Biden i mohon raportimet se presidenti kinez e kishte refuzuar një takim të thirrur nga ai

Biden i mohon raportimet se presidenti kinez e kishte refuzuar një takim të thirrur nga ai

Presidenti i Shteteve të Bashkuata të Amerikës, Joe Biden, të martën e ka mohuar të martën raportimin e mediave se homologu i tij kinez, Xi Jinping, javën e kaluar e kishte refuzuar një takim me Biden.

Mediat kanë raportuar se Biden kishte biseduar në telefon me Jinping dhe se ai nuk ishte bindur që të merrte pjesë në një takim me të.

“Nuk është e vërtetë,” tha Biden kur u pyet nga gazetarët nëse ishte i zhgënjyer që Xi nuk donte të takohej me të.

Këshilltari i Sigurisë Kombëtare të Biden, Jake Sullivan, tha në një deklaratë të martën se shkrimet në media “nuk kishin një portretizim të saktë të telefonatës”.

Një burim që ishte në mesin e atyre që u informuan për thirrjen konfirmoi se raportimi për këtë takim ishte i saktë.

“Xi me sa duket kërkoi që toni dhe atmosfera e marrëdhënies duhej përmirësuar së pari,” tha burimi për Reuters.

Nga Ambasada e Kinës në Uashington nuk i kanë komentuar deri tani të gjitha këto zhvillime, shkruan Reuters, transmeton Klankosova.tv.

Shpërndaje në: