Arrihet marrëveshje rekorde – Man United bën goditjen e madhe në Premier League
Manchester United ka arritur marrëveshje 61 milionëshe me Crystal Palacen për transferimin e Aaron Wan-Bissaka.
Anglezi do të bëhet mbrojtësi i krahut më i shtrenjti në histori të futbollit kur ta kompletojë zyrtarisht transferimin, transmeton Periskopi.
United kishte bërë disa oferta që ishin refuzuar nga “Shqiponjat”, por më në fund është arritur akordi, të paktën sipas gazetarit Duncan Castles.
Kjo shumë e parakalon atë që Man City e kishte shpenzuar për Benjamin Mendyn, kur e kishte transferuar atë për 57.5 milionë euro para dy afateve kalimtare.
Ole Gunnar Solskjaer ka qenë në kërkim të një mbrojtësi të krahut për një kohë të gjatë. /Periskopi.com/