Çoni lajmin në Ferizaj: Mbi 1500 gjoba trafiku u dhanë për një javë

Drejtoria Rajonale e Policisë në Ferizaj, ka vazhduar me aksionet e saja në identifikim të kundërvajtësve të ndryshëm me synim parandalimin e aksidenteve në komunikacionin rrugor. Ky aksion, po realizohet nga Njësia Rajonale e Komunikacionit Rrugor në rrugët magjistrale dhe lokale në rajonin e Ferizajt. Përveç policëve me uniformë po operohet edhe policë me rroba dhe automjete civile.

Patrullat e policisë me automjete dhe rroba civile në lëvizje, nëpër lokacione të ndryshme, në rrugë lokale dhe magjistrale identifikojnë drejtuesit të cilët shkaktojnë kundërvajtje të ndryshme në komunikacion, të njëjtit ndalohen dhe u shqiptohen gjoba kundërvajtëse, sipas ligjit të komunikacionit rrugor.

Në kuadër të këtyre aktiviteteve, policia rajonale, përfshirë këtu edhe stacionet policore, nga data 03-09 Janar 2022, kanë shqiptuar një mijë e 595 kundërvajtje:

– Mos respektimi i shpejtësisë së kufizuar, 617 gjoba

– Tejkalim në vijë të plotë apo vend të ndaluar, 20 gjoba

– Drejtimi i mjetit pa patentë shofer, 16 gjoba

– Kalimi i afatit të regjistrimit, 16 gjoba

– Xhamat e errët, vendosja e foljes ose materialit tjetër, 22 gjoba

– Mos përdorimi i rripit të sigurisë, 163 gjoba

– Përdorimi i telefonit gjatë ngasjes, 83 gjoba

Kundërvajtje tjera, bazuar në ligjet në fushën e trafikut rrugor, 658 gjoba heqje e patentë shoferit.