Algjeriani sulmon dy libanezë në qendrën e azilit në Magurë
Në Qendrën e Azilit në Magurë të Lipjanit, të martën ka ndodhur një rrahje mes azilantëve, me ç’rast nga lëndimet e pësuar dy persona kanë marrë tretman mjekësor në QKUK.
Sipas raportit të Policisë për 24 orët e fundit, një shtetas algjerian është arrestuar pasi që i njëjti në Qendrën e Azilit ka sulmuar fizikisht dy viktimat meshkuj shtetas të Libanit.
“Viktimat janë dërguar për tretman mjekësor në QKUK ndërsa, i dyshuari me vendim të prokurorit dërgohet në mbajtje”, thuhet në njoftim.
