Albin Kurti, sot: Mitrovica nuk e përjetoi as lirinë e 1999 as Pavarësinë e 2008 me gëzimin tonë

Kryeministri i Republikës së Kosovës ka bërë sot fushatë para mitrovicasve për kandidatin e partisë së tij për kryetar të Komunës, Agim Bahtirin, dhe ka bërë disa pretendime të përçudshme.

Kurti pretendon se Mitrovica nuk ka përjetuar as lirinë e vitit 1999 dhe as shpalljen e pavarësisë me gëzimin tonë.

“Ne Mitrovicës i kemi shumë borxh sepse ajo nuk e ka përjetuar as lirinë e vitit 1999 dhe as shpalljen e pavarësisë me gëzim sikurse ne të tjerët.” – thotë Kurti, përcjell Periskopi.

Kurti ka shtuar se Mitrovicën do ta trajtojë me prioritet.

Ai ishte i shoqëruar me deputetët Armend Muja e Arjeta Fejza dhe me ministrin Faton Peci, mes të cilëve ishte edhe Agim Bahtiri.

Statusi i plotë i VV-së:

“Ne Mitrovicës i kemi shumë borxh sepse ajo nuk e ka përjetuar as lirinë e vitit 1999 dhe as shpalljen e pavarësisë me gëzim sikurse ne të tjerët. Prandaj, gjithë kontributin që e ka dhënë në luftë e në paqe, për histori, shkencë, kulturë, për dije e për zhvillim, duhet t’ia kthejmë siç e meriton e i takon, e jo ta dënojmë me një rrugë Prishtinë – Mitrovicë që zgjatë një orë. Mitrovicën do ta trajtojmë me prioritet, dhe kur ta kemi edhe qeverisjen komunale këtu, e atë qendrore në Prishtinë, do ta bëjmë siç e thotë slogani ynë: Bashkë Qeverisje”, tha Kryeministri Kurti në tubimin e mbajtur në Mitrovicë, ku për ta mbështetur kryetarin në ardhje atje, Agim Bahtirin, ishte bashkë me ministrin e Bujqësisë, Faton Peci, dhe deputetët Armend Muja e Arjeta Fejza.