Avokati Berisha për intervistimin e Thaçit: Prokurorët e Speciales joprofesionalë, njëri nga ta e pranoi se për herë të parë interviston të dyshuar
Avokati Besnik Berisha ka vlerësuar paraqitjen e sotme në Hagë të Presidentit Hashim Thaçi, për intervistim nga Prokuroria e Specializuar.
Ai thotë se i pari i vendit, po përballet me një proces që sipas tij ka nisur jo në rregull.
Por Berisha potencon se me deklaratën e sotme të Presidentit Hashim Thaçi në Prokurorinë e Specializuar, nuk humb asgjë.
Megjithatë ai hedh dyshime se Prokurorët e Hagës, nuk janë aspak profesionalë.
”Këta prokurorë, mos t’i presim në nocionin se janë prokurorë të Dhomave të Specializuara – ju sigurojë se nuk janë më të mirët e aq më pak nuk janë më me përvojën që e kanë”, tha Berish në Info Magazine të Klan Kosova.
”Madje njëri thotë se ”për herë të parë unë marrë në pyetje një person të dyshuar””.
”Pra një prokuror që pret Kosova drejtësi, e bota – në Dhomat e Specializuara thotë se është hera e parë që unë kam shansin me intervistu një person të dyshuar në kapacitetin e të pandehurin”, thotë Berisha.
