Besnik Bislimi shpërndan një postim ku Edi Rama quhet “pro-serb”, pastaj e fshien
Zëvendëskryeministri i parë, Besnik Bislimi, ka shpërndarë një postim, ku kryeministri i Shqipërisë, Edi Rama, quhet “pro-serb”.
“Ju kam thënë moti që Edi Rama është burrë i mirë, veç që është pak pro serb”, thuhet në postimin e një qytetari, të cilin më pas e shpërndau Besnik Bislimi nëpërmjet profilit të tij privat në Facebook.
Nuk dihet nëse është shpërndarë me qëllim, apo aksidentalisht nga zv.kryeministri. Megjithatë, postimi nuk figuron më në faqen e tij në Facebook.
Në fotografi shihet presidentja Vjosa Osmani së bashku me liderë evropianë duke shikuar në një anë, derisa afër saj është kryeministri shqiptar Edi Rama, me të cilin duket se nuk ka komunikuar fare, njofton Klankosova.tv.
Ndryshe, Edi Rama dhe liderët e tjerë të Ballkanit Perëndimor po vazhdojnë takimet e tyre për ecurinë e “Ballkani të Hapur”, ndërkohë që Kosovë është e vetmja që mbetet ende skeptike sa i përket kësaj nisme.
