Covid-19: Britania e Madhe e largon Kosovën nga lista e vendeve të rrezikshme
Britania e Madhe e ka larguar Kosovën nga lista e vendeve të rrezikshme sa i përket COVID-19.
Britanikët nuk këshillohen më që t’i shmangin udhëtimet në 32 destinacione, përfshirë edhe Kosovën.
Kjo u bë e ditur nga Zyra e Jashtme.
Më herët qytetarët ishin këshilluar që të mos udhëtonin drejt 32 shteteve për shkak të koronavirusit, e në mesin e këtyre vendeve ishte edhe Kosova.
Zyra e Jashtme britanike tha se ndryshimi i politikës pason përmirësimin e shëndetit publik në shumë vende” dhe zvogëlimin e rrezikut për shtetasit britanikë.
Në Kosovë gjatë 24 orëve sipas raportimit të Ministrisë së Shëndetësisë u raportua për një viktimë dhe 34 raste të reja me COVID-19.
