Christopher Hill: Ballkani i Hapur aktivizon potencialin ekonomik të rajonit
Ambasadori i ShBA-së në Serbi, Christopher Hill, vlerëson se Ballkani i Hapur është mundësi për aktivizimin e tërë potencialit ekonomik të mbarë rajonit.
Sipas tij përmes kësaj nisme mund të rriten investimet e huaja, raporton Tanjug.
“Serbia është bërë destinacion kyç për investime në Evropë. Kompanitë amerikane kanë investuar mbi katër miliardë dollar në Serbi dhe kanë punësuar mbi 20 mijë punëtorë”, është shprehur Hill.
Hill gjatë një takimi me kryetarin e Odës Ekonomike të Serbisë, Stefan Lazarevic, ka thënë se Amerika do ta mbështesë Beogradin në të gjitha proceset e rëndësishme të reformave.
