Çka ndodh kur e keni njërin fëmijë të preferuar – efektet janë shkatërruese

Me siguri se ideja e të pasurit një fëmijë të preferuar ju nervozon.

Megjithatë, pavarësisht kësaj, 85% e pjesëmarrësve në një studim besojnë se nënat e tyre në të vërtetë e preferojnë njërin fëmijë më shumë se tjetrin, transmeton Telegrafi.

Ndoshta kjo jua kujton fëmijërinë. Ose ndoshta tani ju duket e vërtetë kur e keni familjen tuaj.

Sipas ekspertëve, faktorët e ndryshëm, siç është stresi, mund të kenë ndikim të madh në atë se si një prind i trajton individualisht fëmijët.

Ekspertët po ashtu tregojnë se favorizimi i një fëmije mund të jetë tejet i dëmshëm.

Favorizimi i tillë mund të shkaktojë përçarje mes vëllezërve e motrave dhe ndërlidhet që fëmijët të mos ndihen shumë të afërt me njëri-tjetrin.

Kjo ndjenjë e ndarjes dhe ftohjes është diçka që mund të vazhdojë edhe kur fëmijët të rriten.

Fëmija i cili është i pa favorizuar mund të ndihet i mposhtur, i pa motivuar, etj.

Kjo pastaj ndikon që ai fëmijë të vuajë nga depresioni, të jetë më i nervozuar, më i hidhët, më xheloz, etj.

Megjithatë, edhe fëmija i preferuar e pëson sepse fillon të ndihet sikurse rregullat nuk aplikohen për të.

Çfarë mund të bëni ju si prind?

Është e pamundur ta trajtoni çdo fëmijë ngjashëm, pasi që çdo lidhje është e ndryshme.

Megjithatë, ekspertët rekomandojnë që ta trajtoni çdo fëmijë me drejtësi, duke ua plotësuar të gjitha nevojat.

Nevojat e fëmijëve janë dashuria, ndjenjat, ngrohtësia dhe koha me prindërit.