Analistja e It’s My Love pas dhunës në emision: Tradhëtia e kurvëria bëhen në heshtje

Periskopi.com Lajme

Analistja e emisionit të quajtur It’s My Love, me emrin Antigona Kotorri ka bërë një reagim të çuditshëm në rrjetin social Facebook.

Vetë Kotorri së bashku me një mori pjesmarrësish të tjerë të emisionit në fjalë, ishin protagonistë të një episodi të neveritshëm ku përkrahet dhuna fizike dhe psikologjike, teksa glorifikohet dhe pëkrahet agresori.

Në lidhje me ngjarjen e rëndë, sot (e hënë), ka reaguar edhe Këshilli për Mbrojtjen e të Drejtave dhe Lirive të Njeriut duke e dënuar fuqishëm aktin, derisa ka kërkuar nga Komisioni i Pavarur për Medie (KPM) që të ndërmarrë hapa konkret në lidhje me çështjen.

Poashtu edhe psikologu, Imri Zabeli ka dënuar aktet e turpshme duke e quajtur ‘bullizëm të sinkronizuar’ sjelljen e të përfshirëve në emision ndaj viktimës së dhunës.

Sidoqoftë, së fundmi Kotorri ka bërë një reagim të çuditshëm në Facebook, duke publikuar një thënie:

”Heshtja është konsipracion. Punët më të pamoralshme bëhen në heshtje totale. Tradhëtia, kurvëria, hajnia.

”Heshtjes i frikësohet çdo ndërgjegje e pastër. A.K” /Periskopi.com/