Adele pasi humbi 45 kg: Jam e zhgënjyer nga komentet brutale të grave

Adele ka folur për zhgënjimin e saj nga leximi i komenteve të bëra nga femrat për humbjen e saj të jashtëzakonshme të peshës, në total prej 45 kilogramëve.

Ylli i hitit “Hello” u shfaq në kopertinën e “American Vogue” dhe “British Vogue” të enjten, dhe u tregua e sinqertë për transformimin e saj dramatik, duke rrëfyer se është ‘e varur’ nga stërvitja, shkruan DailyMail.

Sidoqoftë, ajo pranoi se e keqja e të gjithave ishte të dëgjoje gra të tjera që bënin ‘komente brutale’ për pamjen e saj në ndryshim.

“Trupi im është objektifikuar gjatë gjithë karrierës sime”, tha ajo për ‘American Vogue’. “Nuk është vetëm tani. Unë e kuptoj pse është një tronditje. Unë e kuptoj pse disa gra veçanërisht janë lënduar”, shtoi ajo.

Këngëtarja britanike vazhdoi: “Vizualisht unë përfaqësova shumë gra. Por unë jam akoma i njëjti person”, duke shtuar se pjesa më e keqe ishte: “Bisedat më brutale po i bënin femrat tjera për trupin tim. Isha shumë e zhgënjyer me këtë. Kjo më lëndoi ndjenjat”.

Duke shpjeguar atë që nxiti humbjen e saj të jashtëzakonshme në peshë gjatë një periudhe dy vjeçare, ajo tha: “Ishte për shkak të ankthit tim. Duke punuar, thjesht do të ndihesha më mirë”.Adele ka bërë seanca rigoroze të ngritjes së peshave dhe stërvitjeve qarkore çdo ditë – dy herë në ditë nëse ankthi i saj po rritej – për tri vjet rresht.Megjithëse nuk është e qartë saktësisht se cilave komente i referohej, ylli ka krijuar pika të mëdha bisedimesh me postimet e saj të fundit në rrjetet sociale.

Në maj të vitit 2020, Adele u bë numri një në listën e postimeve më në trend në Tëitter, kur publikoi një fotografi në Instagram ku dukej tepër ndryshe.