Basha në KiE flet për sulmin në Banjska: Ishte një skenar i ngjashëm me atë të Krimesë
Në Asamblenë Parlamentare të Këshillit të Evropës rreth orës 17:30, ka filluar diskutimi lidhur me raportin për anëtarësimin ose jo të Kosovës në këtë organizatë. Shumica e deputetëve që kanë marrë fjalën, e kanë mbështetur anëtarësimin e Kosovës. Në fund, pritet edhe votimi i raportit.
Shqipërinë në diskutime e ka përfaqësuar Lulzim Basha.
Ai ka përmendur sulmin terrorist të 24 shtatorit në veri të Kosovës.
Basha ka thënë se vota ndaj Kosovës në KiE është votë për normalizim, stabilitet e paqe në Ballkan.
“Tani pyetje është a të ju lejojmë qytetarëve të Kosovës t’i gëzojnë këto beneficione apo jo, kjo është pyetja”.
“Në shtator të vitit të kaluar një skenar shumë i ngjashëm me Krimenë e Ukrainës ndodhi në Kosovë. Nuk ishte incident i izoluar. Një sulm i mirë përgatitur për të krijuar ndarjen e territorit të Kosovës. Kjo është pjesë e asaj Botës Serbe”.
“Votimi për anëtarësimin e Kosovës në KiE është normalizimi aktiv më i madh i normalizimit për sa i përket paqes dhe stabilitetit në Ballkan”, ka thënë Basha.
Deputeti ukrainas mbështet Kosovën për në KiE, e thotë në shqip: Kosova është Evropë
