Biden: Qytetarët amerikanë nuk duhet të kenë frikë nga lufta bërthamore

Periskopi.com Lajme

Qytetarët amerikanë nuk duhet të kenë frikë nga lufta bërthamore, tha sonte presidenti i SHBA-së, Joe Biden, një ditë pasi presidenti i Rusisë, Vladimir Putin urdhëroi që forcat ruse të parandalimit, të cilat përfshijnë armë bërthamore, të vihen në gatishmëri të lartë.

Teksa Biden u largua nga një event i mbajtur në Shtëpisë së Bardhë, ai u pyet nga mediat nëse amerikanët duhet të shqetësohen për mundësinë e një lufte bërthamore, për të cilën presidenti u përgjigj “jo”, transmeton Independent.

Më herët, zëdhënësja e Shtëpisë së Bardhë, Jen Psaki tha se Shtetet e Bashkuara besojnë se në këtë moment nuk ka asnjë arsye për të ndryshuar nivelin e gatishmërisë bërthamore.

“Ne nuk e kemi ndryshuar statusin dhe vlerësimin tonë në këtë drejtim, por duhet të jemi vigjilentë për shkak të kërcënimeve të Putinit”, tha Psaki për MSNBC.

Ministria e Mbrojtjes e Rusisë njoftoi më parë se forcat bërthamore dhe flota veriore dhe e Paqësorit janë në një gjendje të gatishmërisë luftarake të shtuar.

Biden diskutoi me aleatët dhe partnerët e SHBA-së gjatë ditës, ndërsa një zyrtar i Shtëpisë së Bardhë, i paemëruar, tha për Reuters se lufta bërthamore nuk duhet të bëhet kurrë, pasi aty nuk ka fitues dhe se Putini po e përshkallëzon situatën me retorikë të rrezikshme.

 

Sapo Ndodhi:

Memli Krasniqi i bashkohet thirrjes: NATO është në Kosovë, por është koha që Kosova të jetë në NATO

Periskopi.com Lajme

Lideri i Partisë Demokratike të Kosovës, Memli Krasniqi i është bashkuar thirrjes publike të shumë kosovarëve që Kosova të anëtarësohet në NATO.

Krasniqi tha se “NATO është në Kosovë, por është koha që Kosova të jetë në NATO”.

Memli Krasniqi i është bashkuar nismës së hashtagut #KosovoInNATO, e cila ka filluar në Twitter, por që tashmë po përhapet në të gjitha rrjetet sociale.

Pas kërkesës së djeshme të ministrit të Mbrojtjes, Armend Zemaj që kërkesa që Kosova të anëtarësohet në NATO të trajtohet me urgjencë, tashmë trendi më i ri në rrejtet sociale është pikërisht kjo kërkesë.

Bullgaria, Sllovakia dhe Polonia i dhurojnë Ukrainës 70 avionë luftarakë

Periskopi.com Lajme

Bullgaria, Sllovakia dhe Polonia i kanë dhuruar 70 avionë luftarakë Ukrainës në luftën kundër agresorëve rusë.  

Kështu ka bërë të ditur faqja zyrtare e Forcave Tokësore të Ukrainës.

Në të thuhet se Bullgaria ka dhuruar gjithsej 30 avionë (16 Mig-29 dhe 14 Su-25), Sllovakia 12 Mig-29 dhe Polonia 28 Mig-29.

“Fantazma e Kievit” tani do të ketë më shumë, thuhet në postim.

Ky është postimi i plotë:

“Fantazma e Kievit” tani do të bëhen më shumë!

+70 avionë për ushtrinë ukrainase!

Partnerët tanë na kalojnë Mig-29 dhe Su-25! Nëse është e nevojshme, ata do të mund të bazohen në aeroportet polake nga të cilat pilotët ukrainas do të kryejnë detyrat luftarake.

Bullgari (Mig-29) – 16 copë

Bullgari (Su-25) – 14 copë

Polonia (Mig-29) – 28 copë

Sllovakia (Mig-29) – 12 copë

Lavdi Ukrainës!

 

Presidentët e tetë shteteve: Ukrainës t’i jepet menjëherë statusi kandidat në BE

Periskopi.com Lajme

Presidentët e tetë shteteve të Evropës Qendrore dhe Lindore u bënë thirrje vendeve anëtare të Bashkimit Evropian që t’i japin Ukrainës menjëherë statusin e një kandidati për anëtarësim në BE dhe të hapin negociatat e anëtarësimit, sipas një letre të hapur të publikuar sot.

“Ne, presidentët e shteteve anëtare të BE-së: Republika e Bullgarisë, Republika Çeke, Republika e Estonisë, Republika e Letonisë, Republika e Lituanisë, Republika e Polonisë, Republika Sllovake dhe Republika e Sllovenisë, fuqishëm besoj se Ukraina meriton perspektiva të menjëhershme për anëtarësimin në BE”, raporton Reuters.

Presidenti i Ukrainës, Volodymyr Zelensky, nënshkroi kërkesën për anëtarësimin e Ukrainës në Bashkimin Evropian, deklaroi më herët sot zëvendës shefi i kabinetit të presidentit të Ukrainës, Andriy Sibiga.

“Presidenti i Ukrainës Volodymyr Zelensky nënshkroi një dokument historik – një kërkesë për anëtarësimin e Ukrainës në Bashkimin Evropian”, ka shkruar Sibiga në Facebook.

Në një video-mesazh këtë mëngjes, Zelensky i bëri thirrje Bashkimit Evropian që të pranojë menjëherë Ukrainën në BE.

BE-ja fut në listë të sanksioneve edhe 26 rusë, përfshirë edhe zëdhënësin e Kremlinit

Periskopi.com Lajme

Bashkimi Evropian ka përfshirë zëdhënësin e Kremlinit, Dmitry Peskov, dhe shefin ekzekutiv të firmës ruse të naftës, Rosneft, në listën e individëve që i ka sanksionuar.

Në një komunikatë të publikuar të hënën, Këshilli Evropian ka thënë se ka shtuar edhe 26 persona dhe një entitet në listën e sanksioneve për shkak se kanë kërcënuar integritetin territorial, sovranitetin dhe pavarësinë e Ukrainës.

Po ashtu u janë vendosur sanksione të reja, përfshirë ngrirje të aseteve dhe ndalim të udhëtimeve, oligarkut rus Alisher Usmanov, që është bashkëpronar i kompanisë ruse USM Holdings. Më pas operatorit të dytë më të madh telefonik në Rusi, Megafon, dhe bankistëve Petr Aven e Mikhail Fridman.

Edhe Kroacia do ta ndihmojë me pajisje ushtarake Ukrainën

Periskopi.com Lajme

Kroacia ka vendosur t’i bashkohet shteteve tjera të Bashkimit Evropian, duke i dërguar ndihmë ushtarake Ukrainës.

Ndihma e Kroacisë përfshinë vlerë 16.5 milionë euro, raporton “Veçernji List”.

BE-ja si ndihmë ushtarake për Ukrainën planifikon të ndajë armë dhe pajisje ushtarake në vlerë 450 milionë euro.

Kanadaja ndalon importin e naftës ruse

Periskopi.com Lajme

 Kryeministri kanadez Justin Trudeu deklaroi sot ndalimin e importit të naftës ruse duke thënë se të ardhurat nga nafta kanë ndihmuar për të mbështetur Presidentin Vladimir Putin dhe oligarkët rusë.

“Sot, ne po shpallim ndalimin e të gjitha importeve të naftës së papërpunuar nga Rusia, një industri nga e cila ka përfituar shumë Presidentin Putin dhe oligarkët e tij”, tha Trudeau në një konferencë shtypi.

“Dhe ndërsa Kanadaja ka importuar shumë pak sasi në vitet e fundit, kjo masë dërgon një mesazh të fuqishëm,” shtoi ai.

Rusia ka nisur pushtimin e Ukrainës më 24 shkurt, njoftuan autoritetet në Kiev.

SHBA-ja dëbon 12 diplomatë të misionit rus në OKB për shkaqe sigurie

Periskopi.com Lajme

SHBA-ja ka dëbuar 12 diplomatë rusë të misionit rus në Kombet e Bashkuara për shkaqe të sigurisë nacionale, raporton agjencia Reuters.

Ambasadori rus në OKB, Vassily Nebenzia i ka thënë gazetarëve se diplomatëve u është kërkuar të largohen nga SHBA-ja deri më 7 mars. Ai ka thënë se Rusia do të reagojë ndaj kësaj lëvizje, pasi është praktikë diplomatike.

Nebenzia ka ngritur shqetësimin në fillim të takimit të Këshillit të Sigurimit të OKB-së sot, ku po diskutohet për situatën në Ukrainë.

Ai e ka përshkruar lëvizjen e SHBA-së si armiqësore dhe si shkelje e përkushtimeve të saj si nikoqire e selisë së OKB-së në New York.

E zëvendës ambasadori i SHBA-së në OKB, Richard Mills reagoi.

“Atyre diplomatëve që u është kërkuar të largohen nga SHBA-ja ishin të përfshirë në aktivitete që nuk ishin në përputhje me përgjegjësitë e tyre dhe obligimet si diplomatë”, ka thënë Mills.

Erdogani thotë se Turqia nuk mund të braktisë lidhjet me Rusinë apo Ukrainën

Periskopi.com Lajme

Presidenti i Turqisë, Recep Tayyip Erdogan, ka përsëritur sot se Turqia nuk mund të braktisë lidhjet e tij me Rusinë apo Ukrainën, njofton agjencia Reuters.

Turqisë i ishte bërë thirrje nga Ukraina për të mos lejuar anijet luftarake ruse të kalojnë nëpër ngushticën e Bosforit.

Erdogan ka thënë se është shumë i pikëlluar nga agresioni i Moskës ndaj Ukrainës.

“Turqia është e përkushtuar të përdorë autoritetin e saj të dhënë nga Konventa e Montreuxit në mënyrë që të parandalojë eskalimin e krizës Rusi – Ukrainë”, ka thënë Erdogan në konferencë për media në kryeqendrën turke Ankara.

Disa shpërthime të reja dëgjohen në regjionin e Kievit

Periskopi.com Lajme

Foto ilustruese

Ministri i Punëve të Brendshme të Ukrainës ka thënë se raketa kanë goditur banesa të banorëve në regjionin e Kievit.

Ndërtesat tri deri në pesë katërshe janë shkatërruar nga një sulm me raketa para tri orëve, ka bërë të ditur Ministria në Facebook.

Një zëdhënës i Shërbimit të Emergjencave Shtetërore ka bërë të ditur se janë duke kërkuar për së paku dy njerëz të djegur në qytetin Bila Tserkva.

Macron tregon se çka foli me Putinin: I kërkova të mos sulmojë civilë, ai u zotua për disa pika

Periskopi.com Lajme

Me kërkesë të Qeverisë së Ukrainës, Presidenti i Francës Emmanuel Macron ka biseduar nëpërmjet telefonit me homologun e tij rus, Vladimir Putin, ka njoftur Pallati Elysse Macron me anë të postimi në Facebook.

Presidenti Macron e ka përsëritur kërkesën e bashkësisë ndërkombëtare që Rusia të ndalë ofensivën ndaj Ukrainës duke insistuar për armëpushim të menjhershëm.

Bisedime për armëpushim sot gjatë ditës janë zhvilluar  ndërmjet Kyivit dhe Moskës në kufirin e Bjellorusisë, Macron ka kërkur që gjatë këtyre bisedimeve të ndalen të gjitha sulmet dhe goditjet nga ajri ndaj civilëve dhe shtëpive të tyre, që të ruhet infrastruktura civile dhe që të gjitha rrugët veçmas ajo në jug të Kievit të mbetet e sigurt për qarkullim.

“Jam në komunikim të vazhdueshëm me Presidentin Zelenskyy. Do të doja të përgëzoja ndjenjën e tij të madhe të përgjegjësisë. Me kërkesën e këtij të fundit dhe duke pasur parasysh situatën humanitare, telefonova Presidentin Putin. Presidentit Putin, unë përsërita kërkesën e komunitetit ndërkombëtar për t’i dhënë fund ofensivës ruse kundër Ukrainës dhe insistova në nevojën për të vendosur menjëherë një armëpushim”, shrkuan ai.

“Me fillimin e diskutimeve midis delegacioneve ruse dhe ukrainase, i kërkova që të ndalojë të gjitha sulmet dhe sulmet ndaj civilëve dhe zonave të banuara, të ruajë të gjithë infrastrukturën civile dhe të sigurojë rrugët kryesore. Ai konfirmoi gatishmërinë e tij për t’u përkushtuar në këto pika. Kërkova respektimin e ligjit ndërkombëtar humanitar dhe mbrojtjen e popullatës civile, siç është dhënia e ndihmave. Në lidhje me këtë, Franca paraqiti një rezolutë në Këshillin e Sigurimit të Kombeve të Bashkuara. Për të parandaluar përkeqësimin e situatës, i sugjerova Presidentit Putin që të qëndrojmë në kontakt gjatë ditëve në vijim. Ne do të vazhdojmë diskutimet tona”, perfundoi ai.

Sipas Pallatit Elysse, Putin është dakorduar me këto tri pika. Por, sot gjatë ditës the Guardian njoftoi se Rusia ka vrarë disa civilë pas goditjes me një raketë.

Po ashtu bëhet e ditur se Macron i ka kërkuar Putinit që të respektohet ligji humianitar ndërkombëtar, sikurse edhe popullsia civile dhe  që të mbrohet transporti i ndihmave.  Sipas njoftimit, Macron i ka kërkuar Putinit që të mbesin në kontakt për të mënjanuar përkeqësimin e situatës.

Gjykata Ndërkombëtare Penale nis hetimet për pushtimin rus të Ukrainës

Periskopi.com Lajme

Gjykata Ndërkombëtare Penale (ICC) do të nisë hetimet mbi pretendimet për krime lufte të kryera nga Rusia në Ukrainë.

“Ka arsye të bazuar për të besuar se si pretendimet për krime lufte ashtu edhe për krime kundër njerëzimit janë kryer në Ukrainë”, ka thënë Karim AA Khan, prokuror në ICC.

“Është qëllimi im që ky hetim të përfshijë gjithashtu çdo krim të ri të pretenduar që bie në juridiksionin e Zyrës sime që janë kryer nga çdo palë në konflikt në çdo pjesë të territorit të Ukrainës”.

Rusia ka nisur të enjten e kaluar ofensivën në Ukrainë.

Ermal Panduri publikon videon e serbëve që po blenin suvenire të UÇK’së

Periskopi.com Lajme

Tre serbë janë arrestuar ditë më parë nga Policia e Kosovës.

Arrestimi i tyre është bërë pasi që të njëjtit ishin kapur duke blerë emblema të Ushtrisë Çlirimtare të Kosovës në njërin prej lokaleve në Prishtinë.

Pavarësisht arrestimit të tyre dhe hetimeve të gjata që janë bërë, Prokuroria Speciale e Kosovës vendosi që t’i lirojë ata pa kaluar 48 orë.

E lidhur me këtë së fundi reagim pati edhe ministrja e Drejtësisë, Albulena Haxhiu.

Ajo e pa si të pavend vendimin e Prokurorisë, duke theksuar se njëri nga të arrestuarit në këtë rast dyshohet se pati lidhje edhe me Rusinë.

Lidhur me këtë Ermal Panduri n’Debat Plus sonte ka publikuar dhe video nga momenti kur këta të fundit hyn në lokal shikojnë uniformat dhe gjësendet e tjera.

Poashtu në këto video shihen edhe serbët bashkë me kosovarin nga Gjilani i cili thuhet ti ketë bartur ata me veturë nga pika kufitare tek Dheu i Bardhë për në Prishtinë.

Përpos tre serbëve të involvuar në këtë rast theksohet të kenë qenë edhe dy shqiptarë, njëri nga Gjilani e tjetri nga Prishtina.

Norvegjia do t’i ofrojë ndihmë humanitare dhe pajisje ushtarake Ukrainës

Periskopi.com Lajme

Norvegjia do të ofrojë 226 milionë euro ndihmë humanitare, si dhe pajisje ushtarake Ukrainës, raporton CNN.

Qeveria e Norvegjisë ka njoftuar për këtë përkrahje nëpërmjet një komunikate për media të hënën.

Kryeministri i Norvegjisë, Jonas Gahr Store, ka dënuar sulmet e Rusisë në Ukrainë.

Për pajisjet ushtarake, Norvegjia ka thënë se do të dërgojë helmeta e po ashtu jelekë antiplumb. Ministri i Mbrojtjes së Norvegjisë, Roger Enoksen, ka thënë se këto janë me kërkesë të Ukrainës.

Franca zhvendos ambasadën nga Kievi në Lviv

Periskopi.com Lajme

Franca ka vendosur të zhvendosë ambasadën e saj në Ukrainë nga Kievi për në Lviv, ka njoftuar ministri i Jashtëm francez Jean-Yves Le Drian të hënën.

“Ne kemi vendosur, që me kërkesë të presidentit të Republikës të transferojmë ambasadën tonë, që deri tash ka qenë në Kiev për në Lviv më në perëndim, për shkak të rreziqeve dhe kërcënimeve në kryeqendrën ukrainase. Ambasadori mbetet në Ukrainë për të përkrahur shtetasit tanë dhe po ashtu autoritetet ukrainase. Kërcënimet ishin mjaftueshëm të rëndësishme për të zhvendosur ambasadën”, ka thënë Le Drian për “BFMTV”.

Haradinaj: Putini e ka humb luftën, si Millosheviqi, edhe ky po vret civilë

Periskopi.com Lajme

Ish-kryeministri i Kosovës, Ramush Haradinaj ka krahasuar presidentin e Ukrainës Vladimir Putin me Sllobodan Millosheviqin. Thotë se po vriten civilë.

“Ne e ndiejmë që edhe ajo që bën Putini është e ngjashme me atë që ka bërë Millosheviqi, pra sulm mbi vendbanime civile, mbi një popull të tërë. Vrasja e civilëve, vrasja e të gjithëve është diçka që e kemi parë në Kosovë”, tha Haradinaj në Pressing.

“Mendoj se (Putini) luftën në opinion e ka humb. Mendoj se në opinionin perëndimor e në përgjithësi e ka humbur luftën. Është kuptuar që Putin ka një agjendë qëllimkeqe vrastare dhe mendoj se reagimi i BE’së e Amerikës, i Mbretërisë së Bashkuar ka qenë mjaft i qartë dhe është një fat i madh që ka rezultuar me një mobilizim kaq të madh”, shtoi ai.

“Po vret një popull, po vret një shtet, po godet pa asnjë kujdes të caktuar. Po i shihni bombardimet në vendbanime me civilë”, tha Haradinaj.

Nga nesër administrata e Gjykatës Themelore në Prishtinë hyjë në grevë

Periskopi.com Lajme

Nga nesër, punëtorët  e administratë së Gjykatës Themelore në Prishtinë do të futen grevë.

Lajmin e ka bërë të ditur kryetari i Shoqatës Sindikale të Gjykatës Themelore në Prishtinë, Naim Rrustemi, i cili  tha se greva do të fillojë nga ora 08:00-16:00.

Mirëpo siç tha ai, administrata do të merr pjesë në seanca gjyqësore në rastet me paraburgim, dhunë në familje dhe pranim të shkresave për mos humbje të ankesave.

Ata po kërkojnë, aprovimin e Ligjit për punëtorët e Administratave të Gjykatave dhe Prokurorive, përafrimin e pagave të punëtorëve të administratës në raport me pagat e gjyqtarëve dhe prokurorëve, pagesa lineare nga 150 euro për çdo punëtor, shujta ditore prej 3 euro si dhe pagesa e udhëtimit prej 3 euro.

Ndryshe, Shoqata Sindikale e Administratës së Gjykatës Themelore në Prishtinë, me 25 janar 2022 ua kishte drejtuar të gjitha institucioneve një kërkesë për realizimin e kërkesave të tyre.

Me anë të kësaj kërkesë, ata kishin kërkuar që të aprovohet Ligjit për Administratën e Punëtorëve te Gjykatave dhe Prokurorive, bazuar në Projektligjin për ndryshim të Ligjit për Zyrtar Publik e specifikuar në nenin 2, pika 8.

Po ashtu, kjo shoqatë kishte kërkuar që të aprovohet edhe Ligji për Paga, i cili duhet sponsorizuar nga MAP-i, e që sipas tyre, duhet të eliminohen 11 nene të cilat nuk janë në përputhshmëri me Kushtetutën e Republikës së Kosovës, me qëllim që të bëhet balancimi i tri pushteteve dhe gjyqësori si shtyllë e tretë e pushtetit të ketë pavarësinë e tij të plotë funksional, organizativ dhe buxhetor.

Kërkesë tjetër e administratës së gjykatës është edhe rregullimi I pagave me ligj-përafrimin e pagave të punëtorëve të administratës gjyqësore dhe prokuroriale me atë të gjyqtarëve dhe prokurorëve.

Për shkak se institucionet relevante kanë neglizhuar këto kërkesa, kryesia e Shoqatës Sindikale, nëndegët e saj dhe Shoqata Sindikale e Gjykatës së Apelit me 28 shkurt 2022, kanë marrë vendim që grevën e viti 2018 ta pezullojnë.

Kjo grevë pritët të fillojë me 1 mars 2022, nga ora 08:00.

Por sipas grevistëve, do të lejohen që lëndët e natyrës urgjente si: lëndët me paraburgim dhe lëndët me të cilat rrezikohet personaliteti i njeriut (dhuna në familje), të lejohet të punohet si dhe shkresat që i adresohen gjykatës të pranohen nga stafi i arkivës në kohën e caktuar nga këshilli grevist./BetimipërDrejtësi.

 

Rama takohet me Johnsonin në Londër

Periskopi.com Lajme

Kryeministri i Shqipërisë, Edi Rama, është takuar në Londër me kryeministrin e Britanisë së Madhe, Boris Johnson.

Rama ka postuar një foto në Facebook ku shihet duke biseduar me Johnsonin.

Ai në Londër po merr pjesë në Samitin për Investime në Ballkan Perëndimor.

“Në Londër – me kryeministrin Boris Johnson”, ka shkruar Rama.

Rusia thotë se ka goditur mbi 1100 objektiva ushtarake në Ukrainë

Periskopi.com Lajme

Rusia ka thënë të hënën se ka goditur 1146 objekte ushtarake ukrainase që nga fillimi i sulmeve javën e kaluar.

Këtë e ka thënë në një deklaratë gjeneral-majori Igor Konashenkov, që është zëdhënës i Ministrisë së Mbrojtjes së Rusisë, raporton CNN.

Në mesin e shënjestrave ai ka thënë se ishin sisteme për mbrojtje ajrore, qendra komunikimi, radar. Po ashtu ka thënë se janë shkatërruar edhe 311 tanke e mjete të blinduara, 42 aeroplanë e helikopterë, 51 raketë hedhës.

Konashenkov ka thënë se gjithë trupat ruse kanë avancuar mëtutje në të dy rajonet pro-Moskë në lindje të Ukrainës, në Donetzk e Luhansk.

Siç ka shtuar Konashenkov, gjatë 24 orëve të fundit, 110 ukrainasë vullnetarisht kanë dorëzuar armët.

The Times: Putin angazhon 400 mercenarë në Kiev për të vrarë Zelenskyn

Periskopi.com Lajme

Sipas gazetës britanike The Times, një milici private e udhëhequr nga një aleat i Putinit është përgjegjës për t’i dhënë fund jetës së presidentit të Ukrainës.

Më shumë se 400 mercenarë rusë po veprojnë në Kiev nën urdhrat e Kremlinit për të vrarë presidentin ukrainas Volodymyr Zelensky dhe qeverinë e tij në mënyrë që t’i hapin rrugën Moskës për të marrë kontrollin, zbulon të hënën The Times.

Çfarë është Grupi Wagner?

Grupi Wagner, një milici private e udhëhequr nga një aleat i presidentit rus Vladimir Putin dhe që vepron si një degë e pavarur e shtetit, solli mercenarë nga Afrika pesë javë më parë në një mision për të prerë kokën e qeverisë Zelensky për një bonus të madh financiar.

Informacioni rreth këtij misioni arriti në qeverinë ukrainase të shtunën dhe, disa orë më vonë, Kievi shpalli një shtetrrethim të ashpër 36-orësh për të “fshirë” qytetin për diversantët rusë.

Autoritetet ukrainase paralajmëruan civilët, kur shpallnin shtetrrethimin, se ata do të shiheshin si agjentë të Kremlinit dhe rrezikonin të “likuidoheshin” nëse do të largoheshin nga strehimoret e tyre.

Një burim i afërt me aktivitetet e grupit, raporton The Times, konfirmoi se midis 2,000 dhe 4,000 mercenarë kishin mbërritur në Ukrainë në janar.

Disa prej tyre u dërguan në rajonet lindore të Donetsk dhe Luhansk, ndërsa 400 të tjerë hynë nga Bjellorusia dhe u drejtuan drejt kryeqytetit.