Atmosfera në ‘Old Trafford’ gjatë intervistës së CR7 pas ndeshjes, ishte thjesht elektrizuese

Fansat e Manchester Unitedit ishin të ngazëllyer pasi panë Cristiano Ronaldon duke inspiruar ‘Djajt e Kuq’ drejt një fitoreje 4-1 kundër Newcastlet, të shtunën pasdite.

36-vjeçari markoi debutimin e tij të dytë me klubin me dy gola, 12 vite pas periudhës së tij të parë në ‘Old Trafford’.

Bruno Fernandes dhe Jesse Lingard gjithashtu u futën në listën e realizatorëve, derisa Ole Gunnar Solskjaer dhe të drejtuarit e tij u ngjitën në krye të tabelës së Premier Leagues, transmeton Periskopi.

Mijëra fansa të Unitedit qëndruan pas vërshëllimës së fundit, me shpresën se do ta shihnin heroin e tyre përsëri.

Dhe ata ishin të ngazëllyer kur pesë herë ‘Topi i Artë’ doli nga zhveshtorja për të dhënë një deklaratë pas ndeshjes.

Përgjatë intervistës, fansat e Unitedit brohoritën ‘Viva Ronaldo’, të unifikuar.

Mbështetësit gjithashtu po brohorisnin ‘SIUUU’, në referencë të festimit të famshëm të Ronaldos kur shënon.

Ronaldo e pranoi se ishte ‘shumë nervoz’ para ndeshjes, edhe pse nuk e tregoi.

Vetëm dëgjoni atmosferën në stadium derisa CR7 jep deklaratën. /Periskopi.com/

?”I was really nervous, maybe I did not show it.”

Cristiano Ronaldo reveals his emotions before he made his 2nd Manchester United debut. pic.twitter.com/QlupqKD2EG

— Football Daily (@footballdaily) September 11, 2021