Fatmir Limaj: Demarkacioni mund të shkojë në votim gjatë muajit dhjetor

Periskopi.com Lajme

Zëvendëskryeministri Fatmir Limaj, ka thënë se Demarkacioni me Malin e Zi mund të shkojë për votim në Kuvendin e Kosovës para përfundimit të këtij viti.

“Unë ende nuk kamë parë asnjë raport zyrtarë sa i përket gjetjeve të komisionit. Çështja e Demarkacionit duhet të marrë epilog, dhe epilogu është në Kuvend”, ka thënë Limaj.

Ai ka shtuar se marrëveshja që ka mbetur pa u ratifikuar në Kuvendin e Kosovës, Kuvendi duhet t’ia japë një përgjigje po ose jo përmes votës.

Limaj ka theksuar se si Nismë për Kosovën ende mbajnë qëndrimin që kanë pasur edhe më parë lidhur me Demarkacionin.

Përmbytjet në Shqipëri, gjysma e Tiranës pa energji elektrike

Periskopi.com Lajme

Rreshjet e dendura të shiut përmbytën nënstacionin e Kasharit, duke sjellë kështu ndërprerjen e energjisë elektrike në zonat e Tiranës – Kombinat, Kamëz dhe Laprakë.

Rreshjet e shiut kanë përmbytur një pjesë të autostradës Tiranë-Durrës duke bërë që të bllokohet qarkullimi.

Uji ka arritur në një lartës rreth 1 metër, çka e ka bërë të pamundur kalimin për mjetet e vogla, shkruan Lapsi.al.

Ja si ndikon gjumi në trupin tonë

Periskopi.com Shëndeti

Gjumi është procesi ku secili nga ne e cilëson si një mundësi e mirë për t’u çlodhur. Gjumi dhe pagjumësia janë dy fenomene të cilët kanë një ndikim të theksuar në mbarëvajtjen e organizmit prandaj është e rëndësishme që të kemi informacion në lidhje me të mirat dhe dëmet që na vijnë nga ky proces.

Sipas një studimi të zhvilluar në SHBA, rezulton se personat të cilët flenë pak dhe ato që e tejkalojnë me gjumin janë më të rrezikuar nga sulmi në tru.

Ky është një studim që u krye në një periudhë kohe prej nëntë vitesh, ku pjesë u bënë 204.000 të anketuar me shtypje të lartë të gjakut, rreziku shumë më i madh për sulm në tru ishte vërejtur te personat që mesatarisht kishin fjetur më pak se pesë orë si dhe te ata që kishin fjetur mesatarisht më shumë se tetë orë gjumë.

Personat të cilët bëjnë me pak se pesë orë gjumë janë të rrezikuar për suklmet në tru me 83 përqind, ndërsa te ato që bëjnë më shumë se tetë orë gjumë këtë rrezikuështë është 74 për qind. /albeu.com

Deputeti i LDK-së: Votat me postë në Istog u manipuluan nga një rrjet kriminal i AAK’së

Periskopi.com Lajme

 

Deputeti i Kuvendit të Kosovës nga radhët e Lidhjes Demokratike të Kosovës, Naser Rugova, ka lëshuar akuza të forta në drejtim të Aleancës për Ardhmërinë e Kosovës.

Ai i ka quajtur kriminelë disa anëtarë të strukturave të AAK’së në Istog, duke thënë se kanë tentuar që të vjedhin votën e sovranit të kësaj komune.

AAK’ja kishte rrjet kriminal në Istog që manipuloi votat me postë, ka thënë Rugova në Tribuna Channel.

Madje, për Rugovën, është i padrejtë vendimi i Panelit Zgjedhor për Ankesa dhe Parashtresa, për rivotim në këtë komunë, sepse, sipas tij, në Istog është dashur që të kontestohen vetëm votat me postë.

 

A e keni ditur se Yllka Kuqi ka këtë tatuazh? (Foto)

Periskopi.com Showbiz

Këngëtarja e njohur, Yllka Kuçi pëlqehet shumë nga publiku për këngët hite që sjellë

.Por sigurisht deri më tani nuk e keni ditur se Yllka ka një tatuazh në krahërorin e saj.

Tatuazhi u zbulua teksa Yllka po grimohej për ndonjë rast apo xhirimet Vitit të Ri.

Gjithsesi ky detaj i rri shumë bukur në trup

Departamenti i Shtetit hedh poshtë zërat për shkarkimin e Tillersonit

Periskopi.com Lajme

Kreu i diplomacisë amerikane, Rex Tillerson e do punën e tij dhe ka si qëllim të qëndrojë në krye të departamentit të Shtetit, konfirmoi sot zëdhënësi i tij, Heather Nauert pas zërave, sipas të cilave Donald Trump kishte parashikuar ta zëvendësonte.

“Sekretari i përgjithshëm i Shtëpisë së Bardhë, John Kelly, i telefonoi departamentit të Shtetit për të siguruar drejtuesit e saj se zërat për një riorganizim të tillë ishin të rreme”, konfirmoi Nauert.

“Rex Tillerson e do punën e tij. Ai ka shumë punë për të bërë”, deklaroi zëdhënësi, duke konfirmuar se sekretari i Shtetit kishte disa takime të parashikuara javën e ardhshme me ministrat evropianë në Bruksel, Stokholm, Vjenë dhe Paris.

“John Kelly i telefonoi sot ministrisë tonë dhe theksoi se këto zëra nuk ishin të vërteta dhe Shtëpia e Bardhë konfirmoi sot se nuk kishte asnjë njoftim të bëtë mbi këto ndryshime”, theksoi Heather Nauert.

Rexhep Selimi mirëpret propozimin për hapjen e kufirit me Shqipërinë

Periskopi.com Lajme

Ëndrra e shumë shqiptarëve për bashkimin e trojeve ka nisur së realizuari.

Deklarata e ministrit të Diasporës së Shqipërisë, Pandeli Majko se nga janari i vitit 2018, nuk do të ketë më kufi mes Kosovës dhe Shqipërisë ka ngjallur reagime.

Është deputeti i Kuvendit të Kosovës nga LVV, Rexhep Selimi ai i cili uron që qëndrime të njejta të kenë edhe dy qeveritë, ajo e Shqipërisë dhe e Kosovës.

“Deklarata e Majkos shpresojë të jetë deklaratë dhe qëndrim edhe i Republikës së Kosovës dhe i Republikës së Shqipërisë”, ka thënë ai për Indeksonline, duke shtuar se kufiri është i panevojshëm dhe i pakuptimtë.

Prandaj një hapë të tillë edhe do ta dëshiroja më herët, por do ta përkrahim kurdo që të ndodh, sa më shpejt aq më mirë”, ka thënë ai tutje.

Nga ana e tij, Majko ka shprehur besimin e tij se nga janari 2018 të jetë provë se kuriri ‘jugosllav’ midis dy shteteve tona që do të kthehet në një kufi të standarteve të Bashkimit Europian.

 

Ilaçet e ndryshme mund të shkaktojnë trashje

Periskopi.com Shëndeti

Nëse merrni pilula kontraceptive dhe terapitë hormonale, ilaçe kundër depresionit, hipertensionit, artritit reumatid, migrenës, e deri tek ilaçet për sëmundje të zemrës, mos u habitni, në qoftë se trasheni.

Shumë ilaçe kundër depresionit mund të shkaktojnë shtim në peshë. Zgjidhja nuk është ndalja e marrjes së ilaçeve kundër depresionit, sepse njerëzit që vuajnë nga depresioni i padiagnostikuar dhe i patrajtuar gjithashtu kanë një rrezik të grumbullimit të kilogramëve të tepërt.

Nëse vëreni që po trasheni prejse keni filluar të merrni ilaçe kundër depresionit, gjithsesi konsultohuni me mjekun. Ai ndoshta do t’ua zvogëlojë dozën e ilaçeve ose do t’ua përshkruajë ndonjë ilaç tjetër.

Sido që të jetë, ekspertët rekomandojnë ushtrime për shkak se ato do të ndikojnë shkëlqyeshëm në mendjen tuaj, por edhe në vitalitetin tuaj.

Gjithashtu disa ilaçe të cilat i lehtësojnë simptomat e artritit reumatoid, shtypjes së lartë të gjakut. migrenës dhe urthit, mund të shkaktojë shtim në peshë.

Disa ilaçe mund ta rrisin oreksin dhe metabolizmin e ngadaltë.

Nëse nuk i keni ndryshuar shprehitë tuaja të jetesës, dhe e vëreni grumbullimin e kilogramëve nga fillimit i marrjes së ndonjë ilaçi, gjithsesi konsultohuni me mjekun. Ai mund t’ua gjejë ndonjë tjetër ilaç që nuk do të shkaktojë trashje. /Telegrafi/

Anglezja do që Trump t’i kërkojë falje asaj

Periskopi.com Lajme

 

Kur presidenti amerikan, Donald Trump, e përmendi @theresamay në një ‘cicërimë’ në Twitter, ai mendoi se ia kishte drejtuar atë kryeministres së një prej aleatëve më të ngushtë të Shteteve të Bashkuara.

“Mos u merr me mua, merru me terrorizmin shkatërrues radikal islamik që po ndodh brenda Mbretërisë së Bashkuar. Ne i kemi punët mirë!”, shkroi i pari i Amerikës në rrjetin social.

Por, shkrimi i tij iu drejtua Theresa May të gabuar – jo udhëheqëses britanike.

Trump më pas fshiu atë ‘cicërimë’, dhe e publikoi përsëri 20 minuta më vonë, këtë herë duke ia drejtuar përdorueses së duhur, @theresa_may.

Përdoruesja e llogarisë @theresamay është Theresa May Scrivener, një grua 41-vjeçare, e cila jeton në Bognor, dhe ka vetëm gjashtë ndjekës në Twitter.

Ajo ka thënë se jeta i është bërë interesante, pasi presidenti amerikan ia drejtoi një ‘cicërimë’, raporton The Guardian.

“Gjithçka ka qenë surreale. Nuk kam mundur të dal nga shtëpia. Jam bombarduar dhe jam kontaktuar nga mediat nga e mbarë bota”, ka treguar ajo.

Scrivener ka thënë se ka marrë mijëra mesazhe për shkrimin e Trumpit.

“Është interesante kur e mendon se njeriu më i fuqishëm i botës ka prekur butonin e gabuar. Tani po e pres një thirrje nga Shtëpia e Bardhë, për të më kërkuar falje”, ka thënë ajo.

Trump është bërë adresë e një vale kritikash në Britani, pasi ka shpërndarë disa video, që i kishte publikuar Jayda Fransen, zëvendëskryetare e grupit ekstemist djathist “Britain First”, dhe pasi ka kritikuar kryeministren britanike që e kishte qortuar për veprimin e tij.

 

A u pendua Kadri Veseli që ia ofroi kryeministrinë Haradinajt? Ja si përgjigjet

Periskopi.com Lajme

Kryetari i Partisë Demokratike të Kosovës, Kadri Veseli, ka thënë se nuk është penduar që ia kishte ofruar postin e kryeministrit, Ramush Haradinajt.

“Jam munduar të tregoj se nuk është prioriteti im të jem kryeministër”, tha Veseli në Zonën e Debatit në Klan Kosova.

“U bë shumë e madhe thuajse Kadri Veseli do të bëhet vetëm kryeministër”.

Veseli tha se e kontrolloi egon, dhe tregoi se në çka e vë në shërbim egon e tij.

“Unë e kontrolloj egon, dhe ajo ka me i shërby misionit dhe vizionit që unë e konsideroj në të mirë të qytetarëve”.

“Bëra hapin që të tregoja se nuk është prioritet egoja që të jem kryeministër”, shtoi mes tjerash ai.

“I penduar nuk jam për arsye se nuk e kam bërë për interes  personal”, tha ai duke pohuar se e kishte bërë për vendin dhe qytetarët”.

Se a ka dalë mirë ky vendim i tij, ai tha se është pjesë e diskutimit në konventën zgjedhore të Partisë Demokratike, por pohon ta ketë bërë për të mirën e vendit dhe qytetarëve.

“Unë e kam marrë vendimin, unë i kam propozuar kryesisë së partisë”.

“Ata e kanë mirëkuptuar pasi u kam thënë unë”.

“Përgjegjësinë e mbaj unë”, përfundoi ai.

 

Shpërthim në nënstacionin e Shkodrës, tre të lënduar

Periskopi.com Lajme

Një ngjarje e rëndë ka ndodhur sot në Shkodër, ku janë plagosur tre punonjës të OSHEE-së, të cilët po riparonin një defekt në nënstacion.

Paraprakisht mësohet se shkak është bërë shpërthimi i një automati që po riparohej për shkak të dëmtimeve nga moti i ligë, shkruan gazeta Shekulli.

Elektricistët kanë marrë djegie në trup dhe janë nisur fillimisht drejt Spitalit të Shkodrës, e mandej janë nisur me urgjencë drejt Tiranës për mjekim të specializuar.

Shkodra është goditur sot fuqishëm nga përmbytjet që kanë shkaktuar probleme me energjinë elektrike në qytet dhe rrethina.

Whatsapp për disa minuta doli jashtë kontrollit në gjithë botën

Periskopi.com Tech & Auto

Aplikacioni i komunikimit “Whatsapp” ka pushuar pak minuta më parë së funksionuari në të gjithë globin.

Kanë qenë miliona përdorues që kanë nxituar të ankohen në rrjetet sociale për mosfunksionimin e WhatsApp, madje edhe përhapur me shpejtësi hashtagun “Whats App Down” (Whats App ka rënë).

Ende janë të paqarta arsyet e kësaj avarie të një prej rrjeteve më të përdorura të komunikimit në botë.

Megjithatë, duket se pas disa minutave, gjithçka i është kthyer normalitetit.

Aplikacioni në pronësi të Facebook-ut, numëron mbi 1 miliard përdorues në mbarë botën dhe një defekt i vogël mund të cenojë komunikimin mes tyre.

Punëtorët serbë ndalin trenin Mitrovicë – Kralevë

Periskopi.com Lajme

 

125 punëtorë të Hekurudhave të Serbisë në Kosovë, të cilët janë gjendur në listat preliminare të punëtorëve tepricë teknologjike janë mbledhur në Stacionin e Trenit në Zveçan, të vendosur për ta ndalur trenin që qarkullon në linjen Mitrovië e Veriut – Kralevë, por kanë hequr dorë pas insistimit të Poolicisë së Kosovës, përfaqësuesve të Zyrës për Kosovësn dhe drejtuesve të Hekurudhave të Serbisë.

Punëtorët e Hekurudhave të Serbisë në Kosovë thonë se për kërshëndella kanë marrë dhuratë listen me emrat e tyre të shpallur tepricë teknologjike. Sipas tyre me sistematizimin e ri të vendeve të punës drejtuesit e “Zeleznice Serbije” kanë shpallur tepricë teknologjike 125 punëtorë, në mesin e të cilëve ndodhen edhe 8 punëtorë të Shërbimit Teknik të Fushë Kosovës, me seli në Zveçan.

“Ndonëse është planifikuara sot (e enjte) ta ndalim trenin që qarkullon në linjen Mitrovicë – Kralevë, me insistimin e drejtuesve të Hekurudhave të Serbisë, të përfaqësuesve të Zyrës për Kosovën dhe të Policisë së Kosovës, kemi hequr dorë. Ne presin përgjigje nga autoritetet e pushtetit në Beograd, të cilëve u jemi drejtuar që nga mesi i këtij muaji, që ta zgjidhin situatën në të cilën ndodhemi, ndërsa nëse nuk ka përgjigje, atëherë protestat do të radikalizohen dhe do ta ndalim trenin”, ka thënë njëri prej 8 punëtorëve të Hekurudhave të Serbisë, i angazhuar në punë në Stacionin e Trenit në Zveçan që nga viti 1999, Moma Jovanoviq, deklaratën e të cilit e përcjellin mediet lokale serbe në veri të Mitrovicës.

Ai ka shtuar se posa t’i marrin vendimet do të paraqesin ankesë kolektive. Shefi i sektorit për mirëmbajtje të hekurudhave, Zoran Trajkoviq, ka përseritur se punëtorët kanë protestuar dhe janë kërcënuar se do ta ndalin trenin që lidhë Kosovën me Serbisnë, pasi që ata janë gjetur në listat preliminate të punëtorëve tepricë teknologjike. Sipas tij, lista me emrat e punëtorëve tepricë teknologjike u është dorëzuaar me 27 nëntor, ndërsa ka konstatuar se nuk është logjike shuarja e disa njësive organizative.

“Njerëzit kanë të drejtë të shqetësohen sepse kjo punë ka qenë burim i vetëm i të ardhurave. Ata nuk kanë çfarë të punojnë, ku të punësohen, nuk ka fabrika, nuk ka institucione ku do të mund të punonin, fëmijët e tyre nuk kanë ku të punojnë. Ju kemi drejtuar me një letër Ministrisë së Komunikacionit dhe Lidhjeve, Zyrës për Kosovën, drejtorit të përgjithshëm të Hekurudhave të Serbisë dhe presidentit Aleksaandër Vuçiq dhe shpresojnë se do ta marrin një përgjigje poziktive”, ka thënë Trajkoviq, raporton Zeri.Info

E ndërkaq Jovanoviq ka sqaruar se para 10 ditësh kanë marrë ankesë kontrata që janë detyruar t’i nënshkruajnë, në të kundërtën automatikisht do të largoheshin nga puna.
“Na kanë shlyer si me gomë. Në jemi dënuar me vdekje, vetëm duhet ta zgjedhim mënyrën se si ta zbatojnë dënimin, me vdekje, me varje apo me pushkatim”, ka thënë Jovanoviq, njëri prej 8 punëtorëve të Shërbimit Teknologjik të Fushë Kosovës me seli në Zveçan, duke përsëritur se punëtorët janë zotuar ta ndalin trenin, vetëm se janë duke pritur një përgjigje nga Beogradi, në veçanti nga presidenti Aleksandër Vuçiq.

“Do të ndalim trenin, do të dalim me familje dhe do ta ndalim trenin”, është shprehur kategorik Jovanoviq. Ndryshe, në veri të Kosovës qarkullon vetëm një tren dhe ai në relacionin Mitrovicë – Kralevë, dy herë në ditë.

Sipas Hekurudhave të Serbisë, në gjithë Kosovës ka rreh 400 punëtorët të Hekurudhave të Serbisë.

 

PDK i bie pishman për kandidimin e Shkretës për kryetar të Hanit të Elezit

Periskopi.com Lajme

Në emisionin “Jeta në Kosovë” në të cilin u diskutuan zgjedhjet lokale të vitit 2017, anëtari i kryesisë së PDK-së, Abelard Tahiri, ka thënë që kandidimi i Florim Shkretës për kryetar të komunës së Hanit të Elezit ka qenë një lëshim i partisë.

“Kandidimi i tij ka qenë lëshim i PDK-së, ajo nuk do të duhet të ndodhte. Ka qenë një gabim i joni, na është përvjedhur si gabim”, ka thënë Tahiri.

Ministri ​Lekaj njofton se po punohet për hapjen e rrugës nacionale Pejë-Kuçishtë-Bogë

Periskopi.com Lajme

Ministri i Infrastrukturës, Pal Lekaj ka njoftuar se janë duke u zhvilluar punimet për hapjen e rrugës nacionale N9, segmenti Pejë-Kuçishtë-Bogë, te Shtupeqi i Madh, ku ka pasur rrëshqitje të madhe të dheut dhe gurëve.

Postimi i ministrit Lekaj:

Qytetare te Pejës me rrethinë, reshjet e dendura të ditës së sotme kanë bërë që në rrugën nacionale N9, segmenti Pejë-Kuçishtë-Bogë, konkretisht të Shtupeq i Madh, kilometri i 13’të, të shkaktohen rrëshqitje të dheut e të gurëve e rrjedhimisht të ketë bllokim të rrugës.

Ministria e Infrastrukturës ka ndërhyrë përmes kompanive të mirëmbajtjes, po punohet edhe në këto momente që të lirohet për qarkullim kjo rrugë. Reshjet po vazhdojnë e kjo mund të përkthehet në rrëshqitje të tjera në këtë segment, prandaj ju paralajmërojmë që të jeni të kujdesshëm gjatë lëvizjeve.

Ne do të vazhdojmë të jemi në krye të detyrës sipas nevojës, prandaj një mirëkuptim dhe kujdes i dyanshëm do të nënkuptojë siguri më e madhe për të gjithë.

Kaçurrelja e “O sa mirë” me poza super joshëse (Foto)

Periskopi.com Showbiz

Ajo është një ndër aktoret më të bukura të serialit të njohur shqiptar “O sa mirë”.

Bëhet fjalë për aktoren e njohur Arta Elelzajn, e cila ka rrëmbyer zemrën e publikut shqiptar.

Bukuroshja është me profesion juriste ndërsa ka punuar edhe si modele për disa agjenci kosovare.

“Xhakarta” është emri i klinases në serial, e cila do të luan rolin e mbesës së “Hakiut”.

Së fundi, kaçurrelja ka publikuar një fotografi tejet joshëse në llogarinë personale në Instagram.

Ajo shihet të ketë veshur një fustan të shkurtër të zi dhe bluzë transparente ku i shihen reçipeta e zeza.

Ndryshe, Elezajn do ta shohim edhe në episode të reja të serialit gjatë këtij sezoni të ri

E thotë Kadri Veseli: Është i padrejtë kushti për demarkacionin

Periskopi.com Lajme

Kryetari i Kuvendit të Republikës, Kadri Veseli për herë të parë është deklaruar, në një formë,  kundër versionit aktual të demarkacioni ndërmjet Kosovës dhe Malit të Zi.

Sipas tij, Bashkimi Evropian ka bërë padrejtësi ndaj shtetit tonë sa i përket kësaj çështje. Megjithatë, Veseli në një debat në “Klan Kosova” theksoi se jugosllovenët kanë vendosur për demarkacionin.

“Pse ju qit bash Kosovën ky pretekst që të përmirësohet. Ne nuk duhet  ta mbajmë veten peng. Pse vetëm pse munden a?. Shënimit i kufirit duhet të ndryshoj, realiteti është ai që është. Kufijtë nuk i kemi caktu ne, por tjetërkush. Është absurde ato thëniet e ekspertëve që vetëm 74 i kemi pas, por Jugosllavët”, ka thënë ai.

Ndërsa, Veseli është shprehur se PDK-ja është e gatshme ta votojë demarkacionin. “Po, mbi 95% i kemi votat për demarkacionin dhe kundër është vetëm Nait Hasani, ai mundet me qenë”, ka thënë ai.

 

 

 

 

Policia meksikane kap 5 ton marihuanë

Periskopi.com Lajme

Policia meksikane ka kapur më shumë se 5 tonë marihuanë pranë kufirit të Teksasit, në shtetin meksikan të Tamaulipas.

Koalicioni për Sigurinë Kombëtare njoftoi se pakot e drogës u gjetën në një bodrum me ajër të kondicionuar, të një shtëpie.

​Merkel fillon takimin për formimin e qeverisë

Periskopi.com Lajme

Kancelarja gjermane, Angela Merkel filloi sot në mbrëmje bisedimet me presidentin e social-demokratëve, Martin Schulz, në përpjekje për të nxjerrë Gjermaninë nga kriza politike.

Takimi mes kancelares konservatore, Angela Merkel dhe Martin Schulz, që u zhvillua në Berlin në zyrën e presidentit, Frank-Ëalter Steinmeier, ndërmjetësues në këtë krizë, filloi ashtu si ishte parashikuar rreth orës 20:00.

Ky takim synon krijimin e një aleance të mundshme në kuadër të formimit të një qeverie. Si konservatorët ashtu dhe socialdemokratët duhet të presin ditën e nesërme dhe bisedimet e brendshme, para se të flasin për rezultatet e para të takimit.

“Për Merkel, kjo është një luftë për mbijetesën e saj politike që ka filluar”, thekson “Spiegel” duke shtuar se “Merkel duhet të bëjë gjithçka për të formuar këtë aleancë, e vetmja e pranueshme për t’i siguruar një pushtet të qëndrueshëm”.

Për më shumë se një muaji vendi është drejtuar nga një qeveri e ngarkuar për drejtimin e punëve të përditshme, me kancelaren konservatore në krye.

Sipas një sondazhi të publikuar sot, pjesa më e madhe e gjermanëve, rreth 61 për qind u shprehën në favor të hapjes së negociatave për këtë çështje.

Takimi i sotëm, ku mori pjesë kreu i CSU-së, Horst Seehofer, do të vendosë bisedimet në rrugën e duhur. Por, negociatat për një qeveri të mundshme të përbashkët nuk do të fillojnë para janarit 2018.

Vjen reagimi nga Qeveria Haradinaj: Kuvendi s’i ka votat për ratifikimin e versionit aktual të demarkacionit

Periskopi.com Lajme

Ndonëse Podgorica zyrtare po insiston që çështja e vijës kufitare ndërmjet Kosovës dhe Malit të Zi është punë e përfunduar, ndryshe po vlerësohet nga Qeveria “Haradinaj”.

Zyrtari për Informim në ekzekutiv,  Halil Matoshi ka shpjeguar për “Indeksonline” gjithë procedurën që duhet për ratifikimin e Demarkacionit. Sipas tij, qeveria është duke pritur ekspertizën e Komisionit të ri Shtetërorë e pastaj do ti përdorin të gjitha hapat konform këtij raporti.

“Qeveria e Kosovës ka obligim që ta presë ekspertizën e komisionit të ri shtetërorë  për shënjimin  dhe mirëmbajtjen e kufirit. Ai raport që do të jetë gati shumë shpejt, pastaj Qeveria e Kosovës do të ndërmarrë hapat konform me gjetjet e komisionit, dhe sigurisht që do të procedojë çështjen në Kuvend, atëherë praktikisht kjo çështje i kalon Kuvendit të Kosovës”, ka thënë Matoshi.

Qasja aktuale e Demarkacionit është e gabuar dhe e njëjta ose duhet të rinegociohet nga dy vendet, ose të dakordohen me një mekanizëm ndërkombëtar, thotë ai.

“Ne besojmë, do të thotë kryeminsitri, Haradinaj dhe qeveria që ai drejton beson se versioni i kaluar i komisionit të vjetër të shënimit dhe mirëmbajtjen e kufirit ka qenë i gabuar thjesht edhe kriteret edhe qasja ka qenë jo serioze, prandaj ne konsiderojmë se kjo çështje duhet ose të rinegociohet me Republikën e Malit të Zi ose duhet që dy vendet tona, Republika e Kosovës dhe Malit të Zi të dakordohen me arbitrazh ndërkombëtarë”, thuhet në përgjigjen e Qeverisë.

Në fund, ai tregon se legjislatura e tanishme  nuk i ka votat e mjaftueshme për ta ratifikuar versionin aktual të Demarkacionit.

“Në demokraci, pushtetet janë të ndara, ne nuk mundem të i përgjigjem një Kuvendi të Republikës se çfarë edhe si do të votojnë por ne konsiderojmë që kjo legjislaturë nuk i ka votat e nevojshme, do të thotë 2/3 për të kaluar versionin e kaluar të Demarkacionit”, thuhet në fund të përgjigjes nga Qeveria e Kosovës.

Ndryshe, zëvendës kryeministri i vendit, Enver Hoxhaj gjatë një konference në Uashigton ka deklaruar  se marrëveshja e Demarkacionit do të ratifikohet në fillim të vitit të ardhshëm.  Ai deklaroi se deri në këtë periudhë do të arrihet konsensus brenda koalicionit qeverisës dhe Kuvendit.