Arrestohen 8 këngëtare shqiptare dhe pronarët e klubit të natës
Lokali njihet si klub shqiptar i muzikës ndërsa personi që e menaxhon atë është shqiptar por me shtetësi serbe, shkruan albinfo.ch.
Tetë femra të arrestuara me këtë rast janë këngëtare, kameriere dhe “dama animuese”, të moshave 19 deri 28 vjeçare, njofton policia.
Veç tyre është arrestuar edhe një shtetas tjetër i Shqipërisë, 28 vjeçar, i cili po ashtu po qëndronte ilegalisht në Zvicër.
Të gjithë të arrestuarit dyshohen për shkelje të Ligjit për të huajt dhe duhet të merren në pyetje nga prokuroria përgjegjëse.
Arrestimi i femrave, këngëtare dhe kameriere kryesisht nga Shqipëria, të cilat vijnë në klubet e natës në Zvicër, të udhëhequra të shumtën e rasteve nga menaxherë shqiptarë të Kosovës ose të Maqedonisë, është një dukuri që përsëritet shpesh.
