Aksident tragjik në Itali, vdes 24-vjeçari shqiptar pasi humbi kontrollin e makinës
Një 24-vjeçar shqiptar ka gjeture vdekjen pas një aksidenti me BMW në Itali.
Aksidenti ka ndodhur mbrëmë pak para kryqëzimit për Castelbellino.
Shqiptari Florenc Kasa duket se ka humbur kontrollin e makinës dhe më pas ka gjetur vdekjen e menjëhershme, pas përplasjes.
Dinamika e aksidentit të ndodhur rreth mesnatës në zonën komunale Castelbellino në korsinë veriore për në Fabriano.
I riu po kthehej për në shtëpi, kur makina e tij u përplas me parmakët në pjesën e autostradës së prekur nga punimet në rrugë.
Ai sapo kishte bërë ndërrimin e korsisë për në kantier dhe po kthehej në korsinë normale kur humbi kontrollin e makinës dhe goditi ndarjen e betonit.
Të gjitha përpjekjet e dëshpëruara për të shpëtuar ishin të kota, pasi i riu vdiq menjëherë.
Zjarrfikësit kanë ndërhyrë dhe kanë punuar për orë të tëra për të nxjerrë trupin e djalit nga kabina.
Autostrada ka qëndruar e mbyllur deri në orën 5.45 të mëngjesit të sotëm.
