Çekia nuk pajtohet me BE-në për largim nga tregu të veturave me benzinë dhe naftë

Periskopi.com Lajme

Bashkimi Evropian ka qenë në krye të përpjekjeve për të ndaluar shitjen e veturave me motor djegie në të ardhmen jo shumë të largët. Vende si Gjermania dhe Franca janë të hapura ndaj idesë ndërsa Norvegjia tashmë ka përqafuar plotësisht veturat elektrike. Ndërsa shumë analistë të industrisë parashikojnë se Evropa do të ecë përpara me agjendën e saj të elektrifikimit me një ritëm më të shpejtë se Shtetet e Bashkuara, ata duhet të kenë parasysh se jo të gjitha vendet anëtare të BE-së janë në favor të planit. Republika Çeke është ndoshta shembulli më i mirë.

Bloomberg raporton se kryeministri çek Andrej Babis nuk ka ndërmend të braktisë veturat me benzinë ​​dhe naftë deri në vitin 2025, një qëllim i deklaruar në një propozim të fundit të BE-së.

“Ne nuk do të pajtohemi me ndalimin e shitjes së veturave me lëndë djegëse fosile. Nuk është e mundur. Ne nuk mund të diktojmë këtu atë që fanatikët e gjelbër shpikën në Parlamentin Evropian”, deklaroi Babis.

Ndryshe nga shtetet e tjera më të vogla anëtare të BE-së, Republika Çeke ka një peshë serioze. Është një nga prodhuesit më të mëdhenj të veturave në botë për kokë banori. Gjithashtu po merr presidencën e radhës të BE-së në gjysmën e dytë të vitit të ardhshëm. Vendi që kufizohet me anën lindore të Gjermanisë nuk ka frikë të përdorë ndikimin e saj ekonomik dhe politik. Sidoqoftë, qeveria çeke nuk është plotësisht kundër veturave elektrike. Është në favor të një infrastrukture karikimi por refuzon të subvencionojë prodhimin.

Gati një e treta e ekonomisë së Çekisë vjen nga industria e veturave. Duke parët rivalët që po shkojnë drejt veturave elektrike, dhe nëse Çekia dëshiron të mbajë biznesin e tyre, politikanët mund të mos kenë zgjidhje tjetër veçse të ndryshojnë pozicionin e tyre.

Shpërndaje në: