Avokati i Popullit: ZRrE duhet të kthejë vendimin në pikën zero
Avokati i Popullit, Naim Qelaj, vlerëson se vendimi i Zyrës së Rregullatorit të Energjisë Elektrike, ka elemente të diskriminimit dhe trajtimit të pabarabartë ndaj konsumatorëve, pasi nga shtrenjtimi nuk preken njëjtë të gjithë qytetarët e Republikës së Kosovës.
”Në fakt prej kohës kur është marrë vendimi, e kemi analizuar, me shumë kujdes, vendimin nga krejt aspektet që kanë të bëjnë me respektimin e të drejtave të njeriut. Në këtë drejtim deri më tash, kemi kërkuar informacione shtesë, duke e krahasu vendimin e ZRrE-së me vendimin e praktikave të vendeve europiane por edhe të botës”, tha Qelaj për Klan Kosova.
Ai tha se, nga këto gjetje, ka rezultuar se vendimi i ZRrE-së, është i përfshirë me shkelje ligjore të natyrës së tillë që për Avokatin e Popullit paraqet shkelje serioze të të drejtave të njeriut.
