Aktakuzë për dhënie të ryshfetit në këmbim të votës

Aktakuzë për dhënie të ryshfetit në këmbim të votës

Prokuroria Themelore në Pejë, ka dorëzuar aktakuzë kundër të pandehurit A.S. për vepër penale “Dhënia ose marrja e ryshfetit lidhur me votën”.

Sipas aktakuzës, A.S. me 26 maj rreth orës 15:26 minuta në fshatin Vitomeric të Pejës, i ka premtuar dhurata personit tjetër me të drejtë vote me qëllim që të votoj partinë NDS e cila udhëhiqet nga i pandehuri.

“Ashtu që, i njëjti përmes rrjetit social Facebook kishte dërguar mesazh personit D.S. dhe kishte kërkuar që të votohet kjo parti në këmbim me 50€ dhe do të sigurohen edhe shpenzimet e rrugës”, thuhet në njoftim.

Këto veprime duke premtuar dhënien e përfitimit prej 50€ në këmbim të votës së votuesve sipas prokurorisë përmbushin elementet e veprës penale. Prokuroria ka kërkuar nga gjykata që të pandehurin ta shpall fajtoj dhe ta dënoj sipas ligjit për  këtë vepër penale.

Shpërndaje në: