Asamblisti i VV’së, një gardian dhe një polic civil të përfshirë në rrahjen në një lokal në Gjilan

Periskopi.com Lajme

Asamblisti i Lëvizjes Vetëvendosje në Gjilan, Valdrin Bajrami ka qenë i përfshirë si dëshmitar në një përleshje që ka ndodhur të shtunën mbrëma në një lokal në qytetin e Gjilanit. Ai e ka konfirmuar rastin duke thënë se ka ndërhy në përleshje për t’i ndarë dy familjet të cilët janë përleshur. Insajderi mëson se pjesë e kësaj rrahje ka qenë edhe një gardian dhe një polic civil. Rasti është duke fshehur nga Policia e Kosovës.

Bajrami tha qe ka qenë në vendin kur ka ndodhur rrahja. Por, sipas tij ai ka qenë i përfshirë si dëshmitar duke bërë përpjekje për t’i ndarë dy palët që kanë qenë të përfshira në përleshje.

“Unë e kam dhënë atë procedurën time si dëshmitar dhe i jetë gjyqit me vendos. Të dy familje te dinë që jam vetëm dëshmitar dhe ajo pjesa e dëmtuar edhe këta. Unë kam qenë si dëshmitar dhe në pjesën e ndarjes për mos më u bo më e madhe. Të dy familjet e dinë që unë skam kurgjo me ta”, u shporeh Bajrami.

Po ashtu ky burim i tha Insajderit se pjesë e kësaj rrahje ka qenë edhe gardiani me inicialet D.R ( emër i njohur për redaksinë) i cili punon në Shërbimin Korrektues të Kosovës.

Nga burimet jo zyrtare mësohet se ai ka nxjerrë edhe armën gjatë përleshjes.

Personi tjetër i përfshirë në këtë përleshje sipas këtij burimi është S.R, si dhe një polic civil.

Ky rast është duke u fshehur nga Policia e Kosovës pasi nuk kanë raportuar asgjë në raportin 24 orësh. Është provuar të merret një konfirmim nga Policia e Kosovës por ata kanë thënë se nuk kanë informacione për një incident të tillë.

VIDEO