Biden: E patë se çfarë ndodhi në Itali? Nuk mund të jemi optimistë
Presidenti amerikan, Joe Biden, përmendi rezultatin e zgjedhjeve italiane gjatë një mbledhjeje fondesh të organizuar nga guvernatorët demokratë, duke u kërkuar atyre që të “mos jenë optimistë” në funksion të zgjedhjeve afatmesme të 8 nëntorit, të cilat mund të shohin republikanët të pushtojnë shumicë në të dyja degët e Kongresit.
“Sapo patë se çfarë ndodhi në Itali në ato zgjedhje. Ju po shihni se çfarë po ndodh në mbarë botën. Arsyeja pse shqetësohem për ta thënë këtë është se ju nuk mundeni tw jeni optimistë edhe për atë që po ndodh këtu”, tha Biden, i raportuar në Twitter nga gazetarja e Associated Press Seung Min Kim.
Sipas Seung Min Kim, Biden “po lëshonte një paralajmërim për fatin e demokracisë”. Fjalimi i Biden, i cili ishte në një pritje të Shoqatës së Guvernatorëve Demokratikë në Uashington, ishte i papërgatitur. Dhe duket i destinuar të ketë një vend të një rëndësie të madhe në debatin politik italian në orët në vijim
