Xhavit Haliti bashkë me vëllezër, ja çfarë thotë për natën më të gjatë të vitit

Periskopi.com Lajme

Nënkryetari i Kuvendit të Kosovës nga radhët e PDK-së, Xhavit Haliti ka uruar qytetarët për Vitin e Ri.

Ai këtë ndërrim të motmoteve po e pret me vëllezërit e tij, transmeton Indeksonline.

Postimi i tij:

Nata më e gjatë e vitit është më e gëzueshme dhe ikën më shpejt kur je në mesin e vëllezërve.

 

Agim Bahtiri: Vitin e Ri si do ta pres me qytetarët e Mitrovicës, do të festojmë për sukseset

Periskopi.com Lajme

Qytetarët e komunës së Mitrovicës ia besuan sërish votën Agim Bahtirit për kryetar të tyre. E ai përveç i pari i këtij qyteti, shpesh ka treguar që është tejet modest, madje edhe komik në situata të veçanta.

Bahtiri në një intervistë për Indeksonline tregon se si ishte viti 2017 për të, me cilat sfida është ballafaquar gjatë këtij viti, për vështirësitë e qeverisjes së një qyteti, por edhe për planet në vitin 2018.

Indeksonline: Si e përkufizoni me tri fjalë vitin 2017?
Agim Bahtiri: Vit i sfidave të mëdha!

Indeksonline: Cilat janë sfidat në të cilat je ballafaquar gjatë këtij viti?
Agim Bahtiri: Sfida e parë që vlen të veçohet me të cilën jam ballafaqur në këtë vit që po e lëmë pas, kanë qenë projektet e filluara nga unë në fillim të mandatit dhe përfundimi i tyre me sukses, pasi që veç ishte viti i fundit qeverisës i mandatit të parë, ku mendoj se i kam përmbyllur me sukses të plotë. Pastaj sfidë e radhës ishte situata e jashtëzakonshme e krijuar pas shkuarjes së vendit në zgjedhjet zgjedhjet parlamentare, ku si nënkryetar i AKR-së më është dashur të jap kontributin tim. Mirëpo, siç dihet sfida kryesore ka qenë periudha e mbajtjes së zgjedhjeve lokale, ku unë pas një peticioni të organizuar nga mijëra qytetarë, vendosa që të rikandidohem edhe për një mandat për kryetar komune. Qytetarët e vlerësuan shumë pozitivisht punën time katër vjeçare dhe njëherësh me votën e tyre treguan se duan që të kenë edhe për katër vitet e ardhshme një qeveri me duar të pastra, që punon vetëm në interes të tyre.

Indeksonline: Sa është e vështirë të jesh kryetar i një komune?
Agim Bahtiri: Të jesh krytar komune nuk është privilegj, por është një përgjegjësi e madhe, pasi që duhet të kujdeset që 72 mijë qytetarëve t’ua bësh jetën më të lehtë dhe më të mirë. Siç e dini unë jetoj larg familjes time të ngushtë, pasi që gruaja, djemtë, vajzat, nipërit dhe mbesat i kam lënë në Holandë, vetëm e vetëm që t’iu shërbej bashkëqytetarëve të mi, por duke pasur një buxhet komunal të vogël nuk arrin t’iu dalësh në ndihmë të gjithëve që kanë nevojë. Mirëpo, ne me atë buxhet që e kemi, maksimalisht kujdesemi që ta shfrytëzojmë sa më mirë, duke iu dhënë prioritet njerëzve që kanë nevojë më së shumti. Nuk duhet harruar se një kryetar komune ballafaqohet çdo ditë direkt me qytetarë, e që këtë përgjegjësi nuk e kanë ministrat apo përfaqësuesit e tjerë të lartë shtetëror, pa harruar këtu vështirësitë që krijohet nga fakti se Mitrovica është qytet shumë specifik dhe kështu kam edhe obligime shtesë, për dallim nga kryetarët e komunave tjera.

Indeksonline: Çka iu kujtojnë festat e fundvitit?
Agim Bahtiri: Festat e fundvitit më kujtojnë sakrificën e popullit tonë për liri , pavarësi dhe demokraci, e cila ka rezultuar fatmiqësisht me fitimin e shtetësisë.

Indeksonline: Ku do ta prisni Vitin e Ri?
Agim Bahtiri: Vitin e Ri si zakonisht do ta pres së bashku me qytetarët e Mitrovicës në Sheshin “Mehë Uka”, ku bashkërisht do të festojmë për sukseset e vitit që po e lëmë pas dhe hapjen e rrugës për sukseset e reja që do të arrihen në vitin e ardhshëm.

Indeksonline: Planet për vitin 2018?
Agim Bahtiri: Para disa ditësh kam marrë edhe zyrtarisht mandatin e dytë qeverisës, ku ashtu siç jam zotuar do të punoj maksimalisht për zhvillimin ekonomik të Mitrovicës, pasi që në mandatin që e kaluar kam arritur me sukses të bëjë stabilizimin e gjendjes së sigurisë në Mitrovicë dhe kështu janë krijuar kushtet që të kemi investime për hapjen e një perspektive të re për mitrovicasit.

Indeksonline: Urimi për qytetarët dhe lexuesit e Indeksonline..
Agim Bahtiri: Gjithë qytetarëve të iu uroj shëndet, paqe, harmoni dhe sukses në vitin 2018, ku sigurisht që së bashku do ta bëjmë Mitrovicën një qytet shembull për gjithë Kosovën. Gëzuar!

Skandali me zëvendësministrat dhe pagat

Periskopi.com Lajme

Nëse në pjesën më të madhe të vitit, hit diskutimi ishin Asamblistët, në fund të vitit u bënë zv/ministrat.

Qindra nga mijëra asamblistët që garuan i fituan vendet e tyre nëpër komuna e do të marrin nga 200 euro rrogë mujore.

Por, shumë prej atyre që dështuan në garat për kryetar destinacion të ri e kanë Prishtinën. Qeveria e 1.7 milionë banorëve ka 71 zv/ministra.

Pothuajse në secilën ministri janë emëruar nga 4,5 e deri në 6 zv/ministra.

Për disa prej tyre ende nuk janë gjetur zyrat e nevojshme e as vend parkingjet.

11 milionë euro për dy palë zgjedhje e ndryshim drastik të hartës politike

Periskopi.com Lajme

2017-ta ishte vit i zgjedhjeve në Kosovë. Rrëzimi i qeverisë me mocion mosbesimi më 10 maj, shtyu vendin në zgjedhje të parakohshme parlamentare më 11 qershor.

PDK-ja në krye me Kadri Veselin, që ishte pjesë e koalicionit qeverisës me LDK-në, bashkëpunoi me partitë opozitare AAK-në, Nismën dhe Vetëvendosjen, për të rrëzuar qeverinë që udhëhiqej nga Isa Mustafa.

Viti zgjedhor vazhdoi me zgjedhjet lokale të 22 tetorit dhe balotazhi i 19 nëntorit në 19 komuna.

Në zgjedhjet parlamentare, fitues i zgjedhjeve doli koalicioni PDK-AAK-Nisma, pas koalicionit parazgjedhor që kishin arritur, i quajtur nga tashmë partitë opozitare si “koalicion i territ”.

Në këto zgjedhje, ky koalicion arriti të marrë 33.07 për qind të votave.

E vetme në garë, Lëvizja Vetëvendosje shënoi rritjen më të madhe duke dyfishuar votat.

Nga 13 për qind sa kishte fituar më 2014, partia e udhëhequr në këto zgjedhje nga kandidati i saj për kryeministër, Albin Kurti, ka fituar rreth 27 për qind të votave.

Ndërsa, koalicioni parazgjedhor, Lidhja Demokratike e Kosovës, Aleanca Kosova e Re, së bashku me Alternativën morën 25.53 për qind të votave, duke u renditur të tretët në zgjedhjet e parakohshme parlamentare.

Pavarësisht që grumbulluan një numër të madh partish rreth vetës, krahu i luftës nuk ia doli ta bëjë qeverinë pa ndihmën e Pacollit.

Marrëveshja e koalicionit për qeverinë e re u nënshkrua me kreun e AKR-së në vilën luksoze të tij në Hajvali.

nënshkrimin e këtij koalicioni, AKR-ja e Behgjet Pacollit arriti të marrë shumë hise në qeverinë e udhëhequr nga Ramush Haradinaj.

Viti i zgjedhjeve për Kosovën vazhdoi me ato lokalet, më 22 tetor që po ashtu sollën zhvillime interesante.

Qytetarët me votën e tyre vendosën që gjysmën e komunave t’i dërgojnë në balotazh. Ndërsa te komunat që u fituan pa balotazh, fituese më e madhe doli Lista Serbe me 9 komuna. Te partitë shqiptare pa balotazh, më së shumti komuna fituan LDK-ja dhe AAK-ja.

Dikur partia e parë, Partia Demokratike e Kosovës e ka humbur këtë epitet.

Duke e humbur edhe komunën e Skenderajt që e kishte bastion, PDK-ja shënoi rënie të madhe, derisa nga komunat e mëdha qeverisë vetëm me Ferizajn.

Dy palë zgjedhje plus balotazhi në mbi gjysmën e Kosovës, u konsiderua barrë e rëndë për buxhetin e shtetit.

Mbajtja e zgjedhjeve të përgjithshme më 11 qershor, i ka kushtuar buxhetit të shtetit 4 milionë e 944 mijë e 900 euro.

Për zgjedhjet lokale të 22 tetorit janë ndarë nga buxheti i shtetit 6.1 milionë euro.

Në total, dy palë zgjedhjet i kanë kushtuar buxhetit të shtetit rreth 11 milionë euro.

Kështu po festohet Viti i Ri në shtëpinë e Memli Krasniqit (Foto)

Periskopi.com Showbiz

Viti i Ri politikanët tanë i ka gjetur larg Kuvendit e punëve, ata sonte po festojnë pranë më të dashurve të tyre.

Edhe nënkryetari i Partisë Demokratike të Kosovës, Memli Krasniqi ndërrimin e motmoteve po e pret me familjen e tij, shkruan Indeksonline.

Është bashkëshortja e tij, Meliza ajo që ka postuar disa fotografi në rrjetin e saj social Facebook, ndërsa ka treguar për atmosferën që po mbretëron sonte në familjen e saj.

 

Humbësi i vitit – Kadri Veseli, rënia e PDK’së më 2017’tën

Periskopi.com Lajme

Nga një betejë në tjetrën, ky ka qenë një vit katastrofal zgjedhor për kreun e dikur partisë të madhe në vend, PDK.

Kadri Veseli e nisi 2017-n duke vizituar Kosovën nga një skaj në tjetrin. E quajti ‘Turi i dëgjimit’. Takoi njerëz dhe mori shënime, që brengat e tyre t’i zgjidhte kur të bëhej kryeministër, ani pse partia e tij kishte një dekadë në krye të ekzekutivit.

Pasi u lodh së dëgjuari, iu bashkua partive opozitare për ta rrëzuar pas shpine, kryeministrin e partnerit të koalicionit, Isa Mustafën e LDK-së.

Jo pse po i bënte favor opozitës, apo se papritmas u zhgënjye me ata që po bashkëqeveriste, por me synimin që vetë të bëhej kryeministër i vendit.

Vjen urimi edhe nga Teuta Krasniqi e Adonis Morina (Foto)

Periskopi.com Showbiz

Ata tashmë janë bërë një familje e kompletuar, pas lindjes së vajzës së tyre Kaia-s. Aktorja e njohur kosovare Teuta Krasniqi pas ndarjes nga këngëtari Blero po shihet tejet e lumtur në krahët e Adonisinit, shkruan Indeksonline.

Për festën e Vitit të Ri, Teuta ka postuar një fotografi me dy vajzat e saj dhe bashkëshortin, ndërsa ka uruar të gjithë ndjekësit e saj për ndërrimin e motmoteve./Indeksonline/

Lëndohet një person në Prishtinë, nga mjetet piroteknike

Periskopi.com Lajme

Përderisa ka mbetur edhe pak orë deri në momentin e ndërrimit të motmoteve, një person është lënduar në Prishtinë.

Siç mëson Indeksonline, në ora 20:22 minuta një person është vetlënduar nga mjetet piroteknike.

Ngjarja ka ndodhur në rrugën ‘Afrim Zhitija’ në Prishtinë dhe personi në fjalë po merr tretmanin e nevojshëm mjekësor në Qendrën Klinike Universitare, përderisa rastit i është përgjigjur Njësiti i nevojshëm policor.

Personi i  lënduar në këtë rast është A.O, i lindur në vitin 1997.

Guterres: Alarm i kuq për botën tonë

Periskopi.com Lajme

Sekretari i Përgjithshëm i OKB-së, Antonio Guterres, në mesazhin e tij për Vitin e Ri, bëri thirrje për më shumë unitet në vitin 2018.

“Nacionalizmi dhe ksenofobia janë në rritje, pabarazia po rritet, ndryshimet klimatike po përshpejtojnë dhe bota sheh shkelje të tmerrshme të të drejtave të njeriut. Shqetësimi global ndaj armëve bërthamore ka qenë më i madhi që nga Lufta e Ftohtë”, tha Guterres.

Ai tha se rolin në OKB e mori me shpresë se 2017 do të ishte një vit i paqes, por ishte e kundërta.

“Për fat të keq, bota ka shkuar kundër mënyrave fundamentale. Unë bëj një paralajmërim, një alarm të kuq në botën tonë”, shtoi Guterres.

Ai bëri thirrje për unitet në mënyrë që “të zgjidhen konfliktet, të kapërcehet urrejtja dhe të mbrohen vlerat e përbashkëta”. /21Media

81 gazetarë të vrarë në vitin 2017

Periskopi.com Lajme

Organizata më e madhe e gazetarëve në botë tha se të paktën 81 gazetarë u vranë në detyrë këtë vit dhe se dhuna dhe kërcënimet kundër mediave janë rritur shumë.

Në raportin vjetor “Kill Report”, sipas Associated Press, Federata Ndërkombëtare e Gazetarëve (IFJ) tha se gazetarët humbën jetën për shkak të vrasjeve të qëllimshme, sulmeve me bombë dhe incidenteve me shkëmbim zjarri në mbarë botën.

Më shumë se 250 gazetarë kanë qenë në burg gjatë vitit 2017.

Numri i vdekjeve të gazetarëve për vitin 2017, i raportuar më 29 dhjetor, ishte më i ulëti në një dekadë; në vitin 2016 u vranë 93 gazetarë.

Shumica e gazetarëve u vranë gjatë 2017-ës në Meksikë, por shumë të tjerë edhe në zona konflikti në Afganistan, Irak dhe Siri.

Presidenti i Federatës Ndërkombëtare të Gazetarëve, Philippe Leruth, tha se pavarësisht se pakësimi i numrit të vdekjeve “paraqet një tendencë rënieje, nivelet e dhunës ndaj gazetarëve mbeten të larta dhe të papranueshme”.

 

 

 

2017-a nxori në pah anën agresive të Thaçit (Video)

Periskopi.com Lajme

Viti 2017 ishte një vit interesant për presidentin e vendit.

Hashim Thaçi e nisi vitin me premtimin për bërjen e ushtrisë sivjet, ndërsa e përmbylli me kritika të rrepta kundër BE-së për mosliberalizim të vizave por edhe për krijimin e Gjykatës Speciale.

Pak ditë para përfundimit të vitit, u bë i ditur një detaj simpatik nga jeta e rinisë së tij.

Fotografi Hazir Reka publikoi një foto personale. Në të, pas vetë fotoreporterit, duket Thaci, duke protestuar, më 1992.

Edhe komentet e presidentit për këtë foto ishin simpatike.

Gjashtë vullkanet aktive që mund të shpërthejnë në vitin 2018

Periskopi.com Lajme

Ndërkohë që disa vullkane tregojnë shenja të qetësimit, të tjerët mund të shpërthejnë në vitin e ardhshëm, andaj ata shikohen me kujdes nga ekspertët, shkruan Daily Mail.

Aktiviteti vullkanik që mbledh vëmendjen e shkencëtarëve më së shumti shtrihet përgjatë Oqeanit Paqësor, i cili është vendi i lidhjes së disa pllakave tektonike.

Ka edhe disa vullkane në pjesën kontinentale të Tokës, si Ol Doinho Lengai në Tanzani, Havai, si dhe vullkani nënujor pranë ishullit Tonga-Kermadek në Paqësorin jugperëndimor.

Gjashtë vullkane që mund të shpërthejnë në vitin e ardhshëm janë:

Kirishi, Japoni

Merapi, Indonezi

Orefajokul, Islandë

Popocatepetl, Meksikë

Vilarica, Kili

Kilauea, SHBA

Kosova 2017: Vit me zhvillime të mëdha e të papritura

Periskopi.com Lajme

Viti 2017 në Kosovë ishte një vit me shumë zhvillime që prekën aspektin e sigurisë, marrëdhëniet rajonale dhe më gjerë, deri te rrëzimi i qeverisë në Kosovë para se ajo ta përfundonte mandatin e plotë kushtetues.

Në ditët e para të janarit të 2017, autoritetet franceze arrestuan njërin prej udhëheqësve politik të Kosovës, Ramush Haradinajn, bazuar në një fletarrest ndërkombëtar të lëshuar nga autoritetet e Serbisë. Kjo nxiti reagime të ashpra dhe protesta në  Kosovë. Ky arrestim ishte i papranueshëm për autoritetet në Prishtinë.

“Ndalimi i zotit Haradinaj nga autoritetet franceze është bazuar në një fletarrest të Serbisë të vitit 2004 që për ne është i papranueshëm. Ministria e Punëve të Jashtme e Serbisë, MPJ ka nisur notat verbale nëpërmjet Ambasadës tonë në Paris dhe vetë ministri Hoxhaj është marrë personalisht për të shfrytëzuar të gjitha rrugët diplomatike që Haradinaj të lirohet sa më parë”, thuhej në reagimin e Ministrisë së Jashtme të Kosovës.

Nuk ishte hera e parë që Ramush Haradinaj, arrestohej në bazë të fletarresteve të lëshuara nga Serbia e që zbatohen nga Interpoli. Ramush Haradinaj, nga Serbia akuzohet për krime lufte. Ramush  Haradinaj në vitin 2012  u shpall i pafajshëm nga Gjykata Ndërkombëtare e Hagës për Krime lufte në ish-Jugosllavi, për të gjitha akuzat që e ngarkonin atë.

Tensione në veri

Në kohën që Ramush Haradinaj, mbahej në paraburgim në Francë, në qytetin e Mitrovicës u ngritën tensionet për një zhvillim tjetër të papritur mbi urën e Lumit Ibër, që ndan qytetin në dy pjesë. Serbët e veriut ndërtojnë një mur ndarës të qytetit, duke thënë se për qëllim kanë ndërtimin e një shëtitoreje. Ndërtimi i murit të lartë dy metra nga serbët lokal në pjesën veriore të urës mbi lumin Ibër, ngriti tensionet ndërmjet Prishtinës zyrtare, serbëve të veriut dhe Beogradit. Serbët e veriut thanë se muri ishte pjesë e ndërtimit të një shëtitoreje, ndërsa, qeveria  në Prishtinë e cilësoi ilegal dhe që pengon lëvizjen e lirë të qytetarëve nga të dyja anët. Qeveria mori vendim për rrënimin e murit. Ndërmjetës në këtë mes u bë sërish Bashkimi Evropian, duke detyruar autoritetet lokale të veriut që ta rrënojnë murin, për ta ndërtuar një më të vogël dhe që vërtetë do të shërbente për një park qyteti që mori emrin parku i paqes.

“Gjatë ditëve të fundit dhe nën lehtësimin e zyrës së Bashkimit Evropian si dhe të Ambasadës së Shteteve të Bashkuara, palët e përbëra nga ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiç, janë pajtuar që të zgjidhet çështja, e cila lidhet me ndërtimin e murit në Mitrovicën Veriore. Kjo zgjidhje do të ulë tensionet në veriun e Kosovës, do të ndihmojë lirinë e lëvizjes dhe do të krijojë një mjedis të favorshëm për të gjithë qytetarët në veri dhe në jug të Mitrovicës”, thuhej në deklaratën e qeverisë së Kosovës që udhëhiqej nga Isa Mustafa.

Demarkacioni i pazgjidhur

Përderisa në Mitrovicë u ulën tensionet ndërmjet serbëve dhe shqiptarëve, në Prishtinë çështja e demarkacionit me Malin e Zi, thellonte ndarjet ndërmjet qeverisë dhe opozitës. Opozita pretendonte se me një marrëveshje që bëri komisioni për shënimin e vijës kufitare me Malin e Zi, Kosova po humb mbi 8200 hektar tokë. Kjo kundërshtohej nga qeveria e Isa Mustafës.

Dy udhëheqësit kryesorë politik në Kosovë, kryetari i kuvendit Kadri Veseli dhe kryeministri Isa Mustafa, megjithatë paralajmëronin se marrëveshja e demarkacionit me Malin e Zi do të procedohet në kuvend për ratifikim, sepse e njejta marrëveshje ishte ratifikuar nga Mali i Zi. Ratifikimi i demarkacionit që kërkohej edhe nga SHBA, ishte kushti i fundit për liberalizimin e vizave për Kosovën.

“Kryeministri Mustafa dhe zëvendës-ndihmës sekretari amerikan, Hoyt Yee, kanë biseduar për procesin e ratifikimit nga Kuvendi i Kosovës të Marrëveshjes për shënjimin e kufirit me Malin e Zi dhe nevojën që kjo marrëveshje të ratifikohet sa më shpejtë, si konfirmim i rrugës evropiane të Kosovës”, thuhet në njoftimin e zyrës së kryeministrit, Isa Mustafa. Ky i fundit duke e ditur që nuk i ka votat e mjaftueshme prej dy të tretave të Kuvendit që ta ratifikoje demarkacionin, asnjëherë nuk e procedoi në kuvend. Pas këtyre zhvillimeve filluan përçarjet brenda koalicionit qeverisës që në atë kohë përbëhej nga PDK dhe LDK. Me nënshkrimet e deputetëve të opozitës, qeveria e Isa Mustafës u hodh në votëbesim dhe me 78 vota kundër, kuvendi rrëzoi qeverinë e Kosovës duke i hapur rrugë zgjedhjeve të jashtëzakonshme. Mocioni i mosbesimit ndaj qeverisë Mustafa, u iniciua nga partitë politike opozitare, por, në  seancë u mbështet edhe nga deputetët e Partisë Demokratike të Kosovës (PDK) që ishte partnere e koalicionit me Lidhjen Demokratike të Kosovës (LDK) që udhëhoqi me qeverinë.

Zgjedhje të reja

Partitë politike opozitare duke arsyetuar paraqitjen e mocionit  për rrëzimin e qeverisë së Isa Mustafës, para deputetëve prezantuan një varg argumentesh, që sipas tyre “pse kjo qeveri duhej rrëzuar”. “Mosfunksionimi i legjislativit dhe ekzekutivit dhe mungesa e vendimmarrjes në interes të vendit, marrëveshja e asociacionit të komunave me shumicë serbe që rezultoi që është shkelur kushtetuta, demarkacioni që i humb territor Kosovës, mosfunksionimi dhe ngecja në liberalizim, moszhvillimi ekonomik, ikja e mbi 200 mijë qytetarëve të Kosovës, papunësia e madhe dhe shumë ngecje të tjera. Konsiderojmë që e vetmja zgjidhje janë zgjedhjet e lira dhe të parakohshme dhe demokratike”, tha Valdete Bajrami, deputete e NISMA  për Kosovën, duke lexuar mocionin e opozitës.

Kryeministri Isa Mustafa, nga ana e tij, mocionin e mosbesimit ndaj qeverisë që ai e udhëhoqi, e quajti “pamflet politik pa asnjë bazë argumentuese”. “Dobësitë dhe keqpërdorimet që janë krijuar nga qeverisjet e kaluara t’i mveshen kësaj qeverie, kjo është sjellje e papranueshme. Vlerësoj se peticioni për rrëzimin e qeverisë ka për pasojë destabilizimin e vendit, përmes krijimit e mosbesimit në institucione dhe vakumin institucional, sikundër që ka për qëllim fshehjen e aferave korruptive që janë krijuar nga qeveritë e kaluara”, arsyetohej Isa Mustafa.

Vështirësi në krijimin e qeverisë

Pas rrëzimit të qeverisë Mustafa, Presidenti i Kosovës, Hashim Thaçi, shpalli mbajtjen e zgjedhjeve të jashtëzakonshme për kuvendin e Kosovës që do të mbaheshin me 11 qershor. Para zgjedhjeve u krijuan koalicione dhe vendi u nda në dy kampe, koalicioni PAN që përbëhej nga PDK, AAK dhe Nisma dhe në anën tjetër LDK dhe AKR. Lëvizja Vetëvendosja garonte e vetme në zgjedhje. Zgjedhjet u mbajtën pa ndonjë incident me 11 qershor dhe Komisioni Qendror i Zgjedhjeve shpalli rezultatet përfundimtare. Koalicioni PAN, fitoi  34 % të votave, dhe siguroi 39  vende në parlament. Lëvizja Vetëvendosje e cila garoi e vetme në zgjedhje fitoi 27 %, duke siguruar kështu 32 vende. Ndërsa, koalicioni LAA që përbëhet nga Lidhja Demokratike e Kosovës (LDK), Aleanca për Kosovës e Re (AKR ) dhe Alternativa, fitoi 25.7 % të votave, duke siguruar 29 vende  në parlament. 20 vende  ishin të garantuara për pakicat, ku 10 vende janë fituar nga  përfaqësuesit e serbëve të Kosovës që fituan mbi 5% të votave. Pjesëmarrja në votime ishte 41.30%.

Pas kësaj periudhe, me vështirësi të mëdha për shkak të numrit të vogël të votave në parlament, vetëm 61 Ramush Haradinaj zgjidhet kryeministër i Kosovës. Bashkimi Evropian, i kërkoi qeverisë së Kosovës që ta vazhdojë luftën kundër korrupsionit dhe  krimit të organizuar, duke e rikujtuar serish  që duhet të ecet përpara edhe në ratifikimin e demarkacionit me Malin e Zi dhe dialogun me Serbinë.

“Formimi i institucioneve në Kosovë, pas disa javë paqartësish politike, është një hap shumë i rëndësishëm. Kosova përballet me sfida të vështira, duke përfshirë korrupsionin dhe sundimin e dobët të ligjit, papunësi të lartë dhe performancë të dobët në sistemin arsimor. Këto janë pengesa serioze për zhvillimin e ekonomisë, për të tërhequr investime të qëndrueshme dhe për të krijuar mundësi punësimi. BE-ja dëshiron që Kosova të ketë sukses, dhe u bënë thirrje politikanëve të fokusohen në këto çështje të përditshme me rëndësi për njerëzit”.

“BE-ja e nxit qeverinë e sapoformuar të fillojë menjëherë të punojë për forcimin e institucioneve dhe zbatimin e reformave të nevojshme, veçanërisht në sundimin e ligjit, luftën kundër korrupsionit dhe përmirësimin e ekonomisë, në përputhje me Marrëveshjen e Stabilizim Asociimit, Agjendën e Reformave Evropiane, dhe marrëveshjeve tjera përkatëse mes BE-së e Kosovës. Është shumë e rëndësishme që udhëheqësit politikë t’i marrin seriozisht këto sfida dhe të veprojnë në mënyrë efektive në interesin më të mirë të popullit të Kosovës. Ata që janë në pushtet kanë përgjegjësinë parësore për forcimin e sundimit të ligjit, përmes një reforme të sistemit gjyqësor në përputhje me standardet më të mira evropiane”, thuhej ne deklaratën e BE-së.

Dialogu me Serbinë kishte ngecur për një periudhë për shkak të zhvillimeve dhe zgjedhjeve në Kosovë e Serbi, mirëpo, që nga BE-ja vazhdimisht kërkohej zbatimi i marrëveshjeve të mëhershme. Një e tillë dhe e cilësuar shumë e rëndësishme marrëveshja për drejtësinë tashmë gjen zbatim.

Miratimi i 40 gjyqtarëve dhe 13 prokurorëve

Në praninë e shumë ambasadorëve perëndimorë dhe shefes së zyrës së BE-së në Kosovë, Presidenti i vendit Hashim Thaçi dekretoi 40 gjyqtar dhe 13 prokurorë shumica, nga ta serb që do të punojnë në veri të Kosovës. Me këtë dekretim, shënohet edhe fillimi i zbatimit të marrëveshjes së drejtësisë për veriun e Kosovës, marrëveshje kjo e nënshkruar në shkurt të vitit 2015 ndërmjet Kosovës dhe Serbisë në dialogun e ndërmjetësuar nga BE. Presidenti Thaçi, në ceremoninë e dekretimit tha se “Gjyqtarët dhe prokurorët kanë rol të madh në jetën e qytetarëve, në realizimin e të drejtave të tyre dhe në sigurinë e qasjes së barabartë në drejtësi”.

“Kosova është ndërtuar mbi parimet kushtetuese, të gjithë përfshirjes, të barazisë dhe të lirisë së secilit individ. Kosova ka miratuar masa adekuate për të promovuar një barazi të plotë dhe efektive ndërmjet pjesëtarëve të komuniteteve në të gjitha fushat e jetës ekonomike, shoqërore, politike dhe kulturore”, tha Presidenti Thaçi, duke kërkuar nga gjyqtarët dhe prokurorët që do të punojnë në veri që të jenë profesional.

“Mirëpres gatishmërinë tuaj për t’u integruar në gjyqësorin e Kosovës dhe për të punuar në përputhje me legjislacionin e Kosovës. Po ashtu, mirëpres gatishmërinë e juaj se funksionin e gjyqtarit, respektivisht të prokurorit, do ta ushtroni me nder, përgjegjësi dhe paanshmëri, duke respektuar rregullat e etikës profesionale”, tha Presidenti Hashim Thaçi.

Përderisa dialogu me Serbinë dhe zbatimi i marrëveshjeve nisi serish, në skenën politike kosovare serish aktualizohet çështja e demarkacionit me Malin e Zi. Kryeministri Ramush Haradinaj,  që në ditët e para të qeverisjes së tij shkarkoi komisionin e qeverisë së kaluar dhe emëroi një komision tjetër, paralajmëronte se marrëveshja e demarkacionit me Malin e Zi mund të dërgohet në Gjykatën e Arbitrazhit. Presidenti Hashim Thaci, e quan kauzë të rrejshme pretendimin që Kosova humb territor me marrëveshjen aktuale të demarkacionit.

Presidenti  Hashim Thaçi e ka vënë në dyshim punën e komisionit të ri për demarkacionin të emëruar nga kryeministri Ramush Haradinaj dhe shfaqej tejet i nervozuar me një deklaratë të kryetarit të komisionit të ri për demarkacionin me Malin e Zi, Shpetim Bulliqi, i cili tha se “komisioni ka mbledhur prova të mjaftueshme që dëshmojnë se Kosova ka humbur territor me versionin aktual të demarkacionit”.

Kjo deklaratë e zemëroi Presidentin Thaçi, i cili vazhdon të besojë se marrëveshja e nënshkruar nga ai në vitin 2015 e cila e përcakton vijën kufitare ndërmjet Kosovës dhe Malit të Zi është në rregull. “Zhurmëkotët e zakonshëm, të cilët për më shumë se dy vjet shkaktojnë konfuzion, jo më larg se dje, iu rikthyen zanatit të tyre. Ata përsëri arritën që me lehtësi, duke mos argumentuar asnjë pretendim amatoresk të zbuluar nga ta, të manipulojnë mediet dhe nëpërmjet tyre opinionin publik. Kështu, këta individë e ushqejnë sagën e tyre me trillime, të cilat plasohen tek opinioni publik, i cili, si gjithmonë e pëson më së shumti jo vetëm për shkak se vazhdojnë të dëgjojnë të njëjtën zhurmë, por edhe sepse mungesa e përgjegjësisë shtetërore për ratifikimin e marrëveshjes për shënimin e vijës kufitare ndërmjet Kosovës dhe Malit të Zi, vazhdon t’i mbajë qytetarët dhe shtetin e Kosovës të izoluar”, shkruan në profilin e tij, Presidenti Hashim Thaçi.

Marrëveshja e demarkacionit tashmë është proceduar në kuvend për herë të parë nga kryeministri Ramush Haradinaj me qëllimin që kuvendi ta rrëzojë versionin aktual të demarkacionit ne mënyrë që siç pretendon Haradinaj Kosovës t’i hapet rruga për bisedime të reja me Malin e Zi.  Mali i Zi thotë se çështjen e demarkacionit me Kosovën nuk do ta diskutojë më.

Tension i ri – Gjykata Speciale

Në fund të vitit 2017, për të shkaktuar një tension të pashembullt ndërmjet qeverisë dhe pranisë ndërkombëtare në Kosovë, pa asnjë paralajmërim, 43 deputetë të Kuvendit të Kosovës kërkojnë seancë të jashtëzakonshme për shfuqizimin e ligjit për Gjykatën Speciale për krime lufte, ligj ky i miratuar në Kuvendin e Kosovës në vitin 2015.

Menjëherë ambasadorët e vendeve të QUINT-it, reagojnë ashpër ndaj kësaj përpjekje të deputetëve të kuvendit. Madje ambasadori amerikan Greg Delawie tërheq vërejtjen se me këtë veprim deputetët mund ta izolojë edhe më shumë Kosovën. “Më duhet të them se jam vërtet i dëshpëruar që kjo doli nga asgjëkundi gjatë disa ditëve të fundit. Pa debat publik, për një çështje me interes thelbësor për qytetarët e Kosovës. Është e turpshme nga pikëpamja ime. Këto përpjekje, nëse kanë sukses, do të kenë ndikime të thella negative për të ardhmen e Kosovës si pjesë e Evropës. Kjo do të konsiderohet nga Shtetet e Bashkuara si një thikë pas shpine. Kosova do të zgjedhë izolimin në vend të bashkëpunimit dhe më duhet të them se do të urrenim kthimin e orës prapa për Kosovën në përparimin e saj deri këtu. Mbështetja ndërkombëtare për Kosovën është ndërtuar mbi idenë që Kosova do të merret me drejtësi me individët që kanë kryer krime lufte. Lëkundja nga ky angazhim do të ketë ndikime jashtëzakonisht negative për Kosovën, për qytetarët e saj dhe për marrëdhëniet e saj me Shtetet e Bashkuara”,thuhet në deklaratën e ambasadorit amerikan Delawie.

Në të njëjtën linjë u shpreh edhe ambasadori gjerman në Kosovë, Christian Heldt, i cili thotë se “Gjykata Speciale është pjesë e rëndësishme e sundimit të ligjit në Kosovë”. “Angazhimi në sundimin e ligjit është një gur themel për zhvillimin e Kosovës. Dhomat e Specializuara janë pjesë e rëndësishme e sundimit të ligjit të Kosovës. Çdo përpjekje për të ndryshuar këtë ligj mund ta vendosë Kosovën prapa në kursin e saj Euro-Atlantik dhe të dëmtojë marrëdhëniet me miqtë e saj më të afërt”, tha ambasadori gjerman Kristian Heldt. Sidoqoftë, mundësia që me një seancë të jashtëzakonshme kuvendi ta shfuqizojë ligjin për Gjykatën Speciale akoma nuk ka përfunduar. Kuvendi i Kosovës është në pushim dimëror deri me 15 janar,  dhe nisma e deputetëve me nënshkrime vazhdon të qëndrojë në sirtarët e kuvendit.

Në fund të vitit 2017, presidenti i Kosovës, Hashim Thaçi, në urimin e tij drejtuar qytetarëve, thotë “uroj që të gjithë së bashku të gjejmë energjinë që të përballemi me të gjitha këto tema të rëndësishme. Nga dita e fundit e vitit që lëmë pas, në ditën e parë të vitit të ri, jemi të njëjtit njerëz, me po të njëjtin fat, me të njëjtat mundësi e sfida para vetes”.

Marrë në DW.

Albulena Haxhiu me bashkëshortin e djalin e saj uron Vitin e Ri

Periskopi.com Lajme

Deputetja e Vetëvendosjes, Albulena Haxhiu, ka uruar festën e Vitit të Ri me një foto familjare.

Në fotografi, Haxhiu shihet me bashkëshortin dhe dy fëmijët e tyre.

“Gëzuar 2018 edhe nga ne”, ka shkruar ajo në llogarinë e saj në Facebook.

Qytetarët me shpresë se më 2018 hiqen vizat (Video)

Periskopi.com Lajme

Sot është dita e fundit e vitit 2017.

Liderët kryesorë gjithandej Kosovës kanë uruar qytetarët për këtë festë, duke u dëshiruar atyre një vit të ri, më të mirë, më 2018.

E premtimi më i dëshiruar nga qytetarët ishte ai për rritje të mirëqenies dhe liberalizim të vizave.

Urimi i kryeministrit bashkë me familje për Vitin e Ri

Periskopi.com Lajme

Kryeministri i Kosovës, Ramush Haradinaj, përmes një postimi në Facebook, ka uruar qytetarët e Kosovës për Vitin e Ri.

Ai tha se ka pranuar urime të panumërta nga shqiptarët kudo në botë për të dhe familjen e tij.

Urimit të tij, Haradinaj i bashkëngjiti një fotografi familjare ku shihet mes bashkëshortes dhe fëmijëve të tij.

Më poshtë mund ta lexoni postimin e plotë të kryeministrit:

Mbi 1 miliardë euro të hyra nga Dogana e Kosovës

Periskopi.com Lajme

Dogana e Kosovës ka publikuar sot të dhëna për mbledhjen e të hyrave. Drejtuesit e Doganës së Kosovës, në një konferencë për media kanë bërë të ditur se deri më tani janë mbledhur mbi 1 miliard e 117 milionë euro.

Ata thanë po ashtu se krahasuar me vitin e kaluar, ka rritje të të hyrave për 65 milionë më shumë.

Buxheti në masë të madhe është rritur nga të hyrat e cigareve, nafta dhe mjetet motorike.

Nga nafta u tha se të hyra ka pasur 330 milionë euro, nga cigaret 165 milionë euro dhe 85 milionë nga mjetet motorike.

Kjo rritje, thanë drejtuesit e doganës, tregon përkushtimin në realizimin dhe mbushjen e buxheti dhe se kjo doganë është një administratë moderne, efikase dhe profesionale, për të u përballur me të gjitha sfidat.

Haradinaj pyet Lladrovcin: Kush e bën fuqinë? Ja si përgjigjet ai (Video)

Periskopi.com Lajme

Përderisa kryeministri, Ramush Haradinaj bashkë me bashkëshorten po bëjnë prezantimin e lajmeve kanë realizuar edheë një lidhje direkte.

Në lidhje direkte ka qenë pikërisht kryetari i komunës së Drenasit, Ramiz Lladrovci i cili ndër të tjerash ëështë pyetur edhe për thënien që e bëri shumë të zëshëm “Forca e bën fuqinë”.

Lladrovci ka folur edhe për udhëheqjen e tij në vitin e kaluar, transmeton Indeksonline.

“Jam shumë i kënaqur me gjithë ato që janë bërë në Drenas në 2017, qytetarët kanë parë një zhvillim të mirë të infrastrukturë, sidomos në atë rrugore dhe të ujërave të zeza”kë thënë Lladrovci.

Ndër të tjerash ai është pyetur edhe rreth vendimit për vendosjen e stadiumit në Drenas, ku ka thënë se është shumë i lumtur për këtë.

Haradinaj: Kush e bën fuqinë?

“Zoti kryeministër shumë të mençur kanë menduar se edhe forca edhe fuqia janë të njëtja por forca here (.) shpejtësia është e barabartë me fuqinë. Këtë e thotë Ligji i fizikës, unë nuk e kam shpikur por kjo më ka bërë shumë të njohur në Kosovë. Zonja Anita pres nga kryeministri ta hapë kuletën për qytetarët e Drenasit, pasi ishte ndër qytetet më të shkatërruara.Është parë se sa lagje, rrugë e shkolla janë pa rregulluar”,ka thënë Lladrovci.

“Do të jemi bashkë në punë në identifikimin e projekteve dhe punëve në Drenas” ka thënë Haradinaj.

Bill Gates nuk është më njeriu më i pasur në botë, ja kush ia zë vendin

Periskopi.com Lajme

Sipas një studimi më të fundit të bërë nga “Bloomberg”, pasuria e 500 njerëzve më të pasur në botë është rritur me 23 për qind.

Bill Gates, themeluesi i Microsoftit e ka kryesuar listën e njerëzve më të pasur në botë me 84 miliardë dollarë, por në vitin 2017 vjen edhe e papritura.

Gates nuk është më në vendin e parë si njeriu më i pasur në botë, por këtë vend e ka zënë presidenti i “Amazon” dhe “Washington Post” , Jeff Bezos, transmeton KP.

Pasurisë së tij iu shtuan 34.4 miliardë dollarë në vitin 2017 dhe në total pasuria e Jeffit kap shifrat prej 96.6 miliardë dollarë.

Kuvendi jofunksional, për tërë vitin miratoi vetëm 5 ligje

Periskopi.com Lajme

Me shumë vështirësi arriti koalicioni qeverisës t’i konstituojë institucionet e reja, por vështirësitë për ta nuk përfunduan vetëm me zgjedhjen e kryeministrit dhe kryeparlamentarit.

Ky koalicion, që i ka vetëm 61 vota të deputetëve, për afër 4 muaj nuk ka arritur t’i kalojë më shumë se 5 ligje, raporton KTV.

Për këtë periudhë, deputetët e Kuvendit kanë votuar për 3 marrëveshje ndërkombëtare e 2 ligje që kanë të bëjnë me buxhetin e republikës.

Artan Murati, nga Instituti Demokratik i Kosovës, thotë se që prej fillimit, Kuvendi është përballur me probleme të vjetra.

Zgjedhjet lokale kanë pasur ndikim direkt në punën e Kuvendit sepse fokusi i deputetëve ishte te zgjedhjet e kështu jeta parlamentare u venit.

Edhe debati mes pushtetit e opozitës ka degraduar që, sipas Muratit, më shumë kaloi në nivelin personal.

Në këtë legjislaturë, sipas Muratit, pritet të ketë përplasje më të mëdha meqë ka balancë në numra mes pushtetit e opozitës.

Ndërsa Valmir Ismajli nga Demokracia Plus legjislaturën e gjashtë e sheh vetëm si reprizë të së kaluarës.

Ai thotë se edhe në këtë legjislaturë është përsëritur situata e njëjtë, duke pasur pauza të gjata nga seanca në seancë, e kurdo që ato kanë arritur të mbahen kanë qenë të stërngarkuara me pika.

Kuvendi i Kosovës do t’i kthehet punës në javën e tretë të janarit, ku ndër çështjet e para që pritet të jetë në diskutim është procedimi i marrëveshjes për demarkacionin nga komisioni për punë të jashtme.

Por, edhe nëse komisioni nuk e procedon atë, ajo mund të vihet si pikë e rendit të ditës në seancë me shmangie nga rregullorja e Kuvendit.

Edhe çështja e Gjykatës mbetet e hapur dhe deputetët nënshkrues të nismës për shfuqizimin e saj do të presin nisjen e sesionit pranveror që të tentojnë sërish ta thërrasin seancën e jashtëzakonshme të Kuvendit.