Anijet greke derdhin mbetjet në ujërat e Ksamilit në Shqipëri
Në pikun e sezonit turistik, anijet greke përsërisin për të dytën herë skandalin e derdhjes së mbetjeve në ujërat e Ksamilit.
Derdhja e hidrokarbureve dëmton burimet e detit, ul cilësinë e ujit të detit, rrezikon shëndetin e njeriut, pengon veprimtaritë detare dhe peshkimin. Ende nuk ka një reagim zyrtar nga kompetentët e mjedisit lidhur me këtë ngjarje të përsëritur nga anijet greke.
Tre vjet më parë po në bregdetin e jugut, u krijua një gjendje alarmante, ku e kaltra e detit u kthye në ngjyrë të zezë, pas hedhjes së mijëra tonelatave vaji dhe nafte nga anijet greke që kryenin linjën e Korfuzit. /27.al
