Aksident i rëndë mes tre veturave në Vragoli, pesë persona të lënduar
Një aksident trafiku ka ndodhur pasditen e sotme në rrugën nacionale Prishtinë –Pejë, ku kanë mbetur të lënduar pesë persona.
Aksidenti ka ndodhur rreth orës 17:50, në fashitin Vragoli të Fushë Kosovës.
Lajmin e konfirmoi zëdhënësi i Policisë së Kosovës për rajonin e Prishtinës, Bajram Krasniqi.
“Rreth orës 17:50 në rrugën nacionale Prishtinë – Pejë në fshatin Vragoli ka ndodhur një aksident trafiku. Ne këtë aksident janë përfshirë tri vetura dhe lëndime trupore kanë pësuar pesë persona”, tha Krasniqi.
Ai shtoi se njësia policore e trafikut është marrë me rastin.
Për shkak të këtij aksidenti janë krijuar kolona të gjata të automjeteve në rrugën Prishtinë – Pejë.
