Biden tha se Zelensky nuk donte të dëgjonte në fillim për pushtimin rus, reagon Ukraina
Presidenti amerikan Joe Biden gjatë një mbledhjeje fondesh, vuri në dukje se si Presidenti i Ukrainës, Volodymyr Zelensky, dhe shumë të tjerë nuk i kanë vënë veshin paralajmërimeve të lëshuara nga Shtetet e Bashkuara për një pushtim të mundshëm nga Rusia, sipas BBC.
“Zelensky nuk donte të dëgjonte, shumë nuk donin të dëgjonin”, theksoi presidenti amerikan.
Ndërkohë pas deklaratës së Biden ka reaguar zëdhënësi i Zelensky, i cili tha se ky i fundit kishte kërkuar vendosjen e sanksioneve parandaluese kundër Rusisë përpara pushtimit në shkallë të gjerë, por partnerët e Ukrainës “nuk donin të dëgjonin”.
Zëdhënësi Sergei Nikiforov tha se në atë kohë Zelensky zhvilloi 3 ose 4 biseda telefonike me Joe Biden dhe liderët shkëmbyen mendime dhe vlerësime të situatës në detaje.
