Aksident me të lënduar në Kaçanik, dy persona dërgohen në QKUK

Aksident me të lënduar në Kaçanik, dy persona dërgohen në QKUK

Një aksident trafiku ka ndodhur të dielën në Kaçanik, ku si pasojë e kësaj lëndime trupore kanë pësuar dy persona.

Rasti ka ndodhur mëngjesin e së dielës, në rrugën “Ismajl Raka” në Kaçanik, ku një veturë dhe një motoçikletë janë përplasur me njëra-tjetrën.

Si pasojë e aksidentit, përveç dëmeve materiale, lëndime trupore kanë pësuar drejtuesi i motoçikletës së bashku me pasagjerin që ka qenë në motoçikletë.

Të lënduarit ndihmën e parë e kanë marrë në emergjencën e Kaçanikut e më pas janë dërguar për tretman mjekësor në Qendrën Klinike Universitare të Kosovës, bëhet e ditur në raportin 24 orësh të policisë.

Shpërndaje në: