Arrin në Ukrainë kontigjenti i parë i ndihmave me medikamente nga Kosova
Ka mbërritur në Ukrainë kontingjenti i parë me ndihma mjekësore për spitalin ushtarak të Zaporizhias në Jug të Ukrainës.
Ky kontingjent u nis nga nisma e të rinjve nga Prishtina ‘Youth Community Project’ në bashkëpunim me ambasadën ukrianase në Tiranë.
Valon Arifi aktivist i kësaj nisme ka bërë të ditur përmes një cicërime në Twitter se ka mbërritur kontingjenti i parë me ndihma mjekësore në Ukrainë.
Ai tha se këto medikamente kanë mbërritur në Spitalin Ushtarak të Zaporizhias në Jug të Ukrainës.
“Nga populli i Kosovës te Spitali ushtarak i Zaporizhias në Jug të Ukrainës. Kosova qëndron me Ukrainën”, shkroi Arifi.
‘from the People of Kosovo ??
– to “Zaporizhzhya Military Hospital” South Ukraine ??Kosovo stand with Ukraine ✊ pic.twitter.com/Uxkpg4pShF
— Valon Arifi (@ValoniVA) April 12, 2022
