Cilat automjete të përdorura e humbin vlerën më pak

Ndër veturat e përdorura që e humbin vlerën më pak u gjetën edhe disa modele të lira, si Dacia Sandero, por ka edhe vetura elektrike, si Tesla.

Periskopi.com Tech & Auto

Sapo ta keni blerë një veturë dhe ta keni ndezur atë për herë të parë, ju në të vërtetë keni humbur një pjesë të madhe të vlerës së saj. Ndryshe nga pronat e paluajtshme si apartamentet, shtëpitë dhe vilat, të cilat nuk e humbin vlerën, pronat e luajtshme si veturat nuk janë imune nga rënia e çmimit.

Kompania që bënë analizën e tregut, Schwacke, dhe portali Auto Bild kanë publikuar statistika për modelet e veturave të përdorura me çmimet më të mira.

Në mesin e veturave të përdorura që e humbin vlerën më pak dolën të jenë disa modele të lira, si Dacia Sandero, por edhe disa modele elektrike, si Tesla.

Po ashtu, kërkesë e lartë është për Porsche 911, model ky që amortizimin e mban brenda kufijve të pranueshëm. Për katër vjet kjo veturë sportive humb vetëm 42 për qind të vlerës fillestare. Kjo e bën një veturat e përdorura me çmimin më të qëndrueshëm në tregun gjerman.

Ndryshe nga Porsche, çmimi i ulët i Dacia Sandero është një aset i madh kur bëhet fjalë për ruajtjen e vlerës së tij si automjet i përdorur. Dacia është e lirë edhe kur është e re, kështu që humb shumë pak vlerë si veturë e përdorur. Vetëm një e treta (34 përqind) e vlerës do t’i humb për katër vjet.

Pasqyra e çmimeve në vazhdim sigurisht se vlen edhe për tregun kosovar të veturave, i cili është i prirur për import të veturave të përdorura kryesisht nga Gjermania.

Cmimet e prezantuara kanë të bëjnë me vetura katër vjet të vjetra.

 

Klasa                                                                   Më së miri e ruajnë çmimin pas 4 viteve

Automobilat elektrik deri në 40.000 €        Mini Cooper SE (59,6%)

Automobilat elektrik mbi 40.000 €              Tesla Model S Long Range (61,2%)

Automobilat e vegjël                                        Hyundai i10 1.2 (56,9%)

Utomobilat subkompakt                                 Dacia Sandero Stepway TCe90 (66%)

Automobilat kompakt                                      VW Golf 1.5 TSI OPF (53,7%)

Klasa e mesme                                                   Skoda Superb Combi 2.0 TSI 4×4 (49,8%)

Klasa e lartë                                                        BMW 540i xDrive Automatic (44,4%)

Automobilat sportiv                                          Porsche 911 Carrera 4S PDK (58,0%)

Kombit                                                                 Mercedes V 300 d 4Matic 9G-Tronic (56,4%)

SUV e vegjël                                                        Mazda CX-30 e-Skyactiv-G 2.0 (57,5%)

SUV kompakt                                                      Toyota RAV 4 2,5 4×2 Hybrid (57,8%)

SUV e mëdhënjë                                                 Range Rover Sport P400 3.0 (50,1%)