Fiasko e madhe për Kryeministrin Kurti, 5 minuta para 12’ve tërhiqet nga avantura e tij

Periskopi.com Lajme

Kryeministri i Kosovës, Albin Kurti ka vendosur të tërhiqet nga reciprociteti me targa dhe dokumente, pas kërkesës së bërë së fundi nga ambasadori amerikan në Kosovë, Jeff Hovenier.

“Kryeministri Kurti së bashku me Presidenten Osmani dhe zëvendës kryeministrat Bislimi e Gërvalla kanë zhvilluar kontakte e takime me faktorët ndërkombëtarë amerikanë dhe evropianë. Me këtë rast, Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës.“, thuhet në njoftimin e Qeverisë së Kosovës.

Ndër të tjera, Qeveria e Republikës së Kosovës ka dënuar bllokimin e rrugëve dhe të shtënat në veri të Kosovës.

Njoftimi i plotë:

Qeveria e Republikës së Kosovës dënon bllokimin e rrugëve dhe të shtënat në veri të Kosovës
Prishtinë, 31 korrik 2022
Qeveria e Republikës së Kosovës dënon ashpër bllokimin e sotëm të rrugëve në veri të Kosovës dhe të shtënat nga njerëz të armatosur të strukturave ilegale atje. Bëhet fjalë për tendencë për destabilizimin e Kosovës dhe rrezikimin e paqes dhe sigurisë së qytetarëve dhe vendit tonë. Akte agresive të shumta ka pasur në pasditen dhe mbrëmjen e sontme të nxitura e të përgatitura nga Beogradi zyrtar.
Kryeministri Kurti së bashku me Presidenten Osmani dhe zëvendës kryeministrat Bislimi e Gërvalla kanë zhvilluar kontakte e takime me faktorët ndërkombëtarë amerikanë dhe evropianë. Me këtë rast, Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës.
Falenderojmë partnerët ndërkombëtarë, në veçanti ambasadorin amerikan Jeffrey Hovenier, për angazhimin dhe kontributin.

Shefja e UNMIK-ut reagon pas tensioneve në Veri: Çështjet të trajtohen përmes dialogut

Periskopi.com Lajme

Përfaqësuesja Speciale e Sekretarit të Përgjithshëm dhe Shefja e UNMIK-ut, Caroline Ziadeh, po ndjek me shqetësim zhvillimet në veri të Kosovës.

Ajo bën thirrje për qetësi, rivendosje të lirisë së lëvizjes dhe shmangie të përshkallëzimit të mëtejshëm.

“Unë u bëj thirrje të gjithëve që t’i trajtojnë çështjet në mirëbesim përmes dialogut të lehtësuar nga BE-ja, për të forcuar stabilitetin dhe sigurinë për të gjithë”, shtoi Ziadeh

Së fundi, ambasadori amerikan, Jeff Hovenier pas një takimi urgjent që pati me presidenten Osmani dhe kryeministrin Kurti, i ka kërkuar këtij të fundit të shtyej për 30 ditë vendimin për reciprocitetin me targa dhe letërnjoftime.

Hovenier: I kemi kërkuar Kurtit e Osmanit që vendimi të shtyhet për 30 ditë

Periskopi.com Lajme

Ambasadori amerikan, Jeff Hovenier pas takimit urgjent që pati me presidenten Osmani dhe kryeministrin Kurti është deklaruar për media.

Hovenier ka bërë të ditur se ka kërkuar nga krerët e shtetit të shtyejnë për 30 ditë vendimin e marrë së fundi për reciprocitetin me targa dhe letërnjoftime me Serbinë.

“Për t’iu thënë që duhet të shtyhet vendimi për 30 ditë reciprociteti, kjo është e rëndësishme sepse ka keqkuptime dhe dezinformata sa i përket këtij vendimi. Ne shpresojmë që do të mund të punojmë me qeverinë për të qenë të sigurt që vendimi të kuptohet. Nuk po themi që kjo të mos bëhet”, tha ai.

Së fundi, edhe KFOR’i ka dalë me një deklaratë në lidhje me situatën e fundit të krijuar në Veri, duke thënë se janë të gatshëm të ndërhyjnë nëse rrezikohet stabiliteti atje.

Kujtojmë se Qeveria e Kosovës ka bërë me dije se masat e reciprocitetit do të hynë në fuqi nga 1 gushti.

 

 

KFOR reagon për situatën në Veri: Jemi të përgatitur të ndërhyjmë nëse rrezikohet stabiliteti në veri

Periskopi.com Lajme

KFOR është i gatshëm të ndërhyjë në veri të Kosovës nëse rrezikohet stabiliteti, thuhet në njoftimin e misionit të NATO-s në Kosova, pas tensioneve në veri. 

Postimi i plotë:

KFOR-i ËSHTË I PËRGATITUR TË NDËRHYRJE NËSE RREZIKOHET STABILITET NË VERI TË KOSOVËS

PRISHTINË – Gjendja e përgjithshme e sigurisë në komunat veriore të Kosovës është e tensionuar. Misioni i KFOR-it i udhëhequr nga NATO po monitoron nga afër dhe është i përgatitur të ndërhyjë nëse rrezikohet stabiliteti, në përputhje me mandatin e tij, që vjen nga Rezoluta 1244 e OKB-së e vitit 1999. Misioni ynë i KFOR-it i udhëhequr nga NATO është plotësisht i fokusuar në zbatimin e përditshëm të mandatit të tij të OKB-së për të siguruar një mjedis të sigurt dhe të sigurt dhe lirinë e lëvizjes për të gjithë popullin e Kosovës. KFOR-i mban një qëndrim të dukshëm dhe të shkathët në terren dhe komandanti i KFOR-it është në kontakt me të gjithë bashkëbiseduesit e tij kryesorë, duke përfshirë përfaqësuesit e organizatave të sigurisë së Kosovës dhe shefin serb të Mbrojtjes.
NATO gjithashtu vazhdon të mbështesë plotësisht procesin e normalizimit ndërmjet Prishtinës dhe Beogradit përmes Dialogut të lehtësuar nga BE-ja dhe u bën thirrje të gjitha palëve që të vazhdojnë negociatat. Është e rëndësishme që kjo të vazhdojë. Kjo është kritike për paqen dhe sigurinë rajonale. Nuk do të ketë perspektiva reale për një të ardhme më të mirë në Ballkan, pa respekt të plotë të të drejtave të njeriut dhe vlerave demokratike, sundimit të ligjit, reformave të brendshme dhe marrëdhënieve të mira fqinjësore. Dialogu konstruktiv është kyç për stabilitetin rajonal.
KFOR-i do të marrë të gjitha masat e nevojshme për të mbajtur një mjedis të sigurt dhe të sigurt në Kosovë gjatë gjithë kohës, në përputhje me mandatin e tij të OKB-së.

 

Situata në Veri, Ambasadori Hovenier në takim me presidenten Osmani e kryeministrin Kurti

Periskopi.com Lajme

Tensionet në veri kanë mbledhur bashkë në këto qaste Presidenten Osmani, Kryeministrin Kurti me ambasadorin amerikan, Jeff Hovenier.

Presidentja e vendit, Vjosa Osmani dhe Kryeministri Albin Kurti, me dy zëvendësit e tij, janë në një takim të jashtëzakonshëm me ambasadorin amerikan në Kosovë, Jeff Hovenier.

Lajmin e ka konfirmuar Bekim Kupina, këshilltar i Presidentes Osmani.

Kryeministri Kurti i është drejtuar popullit më herët, pasi nisi vendosja e barrikadave në veri të vendit.

Ai tha se trazirat po i nxit presidenti serb, Aleksandër Vuciq dhe vartësi i tij, i cili drejton një të ashtuquajtur zyrë për Kosovën, Petar Petkoviq.

Para pak minutash ka reaguar edhe Presidentja Osmani. Ajo thotë se Policia e Kosovës po punon pa ndaluar që të garantohet respektimi i ligjit dhe liria e lëvizjes. Po ashtu, ajo ka bërë të ditur se veprimet janë duke u marrë në koordinim me partnerët ndërkombëtarë.

Policia e Kosovës ka njoftuar se janë mbyllur pikëkalimet kufitare në Bërnjak dhe Jarinje, për shkak të bllokimit të rrugëve që të cojnë në këto dy pika. Në veri ka nisur bllokimi i rrugëve me kamionë, një orë pasi u dëgjua alarmi i qytetit.

Qeveria e Republikës së Kosovës ka njoftuar se nga 1 gushti do të hyjë në fuqi vendimi për reciprocitet me Serbinë, për cështjen e njohjes së dokumenteve. Tensionet nisën pak orë para se të hyjë në fuqi vendimi.

Prej të hënës, në Kosovë, shtetasit serbë që prezantojnë në kufi dokumente identifikuese të lëshuara nga Serbia, do të pajisen me një dokument “hyrje/dalje”. Ky dokument do të lëshohet në të gjitha pikatkalimet tokësore dhe ajrore dhe do të jetë i vlefshëm për 90 ditë, ashtu sikurse dokumenti që autoritetet serbe lëshojnë për shtetasit e Kosovës kur të hyjnë në Serbi.

Deputetja ukrainase: Unë qëndroj me Kosovën, Presidente Vjosa Osmani, Ukraina ju mbështet

Periskopi.com Lajme

Deputetja ukrainase, Inna Sovsun ka thënë se Serbia po e imiton Rusinë në Ukrainë me tensionimin e situatës në kufirin me Kosovën.

Sovsun shkroi në Twitter se Serbia dëshiron ta kapë Kosovën sikurse Rusia Ukrainën.

“Të shtënat në kufirin e Serbinë me Kosovën janë një përshkallëzim i konfliktit të vjetër. Dëshira e madhe e Serbisë për ta kapur Kosovën me forcë është një imitim i dëshirës së Rusisë për ta kapur Ukrainën”, shkroi ajo.

“Unë qëndroj me Kosovën. Presidente Vjosa Osmani, Ukraina ju mbështet”, shtoi Sovsun.

Osmani: Përpjekjet e Vuçiq për destabilizimin e Kosovës me metodat e Putinit do të dështojnë

Periskopi.com Lajme

Presidentja e Kosovës, Vjosa Osmani, ka reaguar pas zhvillimeve të fundit në veri të Kosovës duke thënë se Policia e Kosovës po punon pa ndaluar që të garantohet respektimi i ligjit dhe liria e lëvizjes. Po ashtu, ajo ka bërë të ditur se veprimet janë duke u marrë në koordinim me partnerët ndërkombëtarë.

“Masa e reciprocitetit nuk është e drejtuar kundër askujt, por në favor të qytetarëve pa dallim përkatësie. Prandaj, ftoj qytetarët serbë të Republikës së Kosovës që të mos bien pre e propagandës nga Beogradi.  Policia e Kosovës dhe të gjitha institucionet e sigurisë po punojnë shumë për të garantuar respektimin e sundimit të ligjit dhe lirinë e lëvizjes. Jemi duke u koordinuar e punuar pandalur me partnerët tanë ndërkombëtar”, shkruan ajo.

Tutje Osmani tha se veprimet nga grupet serbe në veri janë përpjekje të Vucicit që të destabilizohet Kosova.

“Përpjekjet e Vuqiçit për destabilizim të Kosovës, i cili po shërbehet me metoda të mentorit të tij- Putinit, do të dështojnë”, shtoi ajo.

“Thyen ligjet e fizikës” – Arber Zeneli shënon gol të pabesueshëm

Periskopi.com Sporti

Arbër Zeneli ka shënuar gol të magjishëm sot në miqësore ndaj Sassuolos.

Sulmuesi kosovar ka shënuar në barazimin 2:2 të Reimsit në minutën e 61’të të takimit, me një parabol fantastike, shkruan Periskopi.

Madje, portiere mbeti i habitur nga goditja e sulmuesit kosovar.

Më poshtë golin e tij në video:

VIDEO

“5 veta të maskuar dhe të armatosur na sulmuan”, rrëfimi i familjes që u sulmua në kufi me Serbi

Periskopi.com Lajme

Vehbi Beqiri është një prej qytetarëve që është sulmuar sonte derisa po udhëtonte për në Zveçan, atje ku tensionet janë rritur pas vendimit të Qeverisë së Kosovës për reciprocitet për dokumentet serbe.

Beqiri në RTV Dukagjini ka treguar se ishte në veturë me bashkëshorten dhe vajzën, kur u sulmuan nga pesë persona të maskuar.

Ai ka rrëfyer ngjarjen, duke thënë se ka par shumë civilë, por edhe policë me uniforma.

“Unë si ju isha shumë i shqetësuar meqenëse si dëshmitar i asaj pjese sot, bashkë me familjen isha në fshatin Koshtovë dhe fillova që të nisem për në Mitrovicë, diku rreth orës 18:00, por fatkeqësisht, edhe pse kam përjetuar shumë kohëra të vështira, në jetën time, kjo sot ishte diçka e paparë, meqenëse para se t’i afrohem fshatit Rudare, në hyrje të Zveçanit, isha bashkë me familje, aty ishte rruga e bllokuar, qëndronin shumë civilë por edhe me unforma, e kishin blloku rrugën dhe nuk lejuan veturën të kalojë”, ka thënë ai.

Tutje, Beqiri ka treguar se si ndodhi sulmi.

“E bëra një kthim duke e pa situatën, u ktheva nga fshati Rudare dhe tentova të hyjë në rrugën nga ana e Zveçanit, nga ana e djathtë. Në atë moment, persona me uniforma, të armatosur, të maskuar, të 5 ishin të maskuar, isha bashkë me vajzën dhe bashkëshorten, unë tentova që të vazhdojë në atë rrugë, por ata e bllokuan dhe m’u desh që të kthehem dhe të vazhdoj, për në drejtim të komunës së Leposaviqit”, ka thënë ai.

PSG triumfon në Superkupën e Francës

Periskopi.com Sporti

Paris Saint-Germain e ka fituar Superkupën e Francës (Trophee des Champions) duke mposhtur Nantes.

Kampionët e Ligue 1 mposhtën fituesen e Kupës së Francës me rezultatin 4:0, në një ndeshje ku shkëlqyen Lionel Messi e Neymar JR.

Shtatë herë lojtari më i mirë në botë, Messi hapi serinë e golave në këtë ndeshje. I asistuar nga Neymar, Messi kaloi edhe portierin në minutën e 22’ për t’i dhënë epërsinë skuadrës së tij.

Braziliani Neymar doli në skenë në minutën e 45+5’, kësaj radhe si golashënues. Ai goditi saktë nga gjuajtja e lirë, për të bërë që PSG të shkonte në pushim me dy gola epërsi.

Në pjesën e dytë, skuadra e Christophe Galtier gjeti golin edhe dy herë të tjera.

Sergio Ramos shënoi në minutën e 57’, kurse në minutën e 82’, një minutë pasi Nantes mbeti me 10 lojtarë kur Castelletto u ndëshkua me të kuq, Neymar shënoi golin e dytë personal dhe të katërtin për PSG, duke u treguar i saktë nga pika e bardhë e penalltisë.

Kështu, Galtier fiton trofeun e parë me PSG. Ai vjen në formën e ‘Trophee des Champions’.

Hisen Berisha – Kurtit: Po të mbështesim, ti nuk e bëje kur ishe opozitë

Periskopi.com Lajme

Deputeti i PDK-së, Hisen Berisha, ka thënë se e mbështesin Qeverinë për reciprocitetin, por Kurti nuk i kishte mbështetur gjatë kohë sa ishin në opozitë.

Përmes një postimi në Facebook ai ka shprehur edhe kriitka për Kurtin.

“Dy vizitat në Uashington, ua kanë bë të kjartë se zotimet e mara atje, duhen zbatuar. Kjo do ta shpëtoj Kosovën”, ka shkruar ndër tjerash.

Postimi i plotë:

Apel për Kryeministrin e Kosovës.

Kryeministër përdori autorizimet e tua kushtetuese dhe vendos rend në Kosovë se është shtet sovran.

Qeveria e Kosovës sot, ka mbështetjen e plotë të opozitës në vendosjen e rendit, rregullit dhe ligjit ku do në Kosovë, e edhe në veri të Kosovës, ndryshe nga ti kur ishe në opozitë.

Kryeministër vepro me mekanizmat e zbatimit të ligjit dhe ruajtjes së rendit dhe implementoni vendimet kushtetuese për reciprocitet me Serbin sepse e ke mbështetjen e plotë nga spektri politik i Kosovës dhe mos taktizo (me zëvendësimin e dokumentit zyrtarë të identitetit, me letra formale) për ta mbuluar dështimin në zbatimin e vendimit të mëparshëm për targat ilegale të lëshuara në Serbi, e që përdoren pas legalizimit nga ju për qarkullim në Kosovë siç bëre sot, me rishtyrje të afatit.

Nëse Kryeministër nuk je përgatit me zbatua vendimin duke mos i përgatit kapacitetet policore (autoritetin operacional institucional të të cilave e keni devalvuar me vendime e urdhra operativ jo mire të analizuar e planifikuar), me mjetet dhe logjistiken e nevojshme, dhe nëse me ketë vendim iu krijon kushte kriminelëve serb të barrikadojn rrugët dhe të ndalin lëvizjen e lire, (pikërisht kur mërgimtaret po përballen me pritjet nëpër kufij), atëherë janë më shumë se një vendim i ngutshëm apo mos gatishmëri nga ana e juaj me i zbatua ligjet dhe Kushtetutën e Kosovës.

Duke parë se deri tani, me politikbërjen tuaj e rrezikuat Kosovën në shumë drejtime, aktualisht janë dy rreziqe që ju dhe qeveria po i krijoni: nën një, ju me mos menaxhimin e mirë, po e falimentoni shtetin në aspektin ekonomik, po e zbrazni Kosovën nga rinia, po i bëni ndërmarrjet të falimentojnë dhe po e shkatërroni ekonominë dhe së dyti, strukturat kriminale në veri, ku sot, me alarmet testuese për mobilizim, pa aprovim të organeve të sigurisë edhe pa administrim nga institucionet legale shtetërore, po tregohet se Kosova po rrezikohet çdo ditë.

Nëse qeveria e Kosovës nuk i implementon vendimet e veta në zbatim të ligjit dhe kushtetutës dhe ju krijon grupeve kriminale mundësi me bllokua rrugët, atëherë kjo qeveri siç është thënë më herët nga ish Kryetari i PDK, “ju do ta ktheni Serbinë në Kosovë apo Kosovën nën Serbi”, do dal e vërtet.

Sot, alarmet testuese për mobilizim, janë tregues se pjesë të territorit janë jashtë administrimit shtetëror të qeverisë sē Kosovës dhe çdo ditë situata po rrëshqet drejtë shqetësimit që paralajmëronte kryetari i PDK.

Dy vizitat në Uashington, ua kanë bë të kjartë se zotimet e mara atje, duhen zbatuar. Kjo do ta shpëtoj Kosovën.

Kryeministër, zbato ligjin, mbroje sovranitetin e vendit e ke mbështetjen tonë të plotë.

 

Kjo është gjendja në pikat kufitare të Kosovës pas situatës së krijuar në Veri

Periskopi.com Lajme

Një ditë para hyrjes në fuqi të masave të reciprocitetit për targat dhe letërnjoftimet e lëshuara nga Serbia, kanë filluar edhe tensionet në Veriun e Kosovës. Për shkak të situatës së krijuar, Policia e Kosovës ka njoftuar se janë mbyllur pikat e kalimit në Jarinje dhe Bernjak.

Qendra Kombëtare për Menaxhimin Kufitar, në përditësimin e fundit, ka bërë me dije se pika kufitare tek Dheu i Bardhë është po ashtu e ngarkuar. Atje gjatë hyrjes dhe daljes pritjet janë deri në 90 minuta dhe kolonat e gjata deri në 1000 metra.

Më poshtë keni fluksin në pikat e kalimit kufitar:

/PERISKOPI/

Memli Krasniqi: Barrikadat në veri janë të sinkronizuara me Beogradin, Qeveria të flas me me partnerët strategjik

Periskopi.com Lajme

Kryetari i Partisë Demokratike të Kosovës, Memli Krasniqi, ka thënë se barrikadat dhe veprimet e paligjshme në veri të vendit po bëhen nga strukturat kriminale të orkestruara nga Beogradi.

Krasniqi ka thënë se Qeveria e Kosovës duhet të sigurojë liri të lëvizjes dhe respektim të ligjit në çdo cep të vendit tonë.

“Vendosja e barrikadave dhe veprimet e paligjshme në veri të vendit janë të papranueshme. Qeveria e Kosovës duhet të sigurojë liri të lëvizjes dhe respektim të ligjit në çdo cep të vendit tonë. Në mungesë të informatave zyrtare nga ana e qeverisë, inkurajoj institucionet tona të sigurisë që të jenë në shërbim të ruajtjes së rendit publik dhe sovranitetit në veri të vendit”, ka thënë Krasniqi.

Më tej, ai u ka bërë thirrje edhe partnerëve ndërkombëtarë që të monitorojnë situatën e krijuar në veri.

“Këto veprime duhet të koordinohen edhe me partnerët ndërkombëtarë, të cilët i ftoj që t’i monitorojnë dhe denoncojnë provokimet dhe veprimet e paligjshme të strukturave kriminale në veri të vendit, që qartësisht janë të sinkronizuara me Beogradin zyrtar”, ka thënë Kryetari i PDK-së.

Në fund, Krasniqi u ka bërë thirrje qytetarëve të komunitetit serb që të mos lejojnë të manipulohen nga politika destruktive e Serbisë që ka synim destabilizimin e vendit tonë.

“Të gjithë duhet të punojnë për mbarëvajtjen e rendit, qetësisë dhe sigurisë për qytetarët, duke garantuar lëvizjen e lirë për të gjithë”, ka përfunduar ai.

LAJMI I FUNDIT: Lëshohet sërish alarmi në Veri të Kosovës

Periskopi.com Lajme

Pas tensioneve në Veri të Mitrovicës, alarmi i rrezikut është lëshuar sërish në orët e vona.

Ky alarm vije sot, më 31 korrik, para 1 gushtit, kohës kur pritet të hyjë në fuqi vendimi i qeverisë për ndërrimin e targave serbe me ato RKS, si dhe reciprocitetit për letërnjoftimet serbe, shkruan Periskopi.

Gjithashtu, gjatë ditës së sotme janë lëshuar disa herë alarmet.

Ndryshe për situatën e krijuar në Veri të vendit ka reaguar edhe kryeministri Kurti i cili ka akuzuar, Vuçiqin dhe Petkoviçin për gjendjen e sotme.

 

 

Kusari: Policia të sigurohet që gazetarëve të mos u ndodhë asgjë në veri

Periskopi.com Lajme

Juristja e të drejtës së medias, Flutura Kusari, ka thënë se është absolutisht jetike që Ministria e Punëve të Brendshme, policia dhe institucionet e sigurisë, të sigurohen që gazetarëve të mos u ndodh asgjë në veri, pas situatës së tensionuar në rritje.

“Instrumentet ndërkombëtare e obligojnë shtetin tonë që në situata si kjo sonte të kenë plane te detajuara për sigurinë e gazetarëve”, ka shkruar Kusari në një postim në Facebook.

“Instrumentet: Rekomandimi për Sigurinë e Gazetareve 2021 i Bashkimit Evropian / Rekomandimi 2016 për Sigurinë e Gazetarëve i Këshillit të Evropës”.

Bahtiri thotë se një familje kosovare që po shkonte në Zvicër është rrahur në veri dhe iu është vjedhur vetura

Periskopi.com Lajme

Ish-kryetari i Mitrovicës, Agim Bahtiri, ka thënë se një familje kosovare që po shkonte në Zvicër, është rrahur në veri të Ksoovës nga grupe të maskuara dhe iu është marrë vetura.

Bahtiri ka thënë se ata tani po kurohen në Spitalin Rajonal të Mitrovicës Veriore.

“Situata në veri është e tensionuar për shkak të grupeve kriminale famkeqe serbe të dirigjuara nga Beogradi. Pjesëtarë të këtyre grupeve serbe me maska kanë ndaluar një familjare kosovare që po shkonte në Zvicër, duke i rrahur edhe ua marrë veturën. Këta qytetarë po kurohen në spitalin e Mitrovicës, të cilët sapo i vizitova dhe fatmirësisht gjendja e tyre shëndetësore është stabile.”, ka shkruar ai.

Tutje ai ka bërë thirrje tek serbët që të mos u bashkohen grupeve kriminale në veri dhe ka kërkuar nga institucionet që të zbatojnë Kushtetutën dhe ligjet.

“Ftoj qytetarët serbë të Republikës së Kosovës që mos t’iu bashkohen grupeve kriminale në veri dhe të kontribuojnë për qetësimin e situatës. Republika e Kosovës është shtet i pavarur e sovran, dhe askush nuk mund ta cenoj sigurinë dhe integritetin territorial të saj. Institucionet e Kosovës janë të obliguara të kujtesën për zbatimin e Kushtetutës në çdo pëllëmbë të terroritorit”, përfundoi ai.

Bedri Hamza për situatën në Veri: Ka tension dhe organizime, policia po e mbajnë rendin

Periskopi.com Lajme

Për situatën e krijuar në veri të Kosovës, është deklaruar kryetari i Mitrovicës, Bedri Hamza. 

Në një prononcim për Televizionin 7, Hamza ka  thënë se policia po mban rendin në jug, derisa ka organizime në pjesën veriore të qytetit.

“Ka tension të situates, ka edhe organizime në anën veriore. Policia është duke e mbajtur rendin në anën jugore”, tha këtë mbrëmje kryetari Bedri Hamza.

Në urën e Ibrit është ndaluar tërësisht qarkullimi, ndërsa forca të shtuara policore kanë rrethuar urën.

Krasniqi: Kjo është mënyra e Kurtit për t’na e sjellë Zajednicën

Periskopi.com Lajme

Frashër Krasniqi i PSD-së, ka thënë  se kjo është mënyra e kryeministrit Kurti për ta sjellë Zajednicën, pas gjendjes aktuale në Veriun e Kosovës.

Ai përmes një shkrimi në Facebook ka thënë se “në vend të një projekti për marrëveshje e paqe të përhershme, nxitë tensione që rezultat – në mos edhe qëllim – e kanë Zajednicën”.

“Veprimet policore në veri, do t’prodhojnë barrikada, konflikt të përhershëm ose Zajednicë. Pra tri rezultate të mundëshme, secila më keq se tjetra. Secila në dëm të shtetit dhe e padrejtë ndaj qytetarëve – andej e këndej Ibrit.

Por këto s’kanë rëndësi për Kurtin dhe “patriotizmin” e tij të vonuar. Për të kjo është një rrugë e dy punë: edhe po e fashitë opozitën duke i rreshtuar të gjithë pro tij në këtë lojë ‘sovraniste’, edhe po i jep udhë dialogut drejt autonomisë serbe brenda Kosovës”, ka shkruar Krasniqi.

Më poshtë keni postimin e plotë [pa ndërhyrje] të Frashër Krasniqit:

 

 

Reagon Ganimete Musliu: Destabilizimi i Kosovës nuk i konvenon askujt përveç Serbisë

Periskopi.com Lajme

Deputetja e PDK-së, Ganimete Musliu, ka thënë se për çdo vendim duhet maturi politike dhe se destabilizimi i Kosovës nuk i konvenon askujt përveç Serbisë.

Musliu tha tutjet se Destabilizimi i Kosovës nuk i konvenon askujt përveç Serbisë, shkruan Periskopi.

Postimi i saj i plotë:

Për çdo vendim na duhet pjekuri dhe maturi politike.

Destabilizimi i Kosovës nuk i konvenon askujt përveç Serbisë!

Ndryshe për situatën e krijuar në Veri të vendit ka reaguar edhe kryeministri Kurti i cili ka akuzuar, Vuçiqin dhe Petkoviçin për situatën e krijuar sot.

Policia e Kosovës: Pati të shtëna armësh drejt nesh, disa shqiptarë u maltretuan

Periskopi.com Lajme

Policia e Kosovës përmes një njoftimi ka bërë me dije se janë dëgjuar të shtëna me armë zjarri, ku disa prej të shtënave kanë qenë në drejtim të njësiteve policore, por fatmirësisht nuk ka të plagosur.

Gjithashtu, nga policia thonë se kanë pranuar informacione se janë ndaluar dhe maltretuar disa qytatarë shqiptarë duke iu shkaktuar lëndime dhe shkaktim të dëmeve materiale në automjetet e tyre nga ana e personave të dyshuar të cilët dyshohet se janë pjesë e organizimeve të bllokimit të rrugëve, shkruan Periskopi.

Njoftimi i plotë:

INFORMACION ZYRTAR (nr.3)
Prishtinë, 31 korrik 2022
Policia e Kosovës ka siguruar informacione zyrtare se në disa lokacione janë dëgjuar të shtëna me armë zjarri, ku disa prej të shtënave kanë qenë në drejtim të njësiteve policore, por fatmirësisht nuk ka të plagosur.
Po ashtu janë siguruar informacione nga ana e qytetarëve se ka raste ku janë ndaluar dhe maltretuar qytetarë shqiptarë, duke iu shkaktuar lëndime dhe shkaktim të dëmeve materiale në automjetet e tyre nga ana e personave të dyshuar të cilët dyshohet se janë pjesë e organizimeve të bllokimit të rrugëve.

INFORMACION ZYRTAR (nr.2)
Prishtinë, 31 korrik 2022
Referuar informacioneve zyrtare të deritanishme, vazhdojnë bllokimet e rrugëve në disa lokacione të ndryshme në Veri të Mitrovicës në drejtim të dy pikë kalimeve kufitare Jarinje dhe Bernjak, të cilat pika janë mbyllur për qarkullim.
Deri më tani nuk ka informacione zyrtare për ndonjë plagosje të qytetarëve apo të ndonjë zyrtari policorë, andaj ftojmë dhe iu bëjmë thirrje të gjitha mediave dhe qytetarëve që të mos bien pre e informacioneve-lajme të rreme, të cilat kanë tendencë destabilizimin e situatës dhe krijimin e panikut.
Policia e Kosovës vazhdon angazhimet e saja me njësitet policore, në ofrim e sigurisë për të gjithë qytetarët pa dallime, në interes të ruajtjes së rendit dhe sigurisë publike.

INFORMACION ZYRTAR (nr.1)
Prishtinë, 31 korrik 2022
Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve në drejtim të këtyre pikë kalimeve kufitare Jarinje dhe Bernjak.
Njoftohen të gjithë qytetarët të shfrytëzojnë pikat tjera kufitare për qarkullim.