Çka deklaronte Ibrahim Rugova në lidhje me Trepçën dhe zgjidhjen për të?

Gazetarja: Zoti Rugova, përmendët Trepçën? Çka është problem, a është problem politik apo ekonomik Trepça sipas jush?

Rugova: Momentalisht jemi duke punuar që të bëjmë hapjen e Trepçës, por mos harroni është një gjigand shumë i madh dhe duhet shikojmë mundësinë, ideja jonë ishte që për momentumin, për momentin çastin politik, një numër i klasës punëtore që nuk ka hyrë as në biznesin  privat as në fushat tjera, do të ishte mirë që së pari të kthehet një numër i punëtorëve, të relaksohet jeta politike dhe publike pastaj të shikojmë vlefshmërinë apo rentabilitetin e Trepçës ma vonë sa si do të punojmë sepse është një gjigand me randësi të madhe për Kosovën dhe natyrisht se UNMIK dhe ne të tjerët e kemi në konsiderim…