Alban Hyseni dha dorëheqje: Ky është deputeti i ri i Kuvendit nga VV-ja [Nuk është Hysamedin Feraj]

Periskopi.com Lajme

Alban Hyseni edhe zyrtarisht sot ka marrë detyrën si kryetar i ri në komunën e Gjilanit, pas fitores në balotazh përballë kandidatit të LDK-së z. Lutfi Hazirit. Por, kush do ta zëvendësojë në Kuvend?

Hyseni nga momenti i betimit si kryetar i komunës së Gjilanit, duhet të dorëzojë postin e deputetit në Kuvend.

Në bazë të rezultateve të zgjedhjeve parlamentare të 14 shkurtit 2021, Halil Thaçi pritet ta zë ulësen e Alban Hysenit.

Në zgjedhjet e 14 shkurtit, Thaçi ka marrë 5 mijë e 921 vota.

Halil Thaçi ka qenë kandidat i Lëvizjes Vetëvendosje për kryetar të Obiliqit. Ai garën për kryetar të komunës së Obiliqit e ka humbur përball kandidatit të pavarur Xhafer Gashi.

Në anën tjetër, Hysamedin Feraj – një ndër zërat më interesantë të VV-së në rrjete sociale – ende është në pritje për t’u bërë deputet, por ka një listë të gjatë figurash tjera para vetes në pritje pasi që nuk ka mbledhur as tre mijë vota.