Çitaku: Ku janë dhënë 600 mijë euro, si është pajisur Martin Berishaj me shtetësi brenda ditës?
Nënkryetarja e PDK-së, Vlora Çitaku, ka mirëpritur kallëzimin penal të AKKA-së ndaj ambasadorit Martin Berishaj.
Megjithëkëtë, ajo ka edhe disa pyetje:
Kallëzimi penal i agjencionit anti korrpucion ndaj Martin Berishajt është i mirëpritur. Megjithatë, ky kallëzim trajton vetëm deklarimin e rrejshëm të pasurisë.
Ne ende nuk kemi përgjigje në disa pyetje fundamentale:
Ku janë dhënë 600.000 euro
Si është pajisur Berishaj me shtetësi brenda ditës
Si i ka kaluar Berishaj filtrat e verifikimit nga AKI.
Shkarkimi i vonuar tashmë do të duhej të ishte vetëm hapi i parë.