Çfarë është mirë të hamë kur zgjohemi të uritur në mes të natës

Eshtë e çuditshme sa e parezistueshme është ajo ndjesia kur ora shënon 03:00 e natës, e gjithë bota është në gjumë dhe ti zgjohesh sepse do të hash! Je e uritur dhe për asgjë në botë nuk kthehesh në shtrat me stomakun bosh. Dilema është çfarë të konsumojmë që mos zgjohemi me ndjenja faji? Kujtoni që nuk është mëngjes dhe rrjedhimisht mos konsideroni të hani një vakt të mirëfilltë. Ushqimet më poshtë janë opsion i sigurtë.

1. Djathë dhe crackers
Kombinimi klasik, i pasur me proteina do t’ju bëjë të ndiheni të ngopur prandaj konsiderojeni si zgjedhjen e parë.

2. Perime dhe humus
Një karrotë, domate qershi, kastraveca dhe shokun humus! Nuk do të pendoheni më vonë dhe do të flini të qetë!

3. Ca fruta të thata
Stikat janë opsion i mirë! Kanë mjaftueshëm proteina për t’ju shuar urinë!

4. Banane dhe gjalp kikiriku
Ky mini-vakt është fiks për urinë e orës 03:00 të natës! Do t’ju ndihmojë në relaksimin e muskujve dhe cilësinë e gjumit. Në fund të fundit, jeni duke ngrënë diçka të shëndetshme!

5. Qumësht dhe drithëra
Perfekte për të fjetur sërish sapo mbaroni lugën e fundit. Nuk do të ndiheni të fryrë, por as të uritur!

Si të siguroheni që nuk do të zgjoheni nga gjumi të uritur?
Gjumi i mirë është thelbësor për shëndetin! Të konsumosh diçka në mes të natës nuk është veprim që duhet kthyer në rutinë, por mund të ndodh me raste specifike. Që të parandaloni ndjesinë e zgjimit me uri, bëni mirë që pak orë para gjumit, pasi e keni mbyllur me vaktin e darkës të konsumoni diçka të vogël. Mund të jetë një nga opsionet që përmendëm më lart, por edhe një filxhan çaji s’do të ishte ide e keqe.

Burimi: Huffington Post

-->

MË SHUMË PËR

TE FUNDIT