Atalanta e Berat Xhimshitit shkruan historinë, i bashkohet Cityt në 1/8 e finales në Champions
Skuadra italiane, Atalanta, ka arritur të kualifikohet në rundin e eliminimit direkt të Ligës së Kampionëve që në debutim.
Skuadra e drejtuar nga Gasperini ka mposhtur Shakhtarin me rezultat 0-3.
Golat për italianët i shënuan Castagne në minutën e 66-të, Pasalic në minutën e 80-të dhe Gosens në fund të ndeshjes.
Ky kualifikim erdhi edhe falë fitores së Manchester Cityt ndaj Dinamo Zagrebit me rezultat 4-1.
City e mbyll fazën e grupeve në vendin e parë me 14 pikë, Atalanta është e dyta me 7 pikë, një më shumë se Shakhtari dhe dy më shumë se Dinamo Zagreb.
