Drecun: Emisari Special i Britanisë së Madhe do të krijojë probleme për interesat e Serbisë

Periskopi.com Lajme

Zyrtari i partisë së presidentit Vuçiq, Milovan Drecun është shprehur i shqetësuar për emërimin e fundit të Emisarit Special të Britanisë së Madhe për Ballkanin Perëndimor.

Drecun ka thënë se emërimi i ushtarakut Stuart Peach do të shkaktojë dëme për interesat e Serbisë.

“Mendoj se ai do të jetë koordinator dhe krijues i shumë aktiviteteve hibride që do të shkaktojnë dëme për interesat e Serbisë, popullit serb dhe Republikës Serbe”, tha ai për Tanjug.

Kryetari i Komisionit Parlamentar për Kosovën, Milovan Drecun tha se Britania po dëshiron ta dobësojë pozicionin e Serbisë në negociata me Kosovën.

“Duke emëruar Shefin e Forcave Ajrore të Britanisë së Madhe, Stuart Peach, si Emisar Special për Ballkanin Perëndimor, Britania dëshiron të ndikojë në proceset e brendshme të Serbisë dhe ta dobësojë pozicionin tonë ndërkombëtar dhe në negociata me Prishtinën”, ka thënë ai.