Agjenti i Kessie lë gjithçka në duart e Milan: Për rinovimin flisni me drejtorët
Duket se nuk është faji i Franck Kessie për mos-rinovimin e kontratës me Milan.
Mesfushori i Milan ka qenë një nga lojtarët më të mirë në kohën e fundit te skuadra ‘Rossoneri’, por telashet hapen kur ai ngurron të rinovojë kontratën.
Për këtë problem, agjenti i lojtarit bën të ditur se përgjigje duhet të japin drejtorët e klubit dhe jo lojtari apo ai.
“Flisni me drejtorët”, ka thënë Atangana, përcjell Periskopi. “Jam këtu vetëm për të parë ndeshjen”, ishin fjalët e tij.
Kessie është në vitin e fundit të kontratës së tij me Milan, por gjatë Lojërave Olimpike të Tokios, 24 vjeçari thoshte se dëshiron të qëndrojë te Milan për gjithë karrierën e tij./Periskopi/