Deschamps bëhet i katërti që arrin një finale të Kupës Botërore si trajner por edhe si lojtar
Didier Deschamps është bërë trajneri i katërt që ka arritur në finale të Kupës Botërore si lojtar por edhe si menaxher.
Deschamps si lojtar i Francës e kishte fituar Kupën Botërore në vitin 1998. Ndërsa, të martën si trajner i Francës ai udhëhoqi ekipin e tij në fitoren minimale 1-0 kundrejt Belgjikës.
49-vjeçari nuk është njeriu i parë që e ka prekur një finale të Kupës Botërore si trajner por edhe si lojtar.
Franz Beckenbauer kishte arritur suksesin e dyfishtë me reprezentacionin e Gjermanisë, raportoi “DailyMail”, transmeton Periskopi.
Ai kishte fituar Kupën Botërore në vitin 1974 me Gjermaninë Perëndimore si lojtar. Ndërsa, në vitin 1990 ai e fitoi Kupën Botërore si trajner i Gjermanisë duke e mposhtur Argjentinën 1-0.
Rudi Voller kishte arritur në dy finale të Kupave Botërore në karrierën e tij. Por në njërën prej finaleve, atë të vitit 1986 e kishte humbur 3-2 nga Argjentina.
Por nën urdhërat e Beckenbauer, ai ishte pjesë e fitores së Gjermanisë Perëndimore katër vite më vonë.
Voller më pas e udhëheq Gjermaninë si trajner në finalen e vitit 2002 ku do të mposhtet nga Brazili 2-0.
Personi i parë që e ka fituar Kupën Botërore si menaxher por edhe si lojtar ka qenë Mario Zagallo./Periskopi/