BIK dhe AUV me apel tek qytetarët për therjen e kurbanit

Periskopi.com Lajme

Kryetari i Bashkësisë Islame të Kosovës, Myftiu Naim Tërnava, ka pritur sot në takim drejtoreshën e Drejtorisë së Inspektoratit në Agjencinë e Ushqimit dhe Veterinarisë, Ilirjana Zymberajn.

BIK-u njofton se myftiu Tërnava ka shprehur falënderime për “mbështetjen e vazhdueshme të AUV-it për menaxhimin e procesit të therjes së kurbaneve”.

BIK-u dhe AUV-i kanë apeluar te të gjithë qytetarët e Kosovës të cilën duan të therin Kurban, që këtë ta bëjnë sipas kushteve dhe rregullave të parapara nga AVUK.

Kurban Bajrami këtë vit festohet të shtunën e 9 korrikut.

Njoftimi i plotë:

Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim drejtoreshën e Drejtorisë së Inspektoratit në AVUK, znj. Ilirjana Zymberajn.

Myftiu Tërnava shprehu falënderimet e tij për mbështetjen e vazhdueshme të Agjencisë së Ushqimit dhe Veterinës (AVUK) për menaxhimin e procesit të therjes së kurbaneve.

Edhe znj. Zymberaj u shpreh e kënaqur me bashkëpunimin e deritanishëm ndërmjet AVUK-ut dhe BIK-ut, si dhe shprehu gatishmërinë që ky bashkëpunim i mirë të vazhdojë edhe më tej.

Bashkësia Islame e Kosovës dhe Agjencia e Ushqimit dhe Veterinës bëjnë apel te të gjithë qytetarët e Kosovës të cilën duan të therin kurban, që këtë ta bëjnë sipas kushteve dhe rregullave të parapara nga AVUK.