëndruar në Serbi, në një vend ku huliganizmi është shumë i shfaqur në futboll.

Kreu i UEFA-s ka paralajmëruar serbët se mund të përjashtohen nga kjo organizatë nëse nuk punohet për largimin e huliganizmit nga stadiumet e futbollit.

“Duhet të jemi të qartë, veprimet e këtyre ultrasve nuk duhen të tolerohen në stadiume. Serbia rrezikon suspendimin nga garat nëse përsëriten këto ngjarje, dhe kjo do të ishte një katastrofë për serbët”, ka deklaruar Ceferin, transmeton lajmi.net

Një rast ku huliganizmi kishte kaluar çdo limitë në Serbi, ishte ndeshja me Shqipërinë në natën e 14 tetorit të vitit 2014.

Rrëfehet legjenda Maldini, këta janë mbrojtësit më të mirë në botë

Legjenda e Milanit dhe ish-mbrojtësi i saj, Paolo Maldini ka treguar se kush janë mbrojtësit më të mirë në botë aktualisht.

Periskopi.com Sporti

Sipas tij Sergio Ramos i Real Madridit, dhe Thiago Silva i PSG-së janë mbrojtësit më të mirë në botë, transmeton Koha.net.

“Sergio Ramos është shumë i mirë, por ndonjëherë ai harron të mbrohet. Ai është lojtar i madh, ka aftësi dhe mund të shënojë. Gjithashtu më pëlqen edhe Thiago Silva, ai luan për PSG-në prandaj nuk e shikoni shpesh ligën franceze në Itali, nuk i shikojmë ndeshjet e tyre në ligë shpesh, por më kujtohet kur ai ishte pjesë e Milanit”, është shprehur Maldini për Grant Wahl Planet Futbol.

Ai ka folur edhe për lojtarët më të vështirë që është përballur.

“Kundërshtari më i mirë, më duhet të them se ishte Diego Maradona. Sepse ai ishte Maradona, gjithashtu edhe në fushë ishte shumë djalë i mirë, i respektueshëm. Pas tij, mendoj se është braziliani Ronaldo, në dy vitet e tij tek Interi para se të lëndohej ishin shumë, shumë të mira. Gjithashtu kam luajtur kundër Zidanet, e Platinis, ata shumë shumë të mirë”, është shprehur Maldini.

Flet ish-drejtoresha shqiptare e Arsimit që kërkonte favore seksuale

Ish-drejtoresha e Arsimit në Lushnjë, Liza Tabaku ka folur për herë të parë nga burgu pasi është dënuar për korrupsion.

Periskopi.com Lajme

Ajo është dënuar pas skandalit ku kërkonte favore seksuale në këmbim të vendeve të punës.

Ajo tregon te Enkel Demi në TVSH se u fut në kurth.

“Unë kur u arrestova më thanë se për një vjedhje të djalit. Erdhi policia më tha eja shpejt se djali ka vjedhur një makinë SMART. Më gënjyen”, tha Tabaku.

Ajo tregon se i është bërë padrejtësi dhe se është detyruar të pranojë gjykim të shkurtuar.

Tabaku tha se djali i saj u kap me paratë e një mësuesi, mirëpo ajo nuk ka lidhje me këtë akuze. Ajo pranon në një fare mënyre se djali i saj merrej pa dijeninë e saj me emërimet në Arsim.

Tabaku thotë se burgosja e saj ka lidhje edhe me pozicionin politik.

“Unë përfaqësoja LSI dhe kam qene nen shënjestër. Por s’kam hequr asnjë njeri nga puna”, tha ajo.

 

Mourinho i zhgënjyer me Pogban, tregon arsyen

Jose Mourinho i ka thënë mesfushorit Paul Pogba që të lërë anash angazhimet e tij jashtë fushës dhe të përqendrohet në karrierën e tij te Manchester Unitedi.

Periskopi.com Sporti

Francezi që pritet të mungojë në javët e ardhshme shkaku i një lëndimi, është shumë aktiv nëpër rrjetet sociale dhe i angazhuar nëpër reklama të ndryshme, por Mou i ka kërkuar që të përqendrohet në futboll.

Gazeta britanike “The Mirror” raporton se Mourinho nuk ishte i lumtur me emotikonin e krijuar për Pogban në Twitter. Raportohet se portugezi i ka kërkuar të lërë anash angazhimet jashtë fushës, përndryshe do të humb pozitën e tij në formacionin bazë.