Burri nga Shtimja ia djeg veturën gruas me të cilën kishte lidhje jashtëmartesore
Dy vetura të tipit Mercedes janë djegur dje në Prishtinë. Ky akt dyshohet se u bë nga një i dyshuar, i cili dogji veturën e gruas me të cilën kishte lidhje jashtëmartesore.
Sipas policisë, është arrestuar i dyshuari, derisa përpos dëmeve materiale nuk ka pasur të lënduar.
Sipas ATV-së mes të dyshuarit dhe palës së dëmtuar ka pasur edhe një lëndë në gjykatë.
Lidhur me rastin, policia ka dhënë detaje.
Raporti i plotë:
ZJARRËVËNIE
Rr. Ndue Perleshi, Prishtinë 22.11.2021 – 00:40. Është raportuar se nga zjarri janë përfshirë dy vetura të cilat kishin qenë të parkuara afër njëra tjetrës në rrugën e lartcekur. Njësit relevante dhe ekipi i zjarrfikësve kanë dalë në vendin e ngjarjes dhe e kanë lokalizuar zjarrin. Lidhur me rastin është identifikuar dhe arrestuar i dyshuari mashkull kosovar dhe i njëjti me vendim të prokurorit është dërguar në mbajtje.