BE-ja i kërkon Kosovës që ta lejojë Petkoviqin të futet në vendin tonë
Zëdhënësi i Bashkimit Evropian [BE], Peter Stano, u ka bërë thirrje institucioneve të Kosovës që ta rishqyrtojnë vendimin për ndalimin e vizitës së Drejtorit të Zyrës për Kosovën në Qeverinë e Serbisë, Petar Petkoviq.
“E dimë që vizita e Petkoviq është paralajmëruar me rregull dhe në përputhje të marrëveshjes për vizita zyrtare”, është shprehur ai për Tanjug.
“I bëjmë thirrje Kosovës që ta rishqyrtojë vendimin dhe t’ia lejojë vizitën”.
Stano ka theksuar se lejimi i vizitave zyrtare është pjesë e rëndësishme për normalizim të marrëdhënieve”.
Kujtojmë që dje Petkoviqi famëkeq kishte protestuar vendimin duke akuzuar kryeministrin Albin Kurti për qasje destruktive.
