Portierët dyshohet se ishin në marrëdhënie të këqija me Nagelsmann për shkak të shkarkimit të Toni Tapalovic, një kroat që punoi për vite në klubin bavarez si trajner i portierëve. Përveç lojtarëve të lartpërmendur, Joao Cancelo mund të llogaritet si i shtati. Portugezi mbërriti në formë huazimi nga Manchester City në merkaton e dimrit, por nuk mori rolin e pritur në klubin e Mynihut, përcjell GazetaBlic Sport.

Nga ana tjetër, Nagelsmann kishte lojtarë me të cilët padyshim kishte një marrëdhënie të mirë. Mesfushori Leon Goretzka tha se nuk kishte asnjë problem me Nagelsmann dhe se nuk e di se si ishte për të tjerët, por pretendon se trajneri nuk e humbi kontrollin në dhomën e zhveshjes.