Profile të larta të politikës, që kanë qenë pjesëtarë të Ushtrisë Çlirimtare të Kosovës, kanë marrë ftesa gjatë muajve të fundit nga Specialja. Shumë analistë kanë thënë se po pritet të vijë edhe aktakuza e parë nga kjo gjykatë që është në kuadër të legjislacionit të Kosovës.

“Specialja nuk do të ngritë aktakuzë ndaj të gjithë të dyshuarve”, ka thënë Koci.

Ai po ashtu ka thënë se secili prej të ftuarve e di se në çfarë cilësie është thirrur.

“Të thirrurit nuk kanë obligim të përgjigjen ndaj publikut dhe të tregojnë se në cfarë cilësie po thirren”, ka thënë ai.

“Por kushdo që ftohet e di cilësinë e ftesës”.